¹ Mangataky aminareo aho noho zay, ry rahalahy, noho gn'ny famindram-po Ndragnahary, mba hanolotry gny vatanareo ho soro velo, masina, eken'Ndragnahary. Zay ro fagnompoanareo araky gny tokony ho i. ² Ka manahaky agn'izao tontolo zao, fa miovà amign'ny fagnamboara gny sainareo. Ataovo zao soa ho hainareo ze soa, azo ekea, ka gny sitrapo lafatry gny Zagnahary. ³ Ambarako, noho gny fahasoava nameany ahy, gny tsy tokony hananan'iaby ze aminareo eo heritreritry hanambony tegna mihoatry ze tokony ho heveriny. Fe koa,tokony hieritreritry am-pahendrea reo, tahaky gny nagnomazan-Ndragnahary fatram-pinoa gny tsirairaiky aby. ⁴ Mana ratsan-tagna maro amign'ny vatantsika tsika, nefa tsy mitovy iaby gn'asanireo rantsan-tagna reo. ⁵ Manahaky anizay, tsika ze maro be io de vata raiky avao amign'i Kristy, rantsa manoka amign'ny tsirairaiky. ⁶ Mana fanomezam-pahasoava samby hafa tsika araky gny fahasoava namea antsika. Laha faminania ro fagnomeza pahasoava raiky, aoka mba hatao arakign'ny habevata gny finoany. ⁷ Laha fanompoa ro fagnomezan-pahasoava raiky, aoka i hanompo. Laha nisy raiky nahazo fagnomezam-pahasoava hampianatry, aoka i hampianatry. ⁸ Laha fampahereza ro fagnomezan-pahasoava raiky, aoka i hampahery. Laha magnome ro fagnomezan-pahasoava gny raiky, aoka i hanao agn'izay am-pahalalam-tagna. Laha hitariky ro fagnomezam-pahasoava gny raiky, aoka i hamita agn'izay amin-pahendrea. Laha hampiseho fo mangoraky ro fagnomezan-pahasoava gny raiky, aoka zay mba ho vita am-piravoravoa. ⁹ Aoka gny fitiava tsy hisy fihatsaram-belatsy. Ankahalao gny raty; tagno mare gny soa. ¹⁰ Laha gny momba gny fitiavan'ny mpirahalahy, mifankatiava aminareo tsirairaiky aby. Laha momba gny fanomezam-boninahitry, mifagnajà. ¹¹ Laha gny momba gny fikiriza, ka misalasala. Laha gny momba gny fagnahy, aoka hafana fo. Mikasiky gny Tompo, tompò i. ¹² Mifalia amin-pahatokia ze agnananao momba gny ho avy. Mahareta amign'ireo fihasahiragnanao. Mivavaha avao. ¹³ Mifampizarà amign'izay ilà gny mpino. Milà fomba hampiantranoanao olo maro. ¹⁴ Misaora gnazy manenjiky anao reo, misaora fa ka magnozo. ¹⁵ Miaraha mifaly amign'izay mifaly; miaraha mitagny amign'izay mitagny. ¹⁶ Mitovia fisaigna amign'ny tsirairaiky. Ka misay am fomba mirehareha, fa ekeo reo olo ambany. Ka mihevitry gnainao ho hendry. ¹⁷ Ka mamaly raty gny raty. Manaova raha soa maro an masogn'olo iaby. ¹⁸ Laha mety, araky gn'izay azonao atao, mihavagna amign'olo iaby. ¹⁹ Ka mamaly raty gnainareo, ry malala, omeo lala gny siakin-Ndragnahary. Fa voasoratry hoe: "Gnahy gny vali-faty; zaho ro hamaly; hoy gny Tompo". ²⁰ Fa laha mosary gny fahavalonao, ameo hany i. Laha mangetaheta i, ameo rano hosotroiny. Fa laha manao an zay anao, de hanango vain-motro amign'ny lohany". ²¹ Ka magneky ho resy gny raty, fa reseo amign'ny soa gny raty.