¹ Gnanakiny, manoratsy reto raha zaho mba tsy hagnontanareo. Lafa raha misy manota, sady mana mpisolo vava tsika miaraky amy gny Ray, Jesosy Kristy, lay marina. ² I ro fagnavota anareo fahotantsika, sady tsy gny antsika avao, fa gny an'zao tontolo zao raiky manotolo avao koa. ³ Amy zay ro ahaizantsika fa mahay Azy tsika: laha mitandry reo didy tsika. ⁴ Ilay mivola hoe: ''Mahay an'Andrianagnahary zaho,'' fa tsy mitandry reo didy, la mpavandy, sady gny marina tsy ao aminy. ⁵ Fa na ia na ia mitandry gny safa, marina tokoa, sady ao amy zay olo zay ro nagnatanteraky gny fitiava Andrianagnahary. Amy zay ro ahaizantsika fa ao amy tsika. ⁶ Ilay raiky zay mivola fa mipetsaky ao amy Andrianagnahary sady tokony andeha avao koa I mitovy gny nandehana i Jesosy kristy. ⁷ Ry malala, tsy manoratsy lily vaovao ho anareo zaho, fa lily taloha zay nanagnanareo hatramy zay voalohany. Gny lily taloha sady safa zay renareo. ⁸ Fa manoratsy lily vaovao ho anareo zaho, zay marina ao amy Kristy sy ao aminareo, fotony gny maiziky sady mandalo, fa gny fahazava marina sady fa mamiratsy. ⁹ Ilay raiky mivola fa ao amy gny mazava I sady malay gny rahalahy sady ao anaty maiziky hatramy zao. ¹⁰ Ilay raiky zay mitia gny rahalahy sady mitoetra ao amy gny mazava sady tsy hisy fotoa hanafitohina azy. ¹¹ Fa lay raiky zay malay sady mandeha ao amy gny maiziky; I la tsy mahay zay alehany, fotony gny maiziky fa nahajamba gny masony. ¹² Manoratsy ho anareo zaho, ry gnanaky malala, fotony reo fahotanareo sady voavela nohony agnarany. ¹³ Manoratsy ho anareo zaho, ry ray, fotony hainareo lay raiky avy amy gny voalohany. Manoratsy ho anareo zaho, ry zatovo, sady noresenareo lay raty. Fa nanoratsy ho anareo zaho, ry zaza maliniky, fotony ianareo sady mahay gny Ray. ¹⁴ Fa nanoratsy ho anareo zaho, ry ray, fotony hainareo lay avy amy gny voalohany. Fa nanoratsy ho anareo zaho, ry zatovo, fotony mare ianareo, sady gny safa Andrianagnahary la mipetraky ao aminareo, sady ianareo la fa nandresy lay raty. ¹⁵ Aza mitia na an'zao tontolo zao na reo raha eo aminy. Lafa misy mitia an'zao tontolo zao, sady tsy ao aminy gny fitiavany Ray. ¹⁶ Fa gny raha iaby zay ao aminy zao tontolo zao__ gny filany nofo, gny filany maso, voho gny fieboebony fiainana__zay tsy avy amy gny Ray fa avy amy zao tontolo zao. ¹⁷ Zao tontolo zao sy gny faniriany la mandalo. Fa na ia na ia manao ny sitrapon'Andrianagnahary la hitoetra mandrakizay. ¹⁸ Rankizy, ty ro ora farany. Toy gny fa renareo fa ho avy gny antiKristy, henaniky zao maro reo antiKristy zay fa avy. Amy zay ro ahaizantsika fa ty ro ora farany. ¹⁹ Niala tamintsika nareo, lafa tsy avy amintsika. Fa lafa tamintsika nareo sady nipetraky niaraky tamintsika. Fa raha niala nareo, sady nampiseho fa tsy tamintsika. ²⁰ Fa mana fanosora avy amy gny lay raiky Masina ianareo, sady hainareo iaby gny marina. [Fanamariha: misy dikan-tsafa hafa sasany vaovao zay mivaky hoe: ''mana gny fahalala iaby ianareo.'' Gny dikan-tsafa sasany taloha la mivaky hoe : ''sady hainareo gny raha iaby.''] ²¹ Tsy nanoratsy ho anareo zaho fotony ianareo tsy mahalala gny marina, fa fotony hainareo zay ka tsy misy vandy avy amy gny marina. ²² Ia ro mpavandy fa tsy lay raiky zay mandà fa i Jesosy no Kristy? Zay olo zay sady lay antikristy, lafa manda gny Ray sy gny Gnanaky I. ²³ Tsy misy olo zay manda gny Gnanaky ka hana gny Ray. Na ia na ia manaiky gny Gnanaky avao koa la mana gny Ray. ²⁴ Fa ho anareo, aoka zay renareo hatramy voalohany hipetraky ao aminareo. Lafa zay renareo hatramy voalohany ro mipetraky ao aminareo, la hipetraky ao amy gny gnanaky sy ao amy gny Ray avao koa ianareo. ²⁵ Zay ro fampanantena nomeny antsika: gny fiaina mandrakizay. ²⁶ Fa nanoratsy zay raha zay ho anreo zaho mombany reo zay hitondra anareo amy gny lalan-diso. ²⁷ Fa ho anareo, lay hosotra zay noraisinareo avy taminy la hipetraky ao aminareo, voho nareo la tsy mila olo mampianatsy anreo. Fa toy zay nampianariny fanosorany anareo gny raha iaby sady marina no tsy vandy, ary araky zay nampianarin'izay anareo, dia mitoera ao aminy. ²⁸ Henaniky zao, ry gnanaky malala, mipetraky ao aminy, mba lafa miseho I, sady hana fahasahia tsika sady tsy ho megnatsy eo anatsehany amy gny finiavany. ²⁹ Lafa hainareo fa I ro marina, hainareo fa zay raha manao gny mety la teraky taminy.