¹ Daanga luyagulumugu Yesu musele baada bavulu bayamulaba, ² mukaasa wumoso wu lebele lugayamuloomo ni gamuzunusu. ³ Yesu lugamugeme mu gogo mbal'moso lu-gazunu. ⁴ Gamuleele ni gwadeleene muudu lowo, asi nda walulese ande gulede magaba gugele nganga-Nzaama nga bu sonogo Mose. ⁵ Luwingini Yesu ya Kapernaumi, mfumu wu-moso wu basuda lugaya muleele ni Mfumu, ⁶ muuda-gisala wumeeme gu nzo wufi gigada, wuyama. ⁷ Yesu ni bungaya muzunusu. ⁸ Mfumu wunu ni lowo Mfumu nze bu guduu-lu gunzo-meeme lowo ⁹ dodo kaga ndaga yimoso nde gazunu. Meeme yigele ande ba-mfumu bayiwugunuge, yigele se ande basuda bavulu ba yidwalasga, ni yimadodo yawiyi, wumaya, ndaweene, wumagwe; sala bubu, wumasala. ¹⁰ Yesu lugawugu muudu wunu gamono guwibigeene; lugadodo ni lowo yima-sala mono geele lugwigili lugifa gigi mu kebe ga Isaleele. ¹¹ Asi iyanuleele ni baada bavulu bini duugaa-ga gu este ande gu weste, bini yadia mu gim-fumu gi Nzaama ande Abalayam ande Yisagi ande Yagobo. ¹² si bana bafiline gimfumu gi Nzaama bini badusu yanzie, bini gwengesaa-ga mini ande gudili gunu gugele pibi. ¹³ Gun-goyo Yesu lugaleele mfumu wunu nindawee-ne, mana mawumagwigili nze masalamana ndebunu, mbal'moso muudu wunu lugazunu. ¹⁴ Luduulu Yesu gu nzo-Piele, gayabaga maa-na-mugesa-Piele nde bawa, wuyama. ¹⁵ Lugamugeme mu gogo, lugamunimisi; mbal'moso bawa luluwi, lugabulusu gumusa-leene. ¹⁶ Mu gingwese lubaya dwaleene Yesu baada ba mihungu mifa ni gabazunusu. ¹⁷ Lugayidi mihungu mini, lugabazunusu mutulu magaso-nogo mubigili Yesaya magugu, ni wuseene minianga ande makaasa mabisi. ¹⁸ Yesu lugaleele gibwili gi baada bagelande ni bwilaana gu simi lu nzele. ¹⁹ Mulongo-misigi wumoso lugamuleele ni Mfumu meeme yigulaba nze bihene bibiosogo biwena. ²⁰ Yesu ni migenge migele ande mazwingi, banono ande mayamba asi Mwana-muudu gihene gusa mudwe lowo gwana. ²¹ Muudambaana wumulaba ni Mfumu ngwe-sele tomo ngazigi Dawa, bunu ngagulaba. ²² Asi Yesu ni wesele bana bafi bazigagana bi-abi. ²³ Lugawingini mu bwada ande balongogo baana. ²⁴ Bunu muhungu wumoso wungolo wuyaabulu mu bwada, maja mwingina, Yesu gu dolo. ²⁵ Balongogo babosogo mu boomo, lubawusulu Yesu ni Mfumu ga buduyafa. ²⁶ Yesu ni boomo bu kiwi? bini baada ba lu-gwigili lutsisi! Luganimigi, lugangeneene muhungu ande maja; gumu lugiyi pwede. ²⁷ Baada bana bamono lubawigeene ni kiwi muudu wuwu, ande maja ande muhungu bimuwugune? ²⁸ Gu simi lunzele mu gisi gi Gadaala, bamono baada boolo ba mihungu mifa miduguga gu maluumu; asi muudu wumoso gabesaganaa-ga gunu miya digi gunu mu kobo. ²⁹ Midoda ni ki paana nze mwana-Nzaama ande bisi? Ni wumazolo dudumusu mu gibwili gi bangulu. ³⁰ Gugele ande bangulu bayadiaya buna ga-ndanda ³¹ Yesu lugadumusu mihungu mini mu kebe ga bangulu; ³² bangulu lubaya bwa mu nzele, lubafi. ³³ Baada badisa bangulu lubadwala paana gu bulu, baada babosogo lubaya dala paana yini yidigi; ³⁴ ndelunu lubamuboneene mu gusisi maana mabiwi.