¹ Yesu lugaduugu mu nzo-Nzaama, molongogo wumoso lugamulele ni: Longo, dala, kimidoyo mimi? ki manzo maama? ² Yesu ni: wumamono manzo maama? Lo gwini sala si mudoyo wumoso bu mini bubugu. ³ Gabwanzana ya to musele ya simi lu nzo-Nzaama. Piele we Jagi we Yowani we Andele lubawufulu mu lugala ni: ⁴ Dulele ki daanga mapaana mana mini salamana we ki gidimi twini mono mu guyababeene ni magugu? ⁵ Yesu ni: Gebaana, muudu gakono gunudoneene. ⁶ Mutul baada bavlu bini ya mu kum'ameme ni Me; bini bwisi baada bavulu. ⁷ Lu nwini wugu biduumu we lubu lu biduumu, gubwa gisagasaga lo; lo se gwini ni nsugu. ⁸ Bisi biolo we bimfumu biolo bini gala mu gunwanagana, maana bu mini nigagana, lama bu lwini ya; lwini gala kaga luyandaga lu pasi. ⁹ Gebaana bini beene, bu bini nusamasa guge leta, bu bini nubulu fimbu mu nzo-Nzaama, gisini meme; gugele nga gimbangi. ¹⁰ Tomo ndaga-Nzaama bayilongo mu bisi bibiosogo. ¹¹ Ni batunu gama, gubogodo lo, nwini dodo mana mabini nulese; mutulu lo ni bini nwini dodo, si muhung'a Nzaama. ¹² Panga bu gini gemese pangana, dada mutul'a mwana, baana se gifa gimoso mu tul'a badada we bamaya babiwi, bu bini bazwese. ¹³ Baada bavulu bini numenge, gisini meme, si wunu ganga mudimi, bu gini hulugu. ¹⁴ Nwini mono baada ¹⁵ Wunu wugele yata'yanga, gakono gudulugu, gakono sene gimi mu nzwana; ¹⁶ wunu wini gala gu mangunu gakono gwafudugu mu gusene mvele. ¹⁷ Kiene guge bakaada bini gala we mazumu, we bana bini nwisaga baana mu mafugu mana! ¹⁸ Samana ni mapana maama makono gusalamana mu gisiwi, ¹⁹ mutulu pasi yini gala mu daanga lunu, lo yimasalamana geele. ²⁰ Ni Nzaama gakono gufiodonaga mafugu ma pasi, nga si muudu lo gaka hulugu, si gafiodono mutul'a baada bande bagasolo. ²¹ Ni muudu wumadodo ni Yesu gagel'aya, ni lo gagele guna, gumugumunu lowo. ²² Guini gala we ba Mesia ba bupal we batumu ba bupal bini gidaga bidimi bi gubwisi baada. ²³ Gebaana, me yinulwengisi. ²⁴ Mu mafugu maana, gungoy'a pasi, daanga lo lwini monogo, ngono lo gini sege. ²⁵ Miodo bu mini ya bwa mu tsini. ²⁶ Nwini mono mwan'a muudu wiya gulumugu mu madudu we mugieme we ngolo. ²⁷ Gini dumusu bawanzio, bini goso baada bande bagasolo mu gisi gimutsini tii gu nsug'a tala. ²⁸ Labana ni mbenge yimabenge mu mudi, kaya yimamene, yana gisiwi gi maya. ²⁹ Gifa gimoso ni numamono mapana maama, nuyabeene ni mwan'a muudu wudulu bela-bele we mbele. ³⁰ Iyanuleele gu musomo ni mbana yiyi lo yini digi ni mapana maama lo magugu. ³¹ Tala we maana bu mini, si ndag'a meme lo yini digi. ³² Yini yimadeleene daanga, lo si muudu wumoso wuyaba, lo si bawanzio gu tala, lo si Mwana, Daada peele. ³³ Gebaana, samana, zibilaana misi, nuyabaga bufugu bwini bwa pana yini; ³⁴ gwini gala nga muudu wumasilene baada gi sala nzo, nde wumagwe gumbaana. ³⁵ Zibilaana misi, nuyabaga bufugu bwini ya fudugu mung'a gisala, ni mu moso e ni mu pibi, ni mu gipwili e ni mu masisigi. ³⁶ Gebaana gakono gwanubaga gu dolo. ³⁷ Mapana mayiyanuleele lo ni bini peele, si baada babosogo; geabaana.