¹ Iya bisa wufulu ni Nzaama wutabana baana ba Yisaleele, baada baana? Galowo, mutulu mege ngwigi mwisi Yisaleele, mudigili wu Abalayama, mu kebe ga gigaana gi Benjame. ² Gigi gigaana giana giga soolo duugu tama, nga bunu yaaba ni basonogo ni Eliyi buga nienge ya misi mi Nzaama mutula baana ba Yisaleele ni ³ Mfumu, meeme yisaala mege beene, babigili babosogo bamana bazwa, luulu baya ni meeme banzwe. ⁴ Asi Nzaama gamu fuduleene ni kiwi? Gamu leele ni mege yilu swegeene babagala midi nsambwadi (7.000) bana bakono gufugamana ya misi mi Nzaama wu Baala. ⁵ Gifa gimoso mu daanga luulu Nzaama wusoolo gandaama ga tsisi ga baada mu guzolo gwana. ⁶ Lowo ni gwigi mutula bisala bibiwi gaba soolo ni lowo mapimi mande mfunu yimiwi kiwi? ⁷ Dudodo kiwi? Baana ba Yisaleele lowo gabiwi babege gimi gini giba saga. ⁸ Ndebunu buba sonogo ni Nzaama gawe peele baada bana baga soolo; gaba ganga biwi misi mutulu bakono gumono ande matswi mutulu bakono guwugu ande midimi mutulu bakono gubagisi. ⁹ Davili se ni duugu lunu tii loolo bihene biba swega madia mabiwi bigidigi miede mibiwi, miya babwisi, babege gimi gibaya saga; ¹⁰ bamonaaga, misi miba bwi pibi; benega mu gukoogamana, migaga mibayi busoso. ¹¹ Yibisa wufulu ni bayudu luba tilimigi yataa mudoyo, luba bwi, lowo babisa nimigi, babwi gimbili? Galowo, asi mutula gubiyi gubiwi, baada babosogo ba bigaana bimbaana babege moono du mvulande mvulu, ¹² guba nimisi buhala bu gimpeve mutula bigaana bimbaana. Ni gulugulumunu gubiwi guya vaamasa bigaana bimbaana, abunu gwini gala bunene bu mapimi mabiwi mu guhulugu gu baada babosogo? ¹³ Luulu iya leele baada bi bigaana bimbaana ni meeme ngwigi tumu wunu wuba dumusu gugele bini, ngwigi kiesi mu gisala giama. ¹⁴ Iya nungu mu gulemese mbawa yi buhala bu gigaana gimeeme mutulu guhulugu gu baada ba bigaana bimbaana. ¹⁵ Luga yi Nzaama mu lugala, luga wugagana ande baada babosogo, bigande gimvugu gimoso, asi lubini bisa wanagana, abunu gwini gala? Ga gwini gala paana-paana, yi gubisa duugu mu lufa ande gubaga moono! ¹⁶ Ni gidini gitomo gi lumpa gigi gi Nzaama, guya monogo ni lulwosogo ga lwigi lunde! Ni migasi mi mudi migi mi Nzaama, taanga yiyosogo yigi se yinde! ¹⁷ Baana ba Yisaleele bigi nga mudi wugama giese Daada Nzaama taanga, wutu gutsidisi nze ya gihene gini ..... ¹⁸ Ndelunu nze wunu wuma kono muyudu .... ¹⁹ Nze ni wuma dodo ni Nzaama gagiese taanga yina mutulu meeme tsidi ²⁰ gwigi ndebunu ni Nzaama wuma giese taanga yini gisini gukono gu lugwigili, ..... ²¹ .... ²² Nzaama wuleese mu mbal'moso pimi yaana ande kobo yaana. ²³ Ni wuya laba pimi yinde, wuya sala mapimi, bu wumona pimi yinde, asi ni wusala gubiyi, bu wumona kobo yinde; ndebunu gini gugiese nga taanga yini. Asi wuma fana gufudulu taanga yiga magiese yabgihene gitomo ni bayudu bama wesele gusala masumu; (taanga yini yigi bayudu). ²⁴ Nze wigi ludaanga lu mudi wugama gwini Nzaama... ²⁵ Bapaanga ba guzolo, yinu leese gimi gimoso gini giga swege Nzaama ni nukono guyabeene ni nwigi banga-ndungu. Gimi beene gigi ni ndaama yi baana ba Yisaleele bamoso lowo bini yabeene daanga lwini hulugu baada ba bigaana bimbaana ²⁶ ndebunu bwini hulugu nga buba sonogo ni Muhulusu gini duugu gu bulu lu Siyono, wunu wini ya menese masumu mamosogo mu kebe ga badigili ba Yagobo. ²⁷ Lunu meeme lungini sa lusili ande biwi, lungini dogolo masumu mabiwi. ²⁸ Ni duma laba Ndaga-Nzaama yibaya nanga biwi, gwigi mutula pimi yibini, asi ni duma laba buga soolo Nzaama, bugini bazolaaga kaga, gisini bakaaga babiwi. ²⁹ Ginaga Nzaama gadogolaaga paana yiga dodo, gasobaaga se manungu mande. ³⁰ Daanga lumoso bini bunu nanga gumu zidisi Nzaama, asi nde buga nuwugeene kiene, gifa gimoso bayudu se buba nanga gumu zidisi, asi buga bawugeene se kiene. ³¹ Ndebunu buga leesega kiene yinde gugele baada babosogo mutulu bini babosogo numu yabeene. ³² Ginaga wuganga baada babosogo gihene gimoso mutula mudwe bwidi wubiwi. ³³ Nzaama gigi ande gimvaama gima digi bunene ande ndungu yivulu ande bumbaga buvulu tsili. Naa wunu wuma fana guyabeene manungu maana ande magani mande ma kobo? ³⁴ Nga buba sonogo ni naa wunu wuyaba manungu nma Nzaama? Naa wigi mbaga wunde? ³⁵ Naa geele wusala muwa gimi ni nde gamu fudu? ³⁶ Ginaga bimi bibiosogo bigi binde, bisalamana gugele nde, mutula nde. Galumu mvulande mvulu Daada Nzaama. Amen!