¹ Na ia na ia mino fa i Jesosy no Kristy no naterak'Andrianagnahary, na ia na ia tia gny Ray avao koa no tia gny gnanany naterakiny. ² Noho zay ro ahaizantsika fa tiantsika reo gnanak'Andrianagnahary: lafa tia an'Andrianagnahary sy manatanteraky reo didy tsika. ³ Fotony zay ro fitiava ho an'Andrianagnahary: No gny hanatanterahantsika reo didy. Sady reo didy la tsy mavesatsy. ⁴ Fa gny olo iaby zay naterak'Andrianagnahary no mandresy any zao tontolo zao. Sady zay no fandresea zay fa nandresy any zao tontolo zao: gny finoantsika. ⁵ Ia lay raiky zay mandresy any zao tontolo zao? Lay raiky zay mino fa i Jesosy no gnanak'Andrianagnahary. ⁶ Zay no lay raiky avy taminy rano sy rà: Jesosy kristy. I no avy tsy taminy rano avao, fa taminy rano sy lio. ⁷ Fa misy telo zay mijoro vavolombelo: ⁸ gny Fanahy, gny rano, sady gny ra. Reo telo reo no mifagnaraky.[Fanamariha: Gny dikan-tsafa taloha sasany no mivavaky toy zao: ''Fa misy telo zay mijoro vavolombelo agny an-dagnitsy: gny Ray, sy gny Safa, sady gny Fanahy Masina; sady reo telo reo no raiky. Sady misy telo zay mijoro vavolombelo eto ambony gny tany: gny Fanahy, gny rano, sady gny ra; sady reo telo reo no toy gny raiky.'' Na zay aza, reo dikan-tsafa soa indrindra no tsy mivaky toy zay.] ⁹ Lafa mandray gny fijoroa vavolombelo gny olo tsika, no ho bevata kokoa gny fijoroa vavolombelon'Andrianagnahary. Fa gny fijoroa vavolombelon'Andrianagnahary no zao: I no mijoro vavolombelo mahakasiky gny Gnanakiny. ¹⁰ Na ia na ia mino gny gnanak'Andrianagnahary sady mana fijoroa vavolombelo ao aminy zay vatany. Zay tsy mino an'Andrianagnahary no manao azy ho mpavandy, fotony I no tsy nino gny fijoroa vavolombelo zay fa nomen'Andrianagnahary mahakasiky gny Gnanany. ¹¹ Sady gny fijoroa vavolombelo no zao: Andrianagnahary no nanome antsika fiaina mandrakizay, sady zay fiaina zay no ao amiy gny Gnanakiny. ¹² Lay raiky zay mana gny Gnanany no mana gny fiaina. Gny olo zay tsy mana gny Gnanak'Andrianagnahary no tsy mana fiaina. ¹³ Fa nanoratsy reto raha reto ho anareo zaho mba hahaizanareo fa mana gny fiaina mandrakizay anareo ho anareo zay mino gny agnarany gnanak'Andrianagnahary. ¹⁴ Toy zay avao koa, zay ro fifanekeny zay anagnantsika eo anatsehany, fa na ino na ino angatahantsika araky gny sitrapony, la maheno antsika I. ¹⁵ Toy zay avao koa, lafa haintsika fa maheno antsika I, na ino na ino angatahantsika zay iaby nangatahintsika taminy. ¹⁶ Lafa misy olo raiky mahajery gny rahalahiny manao fahota zay tsy miteraky fahafatesa, tsy maintsy mivavaky I, sady Andrianagnahary no hagnome fiaina ho azy. Zaho no mampitovy reo zay mana fahota tsy miteraky fahafatesa. Misy fahotana zay miteraky fahafatesa; tsy mivola zaho hoe tokony hivavaky amy gny izay I. ¹⁷ Gny fahamarina iaby ro fahotana, nefa misy fahota tsy miteraky fahafatesa. ¹⁸ Haintsika fa na ia na ia naterak'Andrianagnahary no tsy manota. Nefa lay raiky zay naterak'Andrianagnahary la miaro gny vatany, sady gny raty no tsy afaky gny ahakasiky azy. ¹⁹ Haintsika fa avy amin'Andrianagnahary tsika, sady zao tontolo zao no mipetraky ao amy gny raty. ²⁰ Kanefa haintsika fa gny Gnanak'Andrianagnahary la fa avy fa nagnome antsika fahazavan-tsay mba hahaizantsika lay raiky zay tena marina. Toy zay avao koa, tsika no ao amy lay raiky zay marina, ao amy i Jesosy Kristy Gnanakiny. I ro Andrianagnahary marina no fiaina mandrakizay. ²¹ Anaky, arovy amindreo sampy gny vatanareo.