¹ Ry malala, ka mino gny fanahy iaby. Fa koa, mitsapà reo fanahy mba hijery fa avy amin'Andrianagnahary reo, fotony mpaminany sandoky maro ro fa niala taminy zao tontolo zao. ² Amy zao ro ahaizanareo gny fanahin'Andrianagnahary gny fanahy iaby zay maneky fa i Jesosy Kristy zay lasa nofo no avy amin'Andrinagnahary, ³ sady gny fanahy iaby zay tsy maneky fa jesosy no tsy avy amin'Andrianagnahary. La zay gny fanahiny gny antiKristy, zay fa renareo fa ho avy, ary henanikizao no fa eto an-tany. [Fanamariha: misy dikan-tsafa taloha sasany no mivaky hoe: ''Sady gny fanahy iaby zay tsy manaiky fa Jesosy la tonga nofotry la tsy avy amin'Andrianafnahary. Zay ro fangnahy gny antiKristy, zay fa renareo fa ho avy, sady henaniky zao no fa eto an-tany."] ⁴ Nareo no avy amin'Andrianagnahary, ry gnanaky malala, sady fa nandresy andreo, fotony lay raiky zay ao aminareo no bevata mihoatsy noho lay raiky zay eto amy zao tontolo zao. ⁵ Reo baka amy zao tontolo zao; noho zay zao raha nolagnindreo no avy amy zao tontolo zao sady mijajy andreo. ⁶ Avy amin'Andrianagnahary tsika. Zay mahay gny Tompo no mijajy antsika. Amy zao ro ahaizantsika gny fanahy gny fahamarina sy gny fanahy gny fahadisoa. ⁷ Ry malala, aoka tsika hifankatia, fa gny fitiava no avy amin'Andrianagnahary, sady zay iaby mitia no naterak'Andrianagnahary sy mahay an'Andrianagnahary. ⁸ Gny olo zay tsy mitia no tsy mahay an'Andrianagnahary, fotony Andrianagnahary no fitiava. ⁹ Noho zay gny fiavan'Andrinagnahary no nivolagny tamintsika, fa Andrianagnahary no nandefa gny gnanany lahitokany ho any zao tontolo zao mba ho velo noho I tsika. ¹⁰ Ao amy zay gny fitiava zay, tsy gny nitiavantsika an'Andrianagnahary, fa gny fitiavany antsika, sady gny nandefasany gny Gnanany lahy ho fagnavota reo fahotantsika. ¹¹ Ry malala, lafa tia loatsy antsika Andrianagnahary, no tokony hifankatia avao koa tsika. ¹² Tsy mbola nisy nahita an'Andrianagnahary. Fa lafa mifankatia tsika, sady mipetraky ao amintsika Andrianagnahary no gny fitiavany sady tanteraky ao amintsika. ¹³ Amy zay ro ahaizantsika fa mipetraky ao aminy tsika sady I ao amintsika, fotony I sady nanome gny sasany amy gny fanahiny. ¹⁴ Sady avao koa, fa nahita tsika sady la fa mijoro vavolombelo fa gny Ray fa nandeha gny Gnanakiny lahy ho Mpamonjy any zao tontolo zao. ¹⁵ Na ia na ia maneky fa Jesosy no gnanaky lahin'Andrianagnahary, no mipetraky ao aminy Andrianagnahary sady I ao amin'Andrianagnahary. ¹⁶ Tsika avao koa no nahay sady nino gny fitiava zay fa nananan'Andrianagnahary ho antsika. Andrianagnahary no fitiava, sady lay raiky zay mipetraky amy zay fitiava zay no mipetraky ao amin'Andrianagnahary, sady Andrianagnahary no mipetraky ao aminy. ¹⁷ Noho zay, zay fitiava zay no notanterahiny tamintsika, mba hanagnantsika fahatokisa amy gny andro gny fitsara, fotony toa azy, no toy zay avao koa tsika eto amin ty tany ty. ¹⁸ Tsy misy tahotsy ao amy gny fitiava. Fa koa, gny fitiava tanteraky no manala gny tahotsy, fotony gny tahotsy no tsy maintsy miaraky amy gny sazy. Fa lay raiky zay matahotsy no tsy natao ho tanteraky ao amy gny fitiava. ¹⁹ Mitia tsika fotony Andrianagnahary nitia antsika voalohany. ²⁰ Lafa misy olo mivola hoe: ''Teako Andrianagnahary'' nefa tsy tia gny rahalahiny, no mavandy I. Fa lay raiky zay tsy mitia gny rahalahiny, zay jeriny, la tsy afaky gny hitia an'Andrianagnahary, zay tsy jeriny. ²¹ Sady, zay avao koa ro didy zay anagnantsika avy aminy: Na ia na ia mitia an'Andrianagnahary no tsy maintsy mitia gny rahalahiny avao koa.