¹ Duma fana gudodo kiwi? Dusalaaga gabisi kaga masumu mutulu Nzaama wudu wugeene kiene ande gudu leese mapimi maana hoso daanga? ² Bunu lowo, du faaga gisini masumu, dubisa mafudugeene? ³ Nuyabaaga ni bisi baada bana dubodamana, dufi ande Mfumu Yesu, dunimigi mu lufa nzili yimoso ande nde mu ngolo yi Daada Nzaama? ⁴ Mutulu bisi babosogo se dubege moono wufini. ⁵ Ni bisi dufi ande Yesu, duwusugu mu lufa ande Yesu, gatwigi gifa gimoso nga nde, dugosagagana mu lufa, ⁶ ndebunu se dugosagagana mu moono. Ndelunu lufa yataa kulunsi ludu sobo, luudu lubisi lu masumu ludoogo, dubege luudu lufini; lowo dubisa saala bahigi ba masumu. ⁷ Ginaga ni muudu wumafa, wuma doogo mu masumu. ⁸ Ni bisi dumafa ande Yesu, twini galaaga mu kuugande ⁹ Yesu gafi mbala yimoso gisini masumu mabisi, wufudugu gu tala, lowo gini bisa fa. ¹⁰ Ndebunu buga gie, gigi wumoono, lufa lowo lwini bisa mugama, lowo lusaala ande ngolo. ¹¹ Bisi se dusaana mudimi ni twini galaagande mu kuuga Daada Nzaama. ¹² Masumu lowo mama fana gunu yaala, numa dini gimbili, guma weseleene luudu lubini lowo, ¹³ lowo mama bisa saala ande ngolo ya misi mibini, bini lowo nubisa saala bahigi bamiwi; ¹⁴ asi nulu leede gugele Nzaama ganu saleene nga bimi biana bi gisala mutulu bini nudoogo mu misigi w nugidigi bahigi ba Nzaama. ¹⁵ Luulu dusalaana masumu mutulu lowo twigi mu misigi, twigi mu kiene yi Nzaama? Lowo gwigi bunu. ¹⁶ Ni muudu wuma guumunu gusaleene muudambaana gisala, ga guya leesege ni wuma guumunu gulemvege mu ndaga yinde, wuma gidigi nga muhigaana, gaboda laba mapaana mande. ¹⁷ Gwigi gusoolo mu gulaba masumu ni lowo Nzaama. ¹⁸ Asi bini baada bana bagele tomo bahigi ba masumu, luulu nugidigi baana ba Nzaama bana baga guulu, galowo nubisa saala mu manzili mana, nuguumunu gulaba Ndaga-Nzaama. ¹⁹ Mu daanga lutomo lunu gala mu gihigi gi masumu nusala mapaana mambaana, ²⁰ luulu lunu magidigi baana ba Nzaama, mapaana mabini masobogo, mayi mapimi. ²¹ Ndelunu Nuyabaaga ni mapaana mapimi mafuduga moono du mvulande mvulu, asi masumu mafuduga lufa lu mvulande mvulu. ²² Mfunu kiwi mu gufudugeene masumu ande lufa? ²³ Gulemvegeene Nzaama guleedega moono wu kiene wu mvulande mvulu gugele baada bana bigi ande lugwigili mugele Mfumabisi Yesu Klisto.