¹ Duma fana gudodo kiwi mutula kaagabisi Abalayama? Gabege kiwi mu gimuudu ginde? ² Nzaama buga mumono ni gigi muudu mupimi, gwigi mutula mapaana maana mapimi maga sala. Wuma fana gulu sigisi, asi lowo galu sigisi ya misi mi Nzaama. ³ Basonogo ni Nzaama gamu guumunu mutulu lugwigili lwana, gasaya mudimaana mugele Nzaama. ⁴ Muuda-gisala gabagaga nzimi mu gisala giana giga masala, ⁵ asi lowo gwigi ni Nzaama gaguumunu muudu wunu wuma kono lugwigili, gifa gimoso ni muudu lowo gama sala gisala, lowo se gama fana gubaga nzimi. Lowo gwigi ni magaba ma kiene. ⁶ Davili ni Nzaama wumonoga mapimi ma muudu, galabaaga gubiyi gunde. ⁷ Bamono kiesi baada bana baga weseleene Nzaama masumu mabiwi ande bana baga gunzunu masumu. ⁸ Muudu wunu wugawe kono gudalaaga Nzaama masumu maana, gagele mu kiesi. ⁹ Gwigi baada bana peele baba yaadigi bama fana ya misi mi Nzaama e baada babosogo ande bana baba kono guyaadigi? ¹⁰ Gwigi baada babosogo bigi ande lugwigili. Nzaama gamu guumunu Abalayama kidaanga? lunu luba muyaadigi e gungoyo? ¹¹ Bamu yaadigi gungoyo. Tomo Nzaama wumu guumunu labeene bisala biana ande mudimaana. Guyaadigi guyi mangoyo, gwigi gidimi gi mu luudu. ¹² Ndelunu Abalayama wugidigi kaagabisi wu lugwigili, gwigi baada babosogo bana baba yaadigi ande bana baba kono guyaadigi. ¹³ Nzaama lowo ni gagenese Abalayama ande badigili baanani gini bawa maana mutulu misigi mini miga laba Abalayama, asi mutula lugwigili lwana. ¹⁴ Misigi mileesega muudu nzili yipimi, asi Nzaama gadalaga lugwigili mu kebe ga mudimi wu muudu, ¹⁵ Nzaama gawuguga kobo ........ ¹⁶ Nzaama galeede lese lowo ni mutula misigi, ¹⁷ asi mutula lugwigili duugu kaagabisi Abalayama tii gugele bisi babosogo bana baya gwigili mu Nzaama wunu wuwaaga baada moono, wunu wusele bimi bibiosogo. ¹⁸ Abalayama gamu sileene Nzaama mudimi, gigi daada wu baada bavulu, bugu badaanga lowo ndebunu budodo Nzaama nga buba sonogo ni wini gala daada wu baada bavulu. ¹⁹ Mu mudimi wuga saya gagele ande mvulu kama, mugesaana Saala se buga nunu, lowo gasala budu, ²⁰ si ndebunu lowo gasala dogolo mudimaana gugele Nzaama, gagele kaga wumu lumusa. ²¹ Luudu lugele luwoono, asi nungu lunde kaga gu lese lumu we Nzaama; ²² dalaana gimi gimu guumunu Nzaama ni gigi muudu mupimi mutula lugwigili lwana. ²³ Bisi baada dusaaga mudimi ande lugwigili mugele Mfumu Yesu, mapaana maba sonogo ni Nzaama gamu mono muudu mupimi, lowo migi mutulu Abalayama peele, ²⁴ asi mutulu bisi babosogo bana duya guumunu ni Nzaama wuduusu Mfumabisi Yesu mu lufa mutulu gudu gidili baada bapimi ya misi miana; ²⁵ ndelunu Nzaama gamu dwala mu nzila gufa gisni masumu mabisi, gamu fuduleene moono mutulu bisi duhulugu.