¹ Muudu muwosogo gazidisaaga bamfunu mutulu Nzaama wuleedega gimfumu gugele baada, nde wuba waaga. ² Wunu wuma kono guba zidisi, lowo gatu muzidisi Nzaama, ndelunu gatu lusageene duumbu ndege beene. ³ Nzaama wusi bazusi mu gulabaaga baada mu mapaana mabiwi mafa, lowo ni mapaana mapimi. ⁴ Ndelunu nze salaaga mapimi, nga bagu nwaneene mu bufugu bunu; asi ni wuya sala gubiyi, mudini Nzaama boomo ni lowo bubini gugala ande guguwa duumbu. ⁵ Gwigi pimi mu gugala ande luzidi ande boomo bu Nzaama, lowo mu gudini peele duumbu, asi mu gusala mapaana manu manungu mu mudimi wubini. ⁶ Gisini gimbaana gisileene Nzaama bazusi mutulu gufudusu paga. ⁷ Nufudu paga, numu dini Nzaama boomo, numu zidisi ande gumu lumusu. ⁸ Nuzolaganaa bini ande bini, ginaga wunu wuzologa bagwene, gaba salaaga gubiyi, nga bunu bwigi misigi ⁹ ni guwibi lowo, guzwa muudu lowo, guwumu mudimi lowo mu bimi bi baada bambaana, gusala ginduumu lowo; misigi mimiosogo miwingini mu kebe ga musigi wuwu ni wini muzolo mugwene nga nzege beene. ¹⁰ Guzolo gusala muudu gubiyi lowo, asi gwigi gugusu misigi mimiosogo. ¹¹ Nuyaba mafugu maama matwigi, nuwusugu gu dolo, guhulugu guduulu bela- bele, lugwigili lusaala guleye. ¹² Pibi yima zolo guwa, bwisi lubu tsie duweselaana mapaana mafa, mapibi ; duvaadaana mada ma mooso, duvaadaana Mfumu Yesu. ¹³ Duweselaana guwudu mono ande gulaba biesi bi gisi gigi ande gubodoso muswini wu luudu ¹⁴ ande gusala ginduumu ande biduumu ande buhala ande gusa misi mu bimi bi bagwene.