¹ Gungoy'a mafugu masamana Yesu lugadwala Piele we Jagi we Yowani gu to musele. Gunu gabelele ni gu musomo mu kebi ga baada bagele yaya bamoso bini gala lo yana gufa lu bini mono gimfumu gi Nzaama. ² Gunu mbunzu we milele mi Yesu migidi mpembi yingolo misema ngolo tsili; ³ gudigi misieme mimiosogo mu gisi. ⁴ Gasolola we Eliya we Mose. ⁵ Piele ni Mfumu dudungana manzo ma tenta madede, dulemenaana yaya; yimoso yi Elia, yimoso yi Mose, yimbana yinze. ⁶ Lo gagayabene magadoda mutulu gagele mu bomo. ⁷ Dudu lumoso luya mufugu; ndaga se luyidugu munu ni wunu gagele mwan'a meeme wu luzolo, numuwugeene. ⁸ Ndelunu balongogo lubadele mu kug'abi bamono kaga Yesu we biwi. ⁹ Mu gugulumuga musele, Yesu gabaleele ni gumege gwa deleene muudu lowo maana mabamono tii lwini fudumugu Mwana-muudu. ¹⁰ Lubageme paana yini si lo babagisi gufumugu mu bafa ki. ¹¹ Balongogo lu bamuwufulu ni mutul'aki basonogo badodoga ni tomo Elia giyi? ¹² Yesu ni tomo Elia wini ya gini yafudulu bimi bibiosogo. Mutula ki basonogo ni Mwana-muudu gamafedi gumono pasi yivulu we gumusawala? ¹³ Si me iyanuleele ni Elia wuyi, nga busonogo. ¹⁴ Lubabesagana we balongogo, bamono baada bavulu we basonogo badodogana; ¹⁵ lubamono Yesu, badungumugu, luba se tina mu guwa mbodo. ¹⁶ Gabawufulu ni mutul'aki nuya dodogana? ¹⁷ Wumoso mu kebe ga biwi lugamufuduleene ni Mfumu me imaya we mwan'ameme wugele we muhungu wufa, gawagalaga. ¹⁸ Hoso gihene muhungu wufa wuya mubwisi ngolo, wuduga mafulu, wubwaya bwidi mu maana, wugelegega mini; bolongogo baaga lo bagugu mu bisaama bibiwi. ¹⁹ Gigana gikono lugwigili, ngini galaaga we bini tii ki daanga we gunu salasaga? Yanwa twaleene. ²⁰ Lubaya mudwaleene. Mwana we gumono Yesu, muhungu wufa luwumubwisi ngolo mu maana, wuduga mafulu lugabwi bwidi mu luudu. ²¹ Yesu luga wufulu gidana ki daanga gabele? Duugu gimbele giana. ²² Guvulu muhungu wufa wumu bwisiga mu maja we gu mbaa ni gafi, si ni wumazolo, duselese, duwugeene kiene. ²³ Yesu ni: Ni wumafana gimi gi pasi lo gigele guge muudu wunu wumagwigili. ²⁴ Mbal'moso gidan'a mwana wubawabaga ni yimagwigili, ya selese meeme mu mudimi wu bwidi wuwu ²⁵ Yesu lugamono baada bvulu, lugangeneene muhungu wufa nde ni muhungu wufa duugu mu mwana, gwafudugu se lowo. ²⁶ Gaduugu we milolo luudu lubwi bwidi. Mwana gafi ngambu, bamoso ni wufi. ²⁷ Yesu lugamugeme mu gogo, luganimigi. ²⁸ Luyawingini Yesu mu nzo, balongogo baana lubamuwufulu mu lugala ni mutul'aki dumakono gugugeene guyidi mihungu mifa? ²⁹ Gabaleele ni gimi gina gimAfana gudugu kaga mu bisaama. ³⁰ Lubadogo yana bagie gu simi lu nzele wu Ngalili; Yesu bu gaswama. ³¹ Galonga balongogo ni Mwana-muudu ba mudega guge baada ba masumu, bu bamuzwa, gungoy'a mafugu madede bu gini fudumugu. ³² Balongogo lo ba bagisa tigi yina, bawuga bomo mu gumuwufulu. ³³ Ya Capernaum Yesu gabawufulu ni ki nusiline miaga mu nzili? ³⁴ Lo badodo gimi; gisi lowo badoda mutulu gunwanene gimbudu. ³⁵ Nde lunu lugademene balongogo guma-bolo gabaleele ni wunu wumazolo gugala wutomo gafedi guseleene bambaana babososogo. ³⁶ Yesu lugalese mwana-mbele ni wunu wumayamba mwana-mbele mu kum'ame, ³⁷ gamangiamba meeme. ³⁸ Yowani ni Mfumu gudugie dumono we muudu wena duusu mihunga mifa mu kum'anze, ludumungeneene, mutul lo gagulaaba nze. ³⁹ Yesu ni gumuganga nzili lo... ⁴⁰ Wunu wukono guduzolaga no gagele mbayi wu bisi. ⁴¹ Wunu wini guwa gobo lu maja mu kum'ameeme, mutul wugele wumeeme, gu musomo lu gini kono lufudu. ⁴² Ni muudu wumawa mwana-mbele nsono, pimi gumuganga mudoyo mu kodo we mutabana mu nzele. ⁴³ Ni gogo lumoso lugudwala mu mambi, pimi mu lugulugiese, ⁴⁴ si lo ni wene gu mbaa yikono guzimigaaga. ⁴⁵ Ni guulu lumoso lugudwala mu mambi, lugiese; pimi wugele we gulu lumoso lugifu si lo ni we mili miolo ⁴⁶ wen'ami gu mbaa yikono guzimigaaga. ⁴⁷ Ni disi lunze lugudwala mu gubwa, ludogolo, pimi wuwingini mu gimfumu gi Nzaama we disi lumoso ni lo wukonoso mutula misi miolo, wene gu mbaa; ⁴⁸ gunu mbaa yizimigaaga. ⁴⁹ Muudu muwosogo...... ⁵⁰ Muungu wugele gimi gipimi si ni wubebe wugalaga se mfunu; sagana gugala pimi we baada babosogo.