¹ Bisi baada bana twigi ngolo mu lugwigili dusiamisaaga bana bama woono mu lugwigili. ² Dukono gumono kiesi gi bisi peele, asi dusagaana ni biwi se bamono kiesi nga bisi. ³ Mfumu Yesu gasaga kiesi gi baada babosogo, lowo ni gindege peele, ginaga basonogo ni masawala mabaya gusawala nze mayaya mbwileene meeme. ⁴ Gisi basonogo ni mapaana mana maba sonogo duugu mu daanga lukulu migi mutulu bisi dulongogo guganga mudimi mu daanga lupasi ande guleedaganaaga gibagala, bunu nga duyaba gusa mudimi. ⁵ Nzaama wu mudindamani ande wuleedega gibagala ganu we bifu bibi mu nzili yi Mwanaana Mfumu Yesu ⁶ mutulu nugalaaga abiwi mu kebe ga gimvugu gibini, bunu nga numulumusu Nzaama, gidaana-Mfumabisi Yesu mu gono lumoso. ⁷ Nuseenaganaaga pimi bini ande bini ndebunu buga seene Yesu baada bana baba yaadigi mutulu lugugu lu Nzaama. ⁸ Iya nuleele ni Yesu gigi muuda-gisala gibiwi mugu gugusu mapaana maga genese Nzaama gugele bakaaga babisi, ⁹ asi bampani baya mulumusu Nzaama mutula kiene yaana nga bu basonogo ni bungini guwu lumusaaga mu kebe ga baada ba bigaana bimbaana, bungini guwu bigineege migungu mu ndumu yi kuumu yinze. ¹⁰ Gabisa dodo ni bini baada ba bigaana bimbaana, galaana mu kiesi ande bini baada ba bigaana giana baga soolo, ¹¹ numu lumusu mu kiesi bini babosogo. ¹² Yesaya gabisa sonogo ni mu nzo yi Yese mwini budugu ande mwana-bagala wunu wini yaalaaga baada babosogo ande bampani bana bini musilineege mudimi; ¹³ gini yadwala gusa mudimi ande lugwigili ande gubwisi baada midimi mu ngolo yi Muhunga-Nzaama. ¹⁴ Iya nuleele bini bapaanga ba yizolo ni meeme yisi mudimi ni bini nwigi bangaa yilamana mu guleedaganaaga gibagala bini ande bini, nwigi ande ngolo ande ndungu yi gulongaganaaga Ndaga-Nzaama. Ndelunu buyi nusonogeene ni ngwigi kiesi mu gisala gigi gipe Nzaama mu kiene yaana ande guzolo gwana, ngwigi muuda-gisala wu Mfumu Yesu mu kebe ga bampani mu gulongo Ndaga-Nzaama mutulu biwi se bagidigi magaba mapimi mana mawululu Muhunga-Nzaama; ¹⁵ Ndelunu buyi nusonogeene ni ngwigi kiesi mu gisala gigi gipe Nzaama mu kiene yaana ande mu guzolo gwana; ¹⁶ ngwigi muuda-gisala wu Mfumu Yesu mu kebe ga bampani mu gulongo Ndaga-Nzaama mutulu biwi se bagidigi magaba mapimi mana mawululu Muhunga-Nzaama. ¹⁷ Ngwigi kiesi mu gulumusu Mfumu Yesu mutula gisala giyi masala mu bihene bi gifande gifa duugu gu Yelusalemi tii mu bisi bimbaana nga Yilili. ¹⁸ Yimana ya longa Ndaga-Nzaama ande gusala bipa bi gifande gifa, lowo ni mu ngolo yaama ni lowo mu guzolo gwaama, ¹⁹ asi gwigi ndege Nzaama nga buba sonogo ni baada ba bigaana bimbaana bana bakono guyabeene, Paana yi Pimi yi Yesu. ²⁰ Yizologa gwa longo tomo Paana yi Yesu mu bihene bini bi bamakono yaana guwugu kuumu yiyi mutulu bakono guduungu lugwigili lubiwi yatala kuumu yi muuda-mbaana nnga buba sonogo ni ²¹ baada bana bakono gumu yaaba, babagisi; bana bakono gumu wugu geele, bamu mono. ²² Dalaana gimi giyikono guduuleene gugele bini. ²³ Asi luulu luyi makoono gisala gimbaana guugu, bungwiya gunu; bunwini ya ndeede tii gu Espani. ²⁴ Bunwini yandeede lungini gugusu ndaama-pwisi yimeeme mu kebe gabini. ²⁵ Luulu yima gwe tomo gu Yelusalemi guba mandoomo bisi Masedoni ande bisi Akayi ²⁶ mu gwa salasa baklisto ba Yelusalemi mu pasi yigi gunu. ²⁷ Biwi beene bagene bunu mutulu baklisto ba bayudu bu baya basalasa biwi baada ba bigaana bimbaana mu gimpeve, ²⁸ ndelunu bisi se bama fana mu gwa salasa baklisto ba bayudu mu muswini. Ni yima menese guba wa magaba, ngini yadigeene yagele bini lungini gwenaaga gu Espani. ²⁹ Ginaga iyabeene ni mu kebe gabini ngwini baga lusagamana lu Mfumu Yesu luvulu. ³⁰ Bapaanga ba yizolo, iya nuloomo ni nusaama guvulu mutulu meeme googo gu miogo mi bayudu, ³¹ yilu geleene ande luudu ande mudimi hendele lungini ya duulu ya nwigi bini, magaba ma baklisto ba Yelusalemi magele mapimi; ³² ndebunu mu guzolo gu Nzaama meeme tuulu mu kiesi yanwigi bini. ³³ Nzaama gagele ande bini babosogo! Amen.