¹ Lubadulu bela-bele we Yelusalemi, we Betfaze we Bethani, gu mbim'a midi mi olive, yesu lugadumusu balongogo bolo ² ni ndanwe gu bulu buge gu gilungunu bu numona mwan'a pundu wu baganga musingi wu bakono nabada gele. Numujibili, nwamudwala yaya. ³ Ni batunuwufulu ni nuyadwala gunu? dodani ni Mfumu wumadumu, gagele we mfun'ande. ⁴ Lubagie, lubamuzibili. ⁵ Baada bagele yana lubawufulu ni mutulaki nayamuzibili? ⁶ Lubadodo bu gabalese mfumu. ⁷ Lubamudwala, lubasi milele yatal'apundu, Yesu luganabada, lugagie. ⁸ Baada bavulu lubadanda milele mu nzili we bifufu. ⁹ Baada bana bagele gu gilungunu baya biga Hozana mwan'a Davidi, hozana, mu ndiga yingolo. ¹⁰ Nde awunu wuyaya mu kum'a mfumu; hozana ndag'a tala. ¹¹ Yesu lugawingini mu nzo-Nzaama yi Yelusalemi, lugasele mamosogo, lugagie gu Betania we balongogo baana 12. ¹² Bufugu bulebe, lugadogo ya Betania, gawugu nzala. ¹³ Lugamono mudi wu mbenge, lugapusu mu guguulu mbenge, mudi kaypele, mbenge gule mu gisi. ¹⁴ Yesu ni abunu mudi wu wumakono mbenge? ¹⁵ Lubadulu gu Yelusalemi, lugawini mu nzo-Nzaama yi bayudu, lubulusu baada badega we gusumu mu kebe. Lugamana bwisi mamese we bidi bigudegene. ¹⁶ Lo gasisi si gimi mu nzo-Nzaama. ¹⁷ Yesu lugabulusu gungana ni nzo yime yigele yi bisaama mutul'a baada bobosogo, bini nuyigidili nzo yi bibi. ¹⁸ Bamfumu babanganga-Nzaama we basonogo lubawugu Yesu, basaga mpili yi gumugama; bamuwuga bomo mutulu baada bavulu balaba Yesu. ¹⁹ Mu masisigi Yesu lugadugu gu bulu. ²⁰ Mu gipwili, Yesu wudiga we balongogo, bamono mudi wunu wuwumu; ²¹ Piele lugademene Yesu ni Mfumu, mudi wuwulaga wuwumu. ²² Yesu ni sana manungu guge Nzaama. ²³ Iyanulele gu musomo ni muudu wumalele musele wu ni dogo yana ndabwi mu mwese mamede lo si wumagwigili, mana magamadodo bu mini gugu. ²⁴ Yesu ni mamosogo ma nwini lomo mu bisaama, gwigilana ni nubege, bu nwini mo no ni mamagugu. ²⁵ Ni wumanimigi mu gusaama, ni wugele we pana we mugwene, mulomo pardon Nzaama nga gaguweselene nze msumu. ²⁶ Ni lo nuyaweselene bapanga ba bini, Nzaama se lo gini nuweselene. ²⁷ Daanga lubafudugu gu Yelusalemi, Yesu mu gudigi mu nzo-Nzaama, bamfumu ba banganga-Nzaama we basonogo we bambudu balubundu, ²⁸ lubamuwufulu ni nawutugulese mu gusala mapana we luve lu na? ²⁹ Yesu ni iyanuwufulu abu: Nundese mu luve lu na bini se nuyasala mapana maama mese nga yinulese muudu wupe luve. ³⁰ Mbodogo yi Yowani yi Nzaama e yi baada? ³¹ Lubabulusu gudendagana bi-abi, ni budu madodo ni guge Nzaama, gadodo ni mutul'aki nukono gu mugwigili? ni guge baada, ³² Ni dumafudulu ni baada... badina baada bomo mutul bayaba ni Yowani gagele mbigudi wu musomo ³³ Ndelunu lu bafudulu ni lo duyaba. Yesu ni mese lo yinulesa guduugu luve luyiselenege mapana mana.