¹ Noho zay, gnanako, mahereza ao amy fahasoava zay ao amin'i Jesosy Kristy. ² Reo raha renareo baka amiko teo agnatraha gny vavolombelo maro, ankino amy gnolo matoky ze afaky hampianatsy gny sasany koa. ³ Miaritsy raha sarotsy gny miaraky amiko, manahaky gny miaramila soan'i Jesosy Kristy. ⁴ Tsy misy miaramila manompo laha mbo voafandriky reo raharahan'izao fiaigna zao,mba ahafahany mampisinisiny gny lehibeny. ⁵ Laha misy olo mifanigna manahaky gny Atleta, ro tsy mandramby gny satro-boninahitsy i laha tsy mifanigna amy alala gny reo fitsipiky. ⁶ Ila gny fandrambesa gny mpamboly ze miasa mare amy anjara vokatsy voalohany. ⁷ Diniho gny mikasiky gny volako, fa gny Tompo ro hagnome anareo gny fahatakara amy gny raha iaby. ⁸ Tiarovo Jesosy Kristy, baka amy taranak'i Davida, zay natsanga tamy reo maty. Zay araky gny hafatry gny filazantsarako, ⁹ ze mampijaly ahy amy gny famatora manahaky mpamono olo. Fa gny safan-Dragnahary ro tsy voafatotsy. ¹⁰ Noho zay hiaretako gny raha iaby ho any reo voafily, mba ho afaky handramby gny fagnavota ze ao amin'i Kristy Jesosy reo, miaraky amy gny voninahitsy mandrakizay. ¹¹ Toy safa toy ro mendri-pitokisa:" Laha maty miaraky tamy tsika, ro ho velo hiaraky aminy avao koa. ¹² Laha miaritsy tsika, ro hanjaka hiaraky aminy avao koa. Laha manda Azy tsika, handa antsika avao koa I. ¹³ Laha tsy matoky tsika, ka hahatoky avao I, fotony tsy afaky manda gny tagnany I." ¹⁴ Ampatsahivo andreo raha reo. Ampitandremo agnatrahan-Dragnahary reo mba tsy hifamaly momba gny safa reo, Noho raha io ro tsy misy raha ilay. Noho raha io ro misy fahasimba go any reo ze mijanjy.[Fagnamariha: gny dikan-tsafa sasany ro mivaky hoe:" Ampitandremo eo agnatreahan-Dragnahary reo] ¹⁵ Omeo gny soa baka aminao mba hanoloranao tegna ho an-Dragnahary manahaky gny any ankatoavy, mpiasa ze tsy mana antony hahamegnara, ze ze mampianatsy gny safa fahamarigna amy tokony ho i. ¹⁶ Hialao gny safa fagnevatevagna, ze manday tsikelikely any amy gny faharatsim-pagnahy. ¹⁷ Gny safan-dreo ro hiely manahaky gny fery mandoaky. Eo agnivo ny reo Hymeneo sy Fileto. ¹⁸ Reo ro johary tsy mba nahalala gny marina. Mivola reo fa gny fitsanga amy gny maty ro fa nitranga. Simbaindreo gny finoa gny sasany. ¹⁹ Ndre zay aza,gny fototsy mahery orin-Dragnahary ro mijoro. Mana soratsy toy:" Gny Tompo ro mahay reo ze gnazy" sady " Ze manogno gny agnara gny Tompo ro tsy miala amy gny tsy fahamarigna." ²⁰ Ao amy tsano gny mpanan-karea,tsy reo fipetraham-bolamena sy volafoty avao ro ao.Misy avao koa gny fipetrahan-kazo sy tanimanga.Gny sasany am-dreo ho ampiasay amim-boninahitry ,gny sasany amy fangala baraka. ²¹ Laha misy olo mandio gny vatany ho afaky amy fangala baraka,dia fitoera manan-kaja i.I ro voatoka,tadiavi gny Tompony ,ro voaoma amy asa soa iaby. ²² Lomaisa any reo fila gny tanora. Mikatsaha fahamarigna, finoa, hatea ro fihavagna miaraky amindreo ze mikasiky gny Tompo amy gny fo malio. ²³ Fa mandagna gny fagnontania adala sy tsy misy fotony. Hainareo fa miteraky aly reo. ²⁴ Gny mpanompo gny Tompo rp tsy tokony hifamaly. Fa tsy maintsy malemy fagnahy amy iaby i, mahay mampianatsy, sady maharitsy. ²⁵ Tsy maintsy ao amy gny fahalemeam-pagnahy ro ampanarany reo ze magnohitsy azy. Vasa Ndragnahary mety hagnome andreo fibebaha ho any fahalala gny marina. ²⁶ Mety himpoly draiky gny fisian-dreo sady hagnenga gny fandriky gny devoly, lafa baka sinambotry tamy gny sitrapony.