¹ Igny toy gny fitiava nomeny Ray antsika, mba hikea antsika hoe gnanak'Andrianagnahary, sady zay tsika. Noho zay antony zay, zao tontolo zao la tsy mahay antsika, fotony tsy mahay azy zay. [Fanamariha: Gny dikan-tsafa taloha la tsy magnisy hoe: ''sady zay tsika.''] ² Ry malala, gnanak'Andrianagnahary tsika henaniky zao, sady zay no mbola tsy nivola hoe ho toy gny ino tsika. Tsika no mahay fa lafa miseho i Kristy, no ho mitovy azy tsika, fotony hijery Azy toa Azy tsika. ³ Gny raha zay mana zay fahatokisa momba gny ho avy mifototsy aminy zay no magnalio gny vatany mba halio mitovy Azy. ⁴ Zay raha manota no manao zay tsy ara-dalagna; fa gny fahota no tsy ara-dalagna. ⁵ Nareo no mahay fa i Kristy no nivola mba hanala reo fahota, sady ao aminy no tsy misy fahota. ⁶ Tsy misy olo zay mipetraky ao aminy ka mbola hanota avao. Tsy misy olo mbola manota nijery azy na nahay azy. ⁷ Nao gnanaky malala, aza enga hisy olo hamitaky anareo. Lay raiky zay manao gny fahamarina no marina, mitovy gny mahamarina an'i Kristy. ⁸ Gnazy raiky zay manota no avy aminy devoly, fa gny devoly no nanota avao aminy voalohany. Noho zay antony zay gny Gnanak'Andrianagnahary no naseho, mba hahafahany mamotiky reo asany devoly. ⁹ Na ia na ia naterak'Andrianagnahary no tsy hanohy gny fahota fotony gny voa avy tamin'Andrianagnahary no mipetraky ao aminy. Tsy afaky manohy gny fahota I fotony naterak'Andrianagnahary. ¹⁰ Ao amy zay ro hampisehoa reo gnanak'Andrianagnahary sy reo gnanaky gny devoly. Na ia na ia zay tsy manao gny marina no tsy avy amin'Andrianagnahary; na gny raiky zay tsy tia gny rahalahiny avao koa aza. ¹¹ Fa zay ro hafatsy zay fa renareo hatrany aminy voalohany: fa tsika no tokony hifankatia, ¹² fa tsy toa an'i Kaina, zay avy aminy lay raty sy namono gny rahalahiny. Fa nahoa I ro namono azy? Fotony reo asany no raty, ro gny an'gny rahalahiny no marina. ¹³ Ka tseriky, ry rahalahy, raha mankahala anareo gny tagny. ¹⁴ Haintsika fa ela niala taminy gny fahafatesa mankany amy gny fiaina tsika, fotony tia andreo rahalahy tsika. Zay tsy tia no mipetsaky agny amy gny fahafatesa. ¹⁵ Zay mankahala gny rahalahiny no mpamono olo. Hainareo fa tsy misy mpamono olo mana fiaina mandrakizay mipetsaky ao aminy. ¹⁶ Amy zay ro hahaizantsika gny fitiava, fotony Kristy nanolotsy gny ainy ho antsika. Tsika avao koa no tokony manolotsy gny vatantsika ho andreo rahalahy. ¹⁷ Fa na ia na ia mana gny harea zao tontolo zao, ka mahita gny fahasahiragna gny rahalahy, no mampihily gny fony fangorahany azy, amy gny fomba ahoa ro ipetrahany fitiavan'Andrianagnahary ao aminy? ¹⁸ Ry gnanako malalako, aoka tsika tsy hitia amy gny safa na koa amy gny vava, fa amy gny asa sy fahamarina. ¹⁹ Avy amy zay ro hahaizantsika fa avy amy gny fahamarina tsika, ro mampatoky gny fontsika eo anatsehantsika. ²⁰ Fa lafa mangnameloky antsika gny fontsika, Andrianagnahary no bevata noho gny fontsika,no mahay gny raha iaby I. ²¹ Ry malala, lafa tsy manameloky antsika gny fontsika, no mana fahatokisa amin'Andrianagnahary tsika. ²² Na ino na ino angatahintsika no ho azontsika avy aminy, fotony tsika mitandrina reo lily sy manao zay ankasitrahany eo anatsehany. ²³ Zay ro didy: tokony mino gny agnara gny Gnanaky Jesosy Kristy no mifankatia tsika, mitovy gny efa nanomezany antsika zay didy zay. ²⁴ Gny raiky zay mita reo didin'Andrianagnahary mipetsaky ao aminy. Amy zay ro hahaizantsika fa I no mipetsaky ao amintsika, amy gny Fanahy zay nomeny antsika.