1 Nukono gusaamasa, bini se bakono gunu-saamasa. 2 Bini nusaamasa gudigi bana ba-nusaamasga bini; bini numege mu gimegeene gini ginumegega bini baada. 3 Abunu wuyamono gididi mu disi lumugwe-ne, gigele mu disi lu nzege lo wuyagimono? 4 Ni lowo abunu wumudogola ni nzege wigi ande mudi mu kebe ga disi lwaga? 5 Wugele mupala; mugudogolo gididi gini dogolo tomo mudi wugele mu kebe ga disi lwaga. 6 Madia mapimi guwa geele bambwa lowo, si misaanga ande bimi bi matswi gumege lowo mu gudiaga yagele bangulu ni lowo bamama-na biniada, batugulunzu. 7 Lomo bubini guwa, saga buwini mono, bedege bubini guzibili. 8 Wunu wumalomo, bamuwaaga, wunu mumasaga, wumonoga, wunu wumabedege, bamuzibiliga. 9 Na mu-kebe gabini ni mwana wutumuloomo mbisi nde wutumuwa musobo? 10 ni wutumuloomo bugu, nde wutumuwa mudoyo? 11 Ni bini baada bafa nuwaya baana babini bimi bi pimi, abunu Gidaabini wugele gu tala gakono gwa baana baana bimi bipimi? 12 Ma-pimi mawumazolo ni baguseleene nze se ma-sele gugele bagwene nga busonogo Mose ande mibigili. 13 Winginaana ya mbele yitsisi yidwalga gu moono wu mvulande mvulu, baada ndama badigiga yana, 14 asi yiyinene lowo mutulu yidwalga gu mbaa; baada bavulu badigiga munu. 15 Gebaana gugele mibigili mi bupala, bava-dga pela-lumeeme, gisi bagele batama. 16 Nwini bayabaaga mu bisala bibiwi. 17 Mudi wupimi wubuduga mbenge yipimi, wufa wu-buduga mbenge yifa. 17 Mupelengi wubudu-ga malele? 18 Baviniga malele masukadi mu mulele wu ngene? 19 Lowo ni baada babosogo bana batemenega ni Mfumu, Mfumu bini wingini mu gimfumu gi tala; 20 asi bana balabga lu-zolo lu Daada Nzaama gu tala. 21 Mudi wuwosogo wukono gubudaaga mbenge yipimi bubini wugiese nde guwufufu mbaa. 22 Bavulu nu bufugu bunu mbini ndeele ni Mfumu bisi ga budulonga ande guyidi mihungu mifa mu kumanze! 23 Asi meeme ngini baleele ni dogaana yaya, meeme inuyabaga bini nugele baada ba masumu. 24 Ndelunu hoso muudu wumawugu ndaga yiyi ni wutuyiseleene, gamafanagana ande muudu wudungu nzo yana yata mudoyo; 25 luyi mvulu ande muhungu wungolo, nzo yinde lowo yibwi mutulu yigele yata mudoyo. 26 Asi wunu wumawugu, lowo gatuyiseleene, gamafanagana ande muudu wunu wudungu nwana ya zele; 27 luyi mvulu ande muhungu wungolo, nzo yini luyibubugu yiyosogo. 28 Yesu lugamenese gulongo, baada baboso-go bamono guwibigeene malongi mande, lo magele nga ma balongoga-misigi; 29 mande magele ande gimfumu.