¹ Laha apetrako aminareo le i Foibe anabavintsika, mpanompo gny fiangona Kenkrea, ² mba andrambesanareo azy amin'i Tompo ao. Ataovo amin'ny fomba soa zay le nareo mpino reo, ka mba ampio i amin'ny fasahira mety hahazo azy. Fa i koa mba lasa manampy olo, miaraky amiko koa. ³ taovo veloma ry Prisila sy Akoila, mpiara miasa amiko amin'i Kristy Jesosy, ⁴ nanome gny ainy ho ahy. Misaotry andreo aho, tsy zaho raiky avao koa, fa fiangonan'ny jentilisa reo koa. ⁵ Manaova veloma gny fiangona an-tranondreo ao koa. Ataovo veloma koa i Epaineto, vohaloha gny vokatr'i Asia hamea an'i Kristy. ⁶ Ataovo veloma Maria, niasa mare ho anareo. ⁷ Ataovo veloma i Androniko sy Jonia, longoko mariniky, niaraky nigadra tamiko. Malaza tamin'ny apostoly reo, taloako niaraky tamin'i Kristy. ⁸ Ataovo veloma koa Ampliato. ⁹ Ataovo veloma i Orbano, mpiara-miasa amintsika amin'iKristy ao, sy Staky. ¹⁰ Ataovo nahoa Apela, raiky enkea amin'i Kristy ao. Ataovo nahoa ze antranon'i Aristobolo ao. ¹¹ Ataovo veloma i Herodiona, longoko. Ataovo veloma iaby ze antranon'i Narkisa ao, raiky amin'ny Tompo ao. ¹² Ataovo veloma i Tryfena sy Tryfosa, miasa mare amin'ny Tompo ao. Ataovo nahoa Perysa, niasa mare tamin'ny Tompo tao. ¹³ Ataovo veloma Rofosy, raiky voafily tamin'ny Tompo tao, miaraky amin'ny neniny sy neniko. ¹⁴ Ataovo veloma Asynkrito, Flegona, Hermesy, Patroba, Herma, miaraky amin'ny rahalahy miaraky amindreo. ¹⁵ Ataovo veloma Filologia sy Jolia, Nerea sy gny anabaviny, sy Olimpa, miaraky amin'ny mpinondreo ao. ¹⁶ Mifanaova veloma amin'ny orokoroky masy. Fiangonan'ny Kristy iaby laha manao veloma anareo koa. ¹⁷ Enaniky zao, mamporisiky anareo zaho, rahalahiko, mba hieritreritry momba gny mahavy ngy fizarazara sy fanaova raty olo. Reo laha mioatry lavitry gny fampianara namea anareo. Mialaha lavitry andreo. ¹⁸ Tsy mpanompon'i Kristy Tompontsika reny, fa mpanompo gny kibony avao olo manahaka anireny. Manao teny soa malemilemy olo manao anireny hamitaha gny olo marina. ¹⁹ Fa gny fanohara atao nareo amin'ny fanaran-tsafa, laha avy amin'olo raiky raiky aby. Baka amin'izay, faly zaho, fa tiako ho hendry amin'ny raha soa nareo, ka tsy hisy tsiny amin'ny raty. ²⁰ Ndragnahary gny fiadana hametaky an'i Satana ambany gny tombokinareo tsy ho ela. Ho aminareo le gny fasoavan'i Tompontsika Jesosy Kristy. ²¹ nao veloma anareo Timoty, mpiaraky miasa amiko, sy Losio, Jasona ndraiky Sosipatro, longoko. ²² Zaho, Tertio, nanoratry epistily ty, manao veloma anareo amin'ny anaran'i Tompo. ²³ Gaio, raiky nanome trano ahy sy gny fiangona iaby, laha manao veloma anareo. Erasto, mpitanjaky vola an-tana ao, manao veloma anareo miaraky amin'i Koarto rahalahy. ²⁴ Ho aminareo le gny fasoava gny Tompontsika Jesosy Kristy. Amena. ²⁵ Ka gny voninahitry laha ho Azy navita napitsanga anareo tamin'ny filazantsarako sy gny fitoria an'i Jesosy kristy, araky gny fagnambara gny mistery notazomy ho tsiambaratelo ela be taloa tany, ²⁶ laha nambara enaniky izao, ka tamin'ny bokin'ny faminaniha ro nampahafantary tamin'ny firene iaby, baka amin'ny lily Ndragnahary tsisy fiafara, ho fanara gny finoa. ²⁷ Ho an-Dragnahary raiky avao gny fahendreha , ngy voninahitry tsisy fiafara, baka amin'i Jesosy Kristy, Amena.