¹ Zaho magnome toy lily hantitsy toy eo anatrehan'Andrianagnahary sy Jesosy Kristy, zay hitsara gny velo sy gny maty, noho gny fisehoa sy gny fanjakany: ² Mitoria gny safa. Mivonona na any gny fotoa na tsy any gny fotoa. Magnanara, mivolagna mare, mampirisiky, amin-pahareta sy gny fampianara iaby. ³ Fotony ho avy gny fotoa zay tsy hazaka gny olo gny feo gny fampianara. Fa koa, nareo hifily mpampianatry ho azy araky reo faniria manokany. Reo hanitikitiky gny sofindreo. ⁴ Hagnala gny fijanjignandreo amy gny fahamarina reo.Hivily ho agny amindreo angano. ⁵ Kanefa nareo, eritrereto soa gny raharaha. Hiareto gny zava-tsarotsy; ataovy gny asa gny evanjelista, tanterahy gny fanompanareo. ⁶ Fotony afa ho atolotsy sahady zaho. Fa avy gny hialako. ⁷ Zaho fa nahavita gny aly soa; fa mahavita gny hazakazaky zaho; fa notazomiko gny finoa. ⁸ Gny satro-boninahitsy gny fahamarina fa voatoka ho ahy, zay home gny Tompo, lay mpitsara marina, ho ahy amy zay andro zay, tsy ho ahy raiky avao, fa koa ho andreo iaby zay fa nitia gny fisehoany. ⁹ Ameeo zay soa iaby baka aminao mba handeha amiko aty malaky. ¹⁰ Fotony i Demasy fa nagnenga ahy. Teany zao tontolo zao sady fa nandeha ta Tesalonika I. Kreska ro nandeha Galatia, Titosy nandeha Dalmatia. ¹¹ Lioka raiky avao ro miaraky amiko. Alao i Marka ento I miaraky aminao fotony ilako amy gny asa I. ¹² Tykiko ro nalefako tagny Efososy. ¹³ Lay siky zay nengako tao Troasy miaraky amy gny Karpo, ento igny raha avy iha, sady reo boky, indrindra ro mifogno hiditsy. ¹⁴ Aleksandro lay mpanefy varahy nampisehoseho asa raty maro tamiko. Gny Tompo hamaly azy araky reo asany. ¹⁵ Iha avao koa tokony hitandry gny tenanao aminy, fotony I manohitsy mare reo safanay. ¹⁶ Tamy gny fiarovan-tenako voalohany, tsy naneho ahy. Nefa kosa gny olo iaby nagnenga ahy. Aoka mba tsy ho voaheloky amin'zay reo. ¹⁷ Fa gny Tompo nitsanga teo agnilako mankahery ahy mba, amy gny alalako, gny fanambara afaky tanterahy tanteraky, mba afaky hijanjy reo Jentilisa iaby. Zaho avotsy tamy gn vava gny liona. ¹⁸ Gny Tompo hagnavotsy ahy amy gny asa raty iaby hamonjy ahy amy gny fanjaka agny an-dagnitsy. Ho azy anie gny vonignahitsy mandrakizay doria. Amena. ¹⁹ Ataovy veloma i Prisla, i Akoila, ary reo ankohonan'i Onesiforosy. ²⁰ Erasto nipetraky tao Korinto, fa i Trofimo ro niengako fa narary ao Mileto. ²¹ Ameo zay soa imdrindra baka aminao mba hihiaviako aloha gny asotsy. Hanao veloma anao i Eolobolo, Poda avao koa, Lino, Klaodio, ary reo rahalahy iaby. ²² Hiaraky amy gny fagnahinao anie gny Tompo. Ho aminareo anie gny fahasoava.