¹ Yambaana muudu wunu wuma woono mu lugwigili, nukono gudendaganaaga ande guwelaaga ni lowo guseyaaga ² muudu wunu wuya dia bimi bini binukono gudiaga bini bamoso, si bididi, si miswini; ³ bimi bibiosogo Nzaama wubi si mutula muudu ni gabidi. ⁴ Nze naa wunu wuya subu muuda-gisala wu mugwene, lowo gwigi paana yinze, ni wubwi ni lowo wunimigi, mu kiwi matu gudala? Gini gigi gisala gi mfumaana, asi lowo ni ginze. ⁵ Gisibagani gigi mu kebe ga baada, muudu wumoso ni mafugu mamosogo migi gifa gimoso, wumbaana ni mafugu mamoso mama digi mambaana mu mfunu. ⁶ Gibi aboolo bigi mugu zidisi Mfumu Yesu wunu wufi ande wuwusugu mu lufa ⁷ mutulu gayaala baada bamoono ande bana bafi. ⁸ Bisi ni buduya fa, gwigi mutula Yesu; lowo gwigi ande muudu wufaaga mutula ndege beene. ⁹ Asi nze wigi nawa mugu saamasa ni lowo mu guwa muuda-mbaana duumbu? ¹⁰ Ginaga bisi babosogo butwini saama ya misi mi Nzaama ndebunu bu basonogo ni ¹¹ Meeme Nzaama ngwigi wumoono, baada ba bigaana bibiosogo bini ya fugamana ya mili mi meeme ande gupa lugugu. ¹² Hoso muudu gini saama mu mapaana ma ndeege been ya misi mi Nzaama, ¹³ ndelunu dukono guwelaganaaga bisi ande bisi, dukono gumonaaga ni bimi bi baada bambaana bigi bi masumu ¹⁴ mutulu meeme Mfumu Yesu wundeese ni dukono gubwisi baada bambaana mu masumu. ¹⁵ Dukono gusubaganaaga ande guseyaganaaga mutula bimi bi gudia, ¹⁶ asi dusagaana gugala pimi ande gubwisaganaaga midimi, dugalaaga mu kiesi labeene Muhunga-Nzaama. ¹⁷ Dukono guwoonosaaga bagwene luudu, muudu wunu wuya sala bunu Nzaama ande baada bamu guumunaaga. ¹⁸ Yesu gaya fileene baada babosogo. ^{19 20} Gubebese lowo gisala gi Nzaama gisini madia, ni lowo wudiaga miswini mini midiaga muuda-mbaana, ni lowo bididi bini biga diaga nde, ni lowo mono maga nwaga nde, ²¹ bunu gusaga lowo ni wumu bwisi mu masumu mutulu Nzaama gasele bimi bibiosogo bipimi. ²² Gama lugwigili lwaga mutula nzege, guzolo lowo ni wubwi mu masumu mutula mapaana mawuya kono guzolo. Kiesi gugele muudu wunu wuya kono gulusageene duumbu. ²³ Asi wunu wuya mede mu gudia gaya lusageene duumbu mutulu gimi gini giwu makono gugiese mu mudimi wumoso gigi masumu.