¹ Mu mafugu maana baada bagele bavulu, madia lo magele, ² Yesu lugademene balongogo baana, gabaleele ni iyawugene baada baba kiene, mafugu madede lo gudia. ³ Ni yitubawesele bafudugu gu manzo mabi, bu bini wono. ⁴ Balongogo ni yaya dugele mu nsege abunu dubadisa? ⁵ Yesu ni nugele we mampa makwe? Bi ni nsambwadi. ⁶ Yesu lugasene mampa, lugamagiese-bidini bidini, lugalede mersi guge Nzaama, lugawe balongogo babosogo. ⁷ Bagele we ndam'a bambisi, Yesu lugadono Nzaama, lugabalede guge balongogo. ⁸ Lubadi, lubayugudu, balongogo badolo bidini bi mampa bini bisala. ⁹ Gugele baada mili mina (4 000). Yesu lugabalele ni fudugana mu mabulu mabini ¹⁰ Lugawini mu bwada, lugagie gu bulu bu Dalmanuta ¹¹ Bafadisi basaya miaga bi-abi mu gumega Yesu; bamulomo gidimi gu ngolo yinde. ¹² Yesu lugamono kiene ni lo si bufugu bumoso Nzaama gini sa si gidimi mosi. ¹³ Lugabasisi, lugagie mu simi lu nzele. ¹⁴ Balongogo lubasisi madia mu bwada bagele we lumpa lumoso pele. ¹⁵ Yesu ni gebaana guge baada ba Ilodi basi mieme mifa mu mampa ¹⁶ Balongogo lubadodagana ni mutulu dumakono mampa? ¹⁷ Gisi lo Yesu wuyabene manungu ma bi, lugabawufulu ni mutul'aki nuyadodagana bini we bini? Lo numaya we mampa? Lo yana gubaga ndungu? misi lo guzibigi? ¹⁸ Misi migi si numonaaga, matswi migi, si nuwugaaga. ¹⁹ Bufugu bu yiselene mampa madana mu gudisi baada mili midana (5 000); biduungu bikwe nuyulusu we mampa mana masala? ²⁰ Guma-molo. Si luyigiese mampa mu gudisi baada mili mina? Bi ni nsambwadi ²¹ Lo nuya yabene? ²² Bagie gu Bethsaida lubayamudwalene gifa-misi ni gamugageme ²³ Gamugeme mu gogo, lugamusi made mu misi, gamufulu ni ki wuyamono? gamusi se miogo ya mudwe. ²⁴ Iyamono baada nga midi si midiga. ²⁵ Lugabisa nusa miogo mu misi, lugadele gamono pima-pimi. ²⁶ Yesu gamulele ni gufudugu se gu bulu lo, nda gu nzwaga. ²⁷ Yesu we balongogo lu bagie mu mabulu ma ndam'a Cesare lu Filipo, mu nzili gabawufula ni na batemenaga? ²⁸ Bi ni Yowani Mbodigi; bamoso ni Elia, bambana ni mbigudi wumoso. ²⁹ Nde si bini? Piele ni wugele Klisto. ³⁰ Yesu ni gumege gudelene muudu lo. ³¹ Lugabulusu gubadelene ni gumasala bitsi Mwana-muudu daanga lunde gumono pasi ludulu. Bamfumu ba banganga-Nzaama we basonogo bu bamuzwaya; si gungoy'a mafugu madede bu gini fudumugu. ³² Gabalesa mapana maama pwasa . Piele lu gamudwala mu lugala ni gudodo bunu lo. ³³ Si Yesu lugadele balongogo baana, lugangeneene Piele ni ganga gono Sadana, lo wuya yabene mapana ma Nzaama. ³⁴ Lugademeene baada we balongogo baana, gabaleele ni wunu wumazolo gundaba meme, gawesele mapana mana, gaseene kulusu lwaana, gandaba. ³⁵ Guya lesege ni wunu wumazola guhulusu mono waana, bu gini lubilisi; si wunu wini bilisi moyo waana gisini meeme, we ndaga-Nzaama, bu gini hulugu. ³⁶ Mfunu ki muudu mu gubaga gisi gigiosogo, si gabilisi mono waana? ³⁷ Ki bimadigi mono? ³⁸ Ndebunu muudu wunu wini ngwigi meeme nsono we mapana mameeme, gini hulusu mono waana.