¹ Ka nivola aho,narian-Dragnahary araky gny olony? Sagnatria zay. Fa zaho avao koa Israelita, taranak'i Abrahama, baka amy fokon' i Benjamina. ² Dragnahary tsy mbo tsy nagnary Gny olony ze fa hainy taloha. Tsy hainareo va gny voateniny Soratsy Masy mahakasiky an'i Elia. Gny fitaraignany tamin-Dragnahary namotiky an'i Israely? hoe: ³ Tompo,I reo ro namono gny mpaminany,namotiky gny alitaranao. Zaho raiky avao sisa tavela, ka mikinia gnaiko reo." ⁴ Fa ino gny valin-teny nambaran-Dragnahary azy? Nanoka fito arivo lahy ho gnany gnaiko aho ze tsy nanadohaliky tamin'i Bala teo." ⁵ Manahaky anizay, ananizao avao koa, misy sisa avao nohony fisafidiana amy fahasoava. ⁶ Fa laha avy amy fahasoava zay,tsy baka amy asa koa. Fa laha izay tsy fahasoava koa gny fahasoava. ([ Fagnamariha: Gny atontan-taratasy sasany taloha ro mamaky hoe: " Kanefa laha baka amy asa zay,tsy fahasoava koa; fa laha zay tsy asa koa gny asa."]) ⁷ Ino zao? Gny raha zay nilan'Israely, tsy azony, fa gny voafily ro mahazo anizay, sady namafisy ambiny regny. ⁸ Izay araky gny voasoratry hoe: " Zagnahary nagnome andreo gny fagnahiny fitavozavoza, maso mba tsy hitandreo, sy sofy mba tsy haregnesandreo, mandrak' androany." ⁹ Ka hoy Davida hoe: " Aoky gny latabany ho harato sy fandriky, ho vato maminga gny valifaty ho andreo. ¹⁰ Aoky gny masondreo ho maizigny mba tsy hahajery, aoky hiondriky mandrakizay gny lambosindreo: " ¹¹ Zao gnataoko: " Hainao fa ho tafitohy reo mba ho lavo?" Sagnatsia lehy zay. Fe, baka amy fahavalondreo, ro nahaavy gny famonjeha taminy hako reo, mba hampialo andreo. ¹² Laha gny fahavalondreo ro haregnan'zao tontolo zao, laha gny fahaverezandreo ro haregnandreo hako, manao akory gny habevatany fahatanterandreo? ¹³ Hananiky zao,miresaky amindreo hako Aho. Sady laha mbo apostolin-dreo hako aho, la mankasitraky gny fagnompoako. ¹⁴ Vasa hampialo andreo ze baka amy vatako manoka aho. Vasa hamonjy gny sasany amindreo tsika. ¹⁵ Fa laha midika fampihavana an' zao tontolo zao gny fandava andreo, ino ro handraisa andreo anizay fa fiaina baka amy fahafatesa? ¹⁶ Laha voatoka gny vokatry voalohany, gny ampahany amy kobam-bary koa. Laha voatoka gny fangalany, la manahaky anizay avao koa sampany reo. ¹⁷ Fa laha nitapahy gny sampany sasany, sady laha iha, sampany oliva,ro natambatry tamindreo, sady laha nifampizara tamindreo gny fototry mamokatry gny hazo oliva iha, ¹⁸ ka mirehareha amindreo sampany. Fa laha mirehareha iha, tsy iha ro manday gny fakany, fa gny fakany ro nanday anao. ¹⁹ Ka hivola iha hoe: " Nitinapaky hiala sampany reo mba hafahako mifandrai aminy." ²⁰ Marina zay. Nohony tsy finoandreo la nitinapaky hiala reo, fe nareo mitsanga soa nohony finoanareo. Ka manao gny gnainareo ho ambony, fa matahora. ²¹ Fa laha gny tegna sampany aza tsy nengan-Dragnahary, la tsy hengany avao koa iha. ²² Ka, henteo, gny fahatsotsaram-po sy gny fahasarotam-pon-Dragnahary. Agnilan'izay, gny fahasarotam-po ro avy amindreo Jiosy ze mentonta. Fa agnilan'izay koa, gny hasoam-pagnahy ro avy aminareo. Fa laha tsy zay, ho tapahy koa nareo. ²³ Ka na zay aza, laha tsy manohy amy tsy finoa reo, la hatambatry. Fa Dragnahary ro afaky hagnapoly hanambatry andreo ndraiky. ²⁴ Fa laha nitinapaky tamy hazo oliva nareo, ka natambatry tamy hazo oliva soa,manao akory gny fagnohara hamaroany Jiosy reo, ze sampa voajanahary, natambatry tamy hazo olivandreo manoka? ²⁵ Fe tsy teako tsy ho hainareo, ry rahalahy, gny amizay raha mivony zay, mba tsy haha-hendry anareo amy eritreretinareo manoka. Zay raha mivony zay ro fa nampahery loha gny ampahany amin' Israely, mandra- piaviny fahafenoandreo hako reo. ²⁶ Laha izay, ho vonjeo iaby gny Israely iaby, araky gny voasoratry hoe: " Hiboaky baka a Ziona gny mpagnafaky. Hangala gny haratiam-pagnahy amin' i Jakoba I, ²⁷ Ka izay ro ho fagnekem-pilongoako amindreo, lafa hagnosotsy gny fahotndreo Aho." ²⁸ Aminy lafiny raiky mahakasiky gny filazan-tsara ro fahavalondreo noho aminareo. Amy lafiny raiky hafa araky gny safidin-Dragnahary,mahafantatry reo noho gny raza. ²⁹ Fa fagnomeza sy kaikin-Dragnahary reo ro tsy miova. ³⁰ Fa nareo tsy nagnaja an-Dagnahary taloha, kanefa hananizao nareo ro nandramby gny famindram-po noho gny tsy fankatoavandreo. ³¹ Manahaky anizay avao koa, hananizao Jiosy reo tsy nagneky. Gny vokatriny taminy alalany famindram-po ze naseho anareo ro mety handraisandreo gny famindram-po avao koa hananikizao. ³² Fa Dragnahary fa nagnily gny tsy fankatoava iaby, mba hahafahany mampijery famindram-po aminy olo iaby. ³³ Eeh, gny halalikiny harea gny fahendrea sy fahhaizan-Dragnahary! Tsy takatsy gny say gny fitsarany, sady tsy hay refesy gny lalany! ³⁴ Ka ia ro nahavy gny fievitry gny Tompo na ia ro ho avy ho mpanolon-tsay Azy? ³⁵ Na ia ro hagnome raha an-Dragnahary aloha, ka tsy maintsy hanogneran-Dragnahary Azy ndraiky?" ³⁶ Fa baka Aminy sy aminy alalany sady ho gnazy gny raha iaby. Ho gnazy mandrakariva gny vaninahitsy. Amena.