¹ Ludigi bufugu bu saba Madiyi wu Magadala we Madiyi maana Jagi we Salome lubasumu maasa mansungu basa ya malumu ma Yesu. ² Bufugu butomo bagie gu malumu ³ Lubasololo bi-a-bi: Na wadudogoleene mudoyo wunene ya mbel'a malamu? ⁴ Lubazangana misi bamono ni mudoyo wunene badogolo. ⁵ Lubawingini gu malumu bamono muudu we milele mimpembi wubwanzana, bi lubawugu bomo. ⁶ Lugabalele ni guwugu bomo lowo, nuyasaga Yesu wubasi ya kulusu, wufudumugu; dalana ya gagele. ⁷ Nwabaleele balongogo we Piele ni wudedegene gu Ngalili, nwamubaga gu Ngalili nga bu gadodo. ⁸ Bawugu bomo lubadini, lo baleele si muudu. ⁹ Yesu gafudumugu mu gipwili, gamonogo tomo guge Madiyi wugaduusu mihungu mifa nsambwadi. ¹⁰ Lugadwala paana guge balongogo baana bagele mu kiene badila. ¹¹ Lubawugu ni Yesu wufudumugu, wumumono, si lo bamugwigili. ¹² Gungoyo lugadugeene balongogo bolo mu nzil'a bulu. ¹³ Lubayafudugu mu gudeleene bana bakono gugwigili. ¹⁴ Gungoyo lugayadugene bana badiaya, bagele gum'a moso; lugabawele mutul'a midimi mibi mibbwidi we gukoono lugwigili. ¹⁵ Ndawene mu tsi yiyosogo nulonmgo ndaga-Nzaama. ¹⁶ Wunu wini gwigili, wini bodamana, bu gini hulugu; wunu wini nanga bu bini musamasa. ¹⁷ Dalaana bipa bini mono bana bini gwigili: bini yidaga mihungu mifa, bini dodaga mandaga mafini; ¹⁸ bini gamaga bangongono, lo bini fa ni banwa ndigili, bini saaga bakaasa miogo; bakaasa bazuna. ¹⁹ Mfumu lugamenese gubaleele, lugabanaga gu tala, wubwanzana ya gogo lugidada lu Nzaama. ²⁰ Lubagie mu gulongo mu tsi yiyosogo. Mfumu gasalaga we biwi, gagumunaga ndaga-Nzaama mu bipa bini biya balaba.