¹ Yesu lugaduugu gunu, lugagie gu ndam'a Yudu, gibugu gi baada lugimulebe bugele gifu giana lubulusu gulongo se. ² Bafadisi lubamulebe mu gumumege, lubamuwulu ni bagala wumafana guwesele mugese? ³ Yesu ni ki musigi Mose ganuwe? ⁴ Bi ni Mose gaduwe nzili mu guzwa waala numafedi gusonogo mugaana mu gulese ni waala lumafa. ⁵ Yesu ni mutul'a midimi mibini mibwidi sa Moise ganuwe ndolo ⁶ Mu luyandaga lu tsi Nzaama gasele bagala we mukaada; ⁷ bagala gini sisi gidana we mana gini gosagana we mukaada; ⁸ bini gidigi muudu wumoso; ⁹ Muudu lo gamafana gugabala gigamagoso Nzaama. ¹⁰ Lubadulu mu nzo, balongogo lubabisa muwufulu. ¹¹ Yesu ni wunu wini wesele mugese wumadwala wumbana gama sala masumu gini sala masumu; ¹² gifa gimoso ni mukaada se wumadwala bagala wumbana gamasa ginduumu. ¹³ Lubayamudwalene baana mu gubasa miogo, balongogo lubabadusu; ¹⁴ Yesu lugamon'abunu lo gagele kiesi, lugadodo weselana baana biyi guge meme mutul gimfumu gi Nzaama gimafanagana we baana. ¹⁵ Yesu ni iyanulele gu musomo, wunu wikono gukala mu mudimi nga wu baana babandele lo gini mono gimfumu gi Nzaama. ¹⁶ Lugasi baana miogo ya midwe. ¹⁷ Yesu lugawena, muudu wumoso lugaya mubwilene ya mili ni Longo ki yimafedi gusala mu guwingini mu gimfumu gi tala? ¹⁸ Yesu ni ki wumatemene ni mfumu wu pimi? Mfumu wupimi kaga Nzaama; ¹⁹ Yabeene misigi mimi: Lo wini zwa, gusala ginduumu lo, guwibi lo, guda bupal lo, guda gimbangi gi bupal lo mutul'a mugwene, zidisi gid'aga we maaga. ²⁰ Muudu wunu lugadodo ni mfumu misigi mimiosogo bu ndabaga duugu gimbele. ²¹ Yesu lugamudele, gamulese ni gimi gi moso gitugukono, ndawadege gimvama ginze gigiosogo, nzimi gabeene bansukami nga wumono gimfumu gi tala. Lulu ndebe meme. ²² Lugawono luudu, gafudugu mu kiene. ²³ Yesu lugabolomogo, lugalese balongogo ni gwini gala pasi bamvama mu gumono gimfumu gi Nzaama. ²⁴ Balongogo bamono guwibigene. Lugabalese ni baana bame, gwini gala pasi bamvama mu guwingini gu tala. ²⁵ lo gugele pasi pundu mu guwingini mu ndono yi ndongo. ²⁶ Balongogo lubawibigene, lubadodono ni na wini hulugu? ²⁷ Yesu lugabadele, lugadodo ni gugele pasi guge muudu, guge Nzaama pasi lo. ²⁸ Piele lugamulele ni bisi duyagulaba. ²⁹ Yesu ni iyanulele gu m usomo logugele we wumoso wusisi nzo yana mutul'a meme ni lo bapanga baana, ni lo maana ni gidaana, ni lo baana bana ni lo tsi yana mu gwa ndaba meme ni lo gamabaga kama we kama. ³⁰ Sana manungu nga nuwingini mu gimfumu gitala ³¹ Bavulu mu baada batomo bini gala bansugu we bavulu bini gala batomo. ³² Lubagele mu nzil'a Yelusalemi, Yesu lugadigi gu gilungunu, balongogo bagele mu bomo. ³³ Yesu lugasene balongogo gum'a bolo, lugabulusu maana mini mu bwileene. ³⁴ Yesu lugadodo ni lutunu gwenaga gu Yelusalemi, mwan'a muudu bu bini mugama, bini muniogolo, bini mubulu, bini mulogoleene made, bini muzwa, si gungoy'a mafugu madede bu gini fudumugu. ³⁵ Baana ba Zebedai we Jagi we Yowani lubapusu gugele Yesu , lubamulele ni Mfumu, dusalasa mu yini yiduguleesa. ³⁶ Yesu ni ki numazolo inugideene? ³⁷ Wini dusa wumoso gu gogo lunze lugidaada, wumbana gu gogo lugimaya ya gidi ginze gi gimfumu. ³⁸ .Yesu ni nuyabaga gimi gi nuya lomo; bu nwini gugu gunwa gobo yi ngina nwa meme we mbodogo yi ngini sene meme? ³⁹ E dumagumunu; Yesu ni ndebunu bu nwini nwa gobo lu ngini nwa meme, bu nwini bodamana mbodogo yi ngini bodamana meme. ⁴⁰ Gugala gu gogo lugidaada ni lo gu gimaya lo gumatala meme. ⁴¹ Balongogo gumu lu badombogeene Jagi we Yowani. ⁴² Yesu lugabademene, lugabalelee ni nuyaba muudu wu basaga mfumu bu baniogologa. ⁴³ Lo gugele bunu mu kebe gabini. Wunu wumazolo gugala mfumu mu kebe bini gagidigi muud'a gisala. ⁴⁴ Wunu wumazolo gugala wutomo gagidigi muhigi wu baada babosogo. ⁴⁵ Mwana-muudu logawiyene gumusalene si gusalasa baada. ⁴⁶ Lubadulu gu Yedigo, Yesu we balongogo baana. ⁴⁷ Lubadogo yana, baada bavulu bawiya we Bartime mwan'a Time, gifa-misi, we gilom'a lomo. ⁴⁸ Lugademene ni Yesu mwan'a Davidi ngugeene kiene. ⁴⁹ Yesu luganimigi, lugadodo ni numudemene; ⁵⁰ gifa-misi lutabana gazaga, lugayi gugele Yesu. ⁵¹ Yesu ni ki wumazolo? Nde ni yimazolo mono. ⁵² Yesu ni nimigi, lugwigili lwaga lutuguzunusu.