⁰¹ Mfunu yi gugala muyudu ande yi guyaadigi yigi kiwi? ⁰² Mfunu yigi yivulu mutulu Nzaama gasi tomo lusili gugele bayudu. ⁰³ Bayudu bamoso lowo bamu zidisa Nzaama, bunu Nzaama buga bananga mutula gubiyi gubiwi? Galowo. ⁰⁴ Basonogo ni pimi wugele ande gibingi ni batu gufuunu, dumonogo muudu mupimi mu ndaga yaaga, nga bwigi Nzaama, si baada bigi bapala, nde gadodaaga bupala bupala. ⁰⁵ Dudodo kiwi ni mapaana mapimi munu gu monogo mu gubiyi gubisi? Ni mutulakiwi Nzaama gaya duwa duumbu? ⁰⁶ Bunu lowo. Gwigi ndebunu ni Nzaama bugini saamasa kaga baada, nde bugigi mupimi. ⁰⁷ Asi ni bupala bumeeme munu gubudugu mapaana mapimi maga zologa Nzaama, mutulakiwi ngini baga duumbu? ⁰⁸ Baada bamoso ni dusalaaga kaga gubiyi, mapimi bumini monogaaga, asi lowo ni mapaana mana migi mameege. Baada bana bubini baga duumbu lubiwi mu bufugu bunu. ⁹ Bayudu bama digi baada bambaana? Galowo. ¹⁰ Baada babosogo babwi mu masumu, mu gisi gigi lowo gwigi ande muudu mupimi si wumoso, ndebunu buga dodo Nzaama, lowo si wumoso; ¹¹ basalaaga si pimi yimosow magono mabiwi maduusuga kaga bihongo bikele. ¹² Baada babosogo bigi gifa gimoso ya misi mi Nzaama, bamu dini, basagaaga mbunzu yinde. ¹³ Bigi nga maluumu manga zibigi, ludimi lubiwi luduusuga made makele nga made ma ngongono, ¹³ badodoga kaga bupala mu magono mabiwi. ¹⁵ Bamu dinaaga Nzaama boomo, ¹⁶ bihene bibiosogo biba digiga biwi basisiga pasi ande kiene, ¹⁷ lowo bayaba gubwisi baada midimi, ¹⁸ tini kaga mu gwa zwa bagwene. ¹⁹ Mapaana maba dodoga Nzaama mamosogo migi mutulu baada bana balabaga misigi, si ndebunu lowo gwigi ande muudu wini dodo ni nde lowo gini saama ²⁰ mutulu ya misi mi Nzaama lowo gwigi ande muudu mupimi wunu wulabaga misigi miana pima-pimi, baada babosogo bigi mu masumu. ²¹ Nzaama mu guzolo gwana wuwe baada nzili yi gugidigi baada bapimi ya misi minde, gwigi kaga gusileene Mwanaama Yesu mudimi; ²² baada babosogo bana baya mugwiigili, gwigi baada babosogo, gugele bayudu, gugele bigaana bimbaana ²³ mutulu baada babosogo babwi mu masumu, ²⁴ ndelunu Yesu wuya badogolo mu masumu, galoomaaga si gimi gimoso. ²⁵ Nzaama gigi pimi daanga lulwosogo, tomo buga wesele baada basalaga masumu, ²⁶ luulu se gaya zolo ni baada bawesele masumu, babolomono midimi, babege moono wu mvulande mvulu ni bama guumunu Yesu wunu wulu leede nga magaba mu gufileene baada babosogo yataa kulunsi mutulu Nzaama gadogolo baada mu gihigi gi masumu. ²⁷ Mutulakiwi baada baya saaga luleene ya misi mi Nzaama? ²⁸ Gwigi mfunu? Galowo, Nzaama gigi peele wu bayudu, bigaana bimbaana lowo? ²⁹ Lowo gwigi bunu, Nzaama gigi wu baada babosogo bana bigi ande lugwigili, ³⁰ Nzaama gigi wumoso peele, nde wunu wugidiliga baada pimi ya misi miana mu lugwigili. ³¹ Ndebunu lugwigili luya sa misigi gihene gi mfunu mu kebe ga baada babosogo gugele bayudu, gugele bigaana bimbaana.