¹ Mu gipwili bamfumu ba banganga-Nzaama we bambudu ba lubundu we basonogo lubawanagana. Gungoyo lubadwala Yesu guge Pilada, bamuganga misingi. ² Pilada lugamuwufulu: Wugele mfum'a bayudu? Yesu ni: "Nze wumadodo." ³ Bamfumu babanganga-Nzaama bamufunu mapaana mavulu. ⁴ Pilada lu gabisa muwufulu: Lo wuyafudulu si gimi? Dala, mapana makwe baya gufunene? ⁵ Yesu lo gafudulu si gimi, Pilada gamono guwibigeene. ⁶ Mu hoso fedi badusa mud'abologo wumoso wunu wuloma baada. ⁷ Gugele we mud'abologo kumaana Barabas we bambayi baana bazwe muudu. ⁸ Bunu baada bavulu bayaloma Pilada nga bugele gifu gibi. ⁹ Pilada lugabalele: Numazolo yinudusene mfumu wu bayudu? ¹⁰ Bu gayabeene ni bamufunu mutul'a musogo. ¹¹ Si bamfumu ba banganga-Nzaama lu bapusu baada ni Pilada gabaduseene Balabasi. ¹² Pilada ni: Kidi ki guge wunu wu bayademene mfum-abayudu? ¹³ Muzwe. ¹⁴ Pilada ni ki gamagidi? lubabisa baadaga: "Musi ya kulusu". ¹⁵ Pilada mu gubawa kiesi lugabaweseleene Balabasi. Gungoyo lugabulusu Yesu fimbu ni bamuzwe. ¹⁶ Basuda lubadwala Yesu mu kebe ganzo, lubademene basuda babi babosogo. ¹⁷ Lubavadasa yesu gazaga gamoso gabenge, lubamusi pu yinganga yat'a mudwe. ¹⁸ Gungoyo bamuwaya mbodo; mbod mfum'abayudu! ¹⁹ Lubamubula fimbu mu mudwe, bamulogodeene made, bafugama ya mili minde. ²⁰ Lubamuseya-seya, lubamudogolo gazaga gabenge, lubamufudelene milele miana, lubamudwala ya nzie mu gumuzwa ya kulusu. ²¹ Lubawe Simoni wu Sirene gidan'Alexandre we Rufus mu gusene kulusu mu gingolo-ngolo, gadugu gu manguunu. ²² Lubadwala Yesu gu gihene gibademenega: "Golgotha" mbangudulu gihene gi gigwili gi mudwe. ²³ Lubamuwe vinu lubagoso we mweme wu myrrhe si lo ganwi. ²⁴ Lubamusi ya kulusu, lubagabagana milele minde. ²⁵ Gugele mu daanga lu va mu gipwili. ²⁶ Gibwili gi banganga-Nzaama we basonogo bamuseya ni nze wuwusuluga bagwene. ²⁷ Bisono bilesa mapana mabamuzwelene: Mfum'abayudu. ²⁸ Bagomo ya kulusu bibi bolo we Yesu, wumoso gu gogo lugimaya, wumoso gu gogo lugidada; nde bunu mabasonogo lumaguugu. ²⁹ Baada badiga nzili bay'a muduga we guniegese mudwe, badodo ni: Nze wu bubuluga nzo we guyidungu mu mafugu madede ³⁰ ........ ³¹ Bamfumu babanganga-Nzaama bamuseya, badoda ni gabigisa bagwene, lo gamafana gulubigisi ndege? ³² Wesele Klistu, mfum'a Isaledi gagulumugu lulu ya kulusu dumumono, dugwigili. ³³ Mu midi pibi luyibwi mu tsi yiyosogo mu daanga lu dede lu gingwese. ³⁴ Mu daanga lu dede lu gingwese Yesu lugawaba mu ndaga yingolo: Eloi, Eloi, lama sabachthani? mbangudulu ni: Nzaam'ame, Nzaam'ame, mutul'aki umangwesele? ³⁵ Bamoso bagele yana bawugu guwabaga gu Yesu badodo ni dalana wudemene Elia. ³⁶ Muudu wumoso mu kebe gabiwi lugagie tini gayulusu vini lungene mu ginuga niganwisi Yesu, lugamusi gugono, gasene gu nsong'a mudi. ³⁷ Si Yesu lugawabaga ngolo tsili, lugafi. ³⁸ Mulele wu nzo-Nzaama luwupagaga bidini biolo duugu gu tala tii gu baana. ³⁹ Muudu wudala bologo gamono ni Yesu wumasele mono; ⁴⁰ Bakaada baba Madiyi wu Magadala, Madiyi, maan'a Jagi we Salome, bageele badala gandanda. ⁴¹ Bakaada bana ba musalasa we gumulaba lu gagele gu Ngalili. ⁴² Mu gingwese bagele muguyilamana gu mutula fedi lusaba, ⁴³ (conseiller)....... wumoso kum'ana Yozefi, mwisi Adimate, lugayalomo luudu lu Yesu mutula gwazigi; ⁴⁴ Pilada, lugawufulu muudu wudala bologo ni wufi? nde E. ⁴⁵ Pilada lugawugu muud'ana lugaleede ludu lu Yesu gugele Yozefi mugwa zigi ya malumu mande magasumu. ⁴⁶ Ya mbele basi mudoyo wuwunene. ⁴⁷ Madiyi wu Mgadala we Madiyi maan,a Yose bagele badala gu bamuziga.