¹ Fantaro zao: amy reo andro farany hisy reo fotoan-tsarotsy. ² Fotony gny olo ho tea tegna, tea vola, ho mpirehareha, ho mpandoky tegna, ho mpametaveta an-Dragnahary, tsy mamoha baba amy neny, tsy misaotsy, tsy masy. ³ Tsy hanan-katea gny fianakavia reo, mpanohitsy, ho mpagnendrikendriky, tsy hahafehy tegna, hahery loha, tsy ho tea gny soa. ⁴ Ho mpamadiky reo, tsy misy eritseritsy, mpagnambony tegna, tea fahafinareta mihoatsy noho reo tea an-Dragnahary. ⁵ Hana gny toetsy manahaky Ndragnahary reo. Kanefa handa gny hery. Miala amy regny olo regny. ⁶ Fotony gny sasany tamindreo johary ze militsy ao an-toka tragno mandresy lahatsy reo ampela adala. Reo ro ampela ze tsy afaky amy gny fahota sy voatariky amy reo fila samihafa. ⁷ Reo ampela reo mianatsy avao, kanefa tsy ho avy amy gny fahafantaragny fahamarigna mihitsy. ⁸ Manahaky any zay avao koa i Jana voho i Jambra nitsanga nanolotsy an'i Mosesy. Tamy zay nitsanga avao koa mpampianatsy sandoky reo hanohitsy gny marina. Johary reo simba fihevitsy, tsy nankasitraha tamy gny finoa. ⁹ Fa tsy handroso lavitsy reo. Fotony gny adalany ho hita mazava amy gny olo iaby, manahaky johary reo. ¹⁰ Lafa nareo koa , fa magnaraky gny fampianarako, gny fitondra, gny fikasa, gny finoa, gny faharetam-po, gny hatea, gny fahareta, ¹¹ reo fagnenjeha, gny fijalea, ze nitsanga tamiko tagny Antiokia, tagny Ikonioma sady tagny Lystra. Niharitsy gny fagnenjeha zaho. Avy amy raha iaby reo, namonjy ahy gny Tompo. ¹² Ze iaby te hiay araky gny fomban-Dragnahary ao amin'i Kristy Jesosy ro enjehy. Reo olon-draty voho reo mpisandoky ro any amy gny raty tokoa. ¹³ Reo hitariky olo hafa agny amy lalan-diso. Ary reo tegnany ro ho voatariky amy zay. ¹⁴ Fa nareo koa, mipetraky ao amindreo raha zay fa nianaranareo sy fa ninoanareo. ¹⁵ Hainareo fa hatramy gny fahazaza ro nahaiza reo asa soratsy masina nareo. regny hahavita hampahihitsy anareo ho amy gny famonjea amy alala gny finoa an'i Jesosay Kristy. ¹⁶ Gny soratsy Masy iaby avy baka amy gny tsindrimandrin-Dragnahary. Zay ro tombony ho any fotom-mpampianara, ho any fanondroa gny diso, ho any fanitsia, ho any fampiofaha amy gny fahamarigna. ¹⁷ Zay mba ahavy gny joharin-Dragnahary hahay soa, ho voaoma tanteraky amy gny asa soa iaby.