¹ Yesu lugabwili mu bwada, gagie gu bulu bwana. Gunu lubayamudaleene gigada yata toso. ² Lugamono lugwigili lu baada bana bayamudwala nde ni mwana, masumu maaga mamawa. ³ Asi balongoga-misi bagele yana ni wuma-dugu Nzaama. ⁴ Yesu ni mutulaki manungu mafa gigi mu midimi mibini? ⁵ Na wumafana guleele muudu ni nimigi ndagwaga masumu maaga mamawa? ⁶ Mugunulese ni Mwana-muudu gagele ande ngolo yigumenese ma-sumu mu gisi gimutsini, lugaleele mukaasa ni nimigi, sene toso yaga ndawe gwaaga. ⁷ Nde se luganimigi, lugagie gu nzwana. ⁸ Baada babosogo bamono paana yini, bawu-gu boomo, lubabulusu gulumusu Nzaama. ⁹ Mu nzili Yesu lugamono Madai mu nzo yiga-fudusa paga, lugamudemene ni yawandaba, nde se luganimigi, lugamulebe. ¹⁰ Lugadiaya mu nzo ande balongogo baana ande bafudusu-paga ande baada bagisaga-saga, ¹¹ bafalisi lubamono bunu lubawufulu balongogo ni mutulakiwi mfumabini gayadia ande baada bafa? ¹² Yesu ni bakaasa basagaga munganga, ¹³ asi lowo ni banga-ngolo. Nda nwalongogo paana yiyi: "Meeme yiwiyeene baada ba masu-mu, asi lowo ni baada bapimi." ¹⁴ Balongogo ba Yowani lubaya wufulu Yesu ni mutulakwi balongogo banze baginaaga madia mutula bisaama nga bisi ande bafalisi? ¹⁵ Yesu ni bambayi ba mudimi wuyakwela bagalaaga mu kiene lubagelande; kaga lugini kono nde, ni wumafudugu gu tala. ¹⁶ Lowo basaaga gidene gikulu mu mulele wufini ni lowo wumaboda pagaga; lowo se basaaga mono mafini mu mabungu ni lowo mambini makulu, ni lowo mamabudigi, mono se mamabebe. ¹⁷ Mono mafini mamafana mu mabungu ni lowo mu mambini mafini. ¹⁸ Ludoda Yesu, mfumu wumoso lugaya mubwileene ya mili ni mwana-meeme wu wumafa kaga ndeluulu; yatwene wamusa miogo gawusugu. ¹⁹ Lubagie, Yesu ande balongogo baana. ²⁰ Lubaduulu Yesu lugadodo ni:"Mwana lowo gufa, wuyama; baada lubabulusu gumuseye; nde ni duugaana yanzie, ²¹ mu kebe gabiwi gugele ande babuluga-mizigi. ²² Lugageme mwana mu googo, mwana luganimigi. ²³ Mu nzila-nzo mfumu wunu, mukaada wu-moso wuduuga mvulu guma-yolo lugagene gulamana mulele wu Yesu ni gazunu; nde-bunu se lugalamana, mbal-moso lugazunu. ²⁴ Yesu ni mwana-mukaada, lugwigili lwaga luguzunusu. Paana luyiyalagana mu ndama yini yiyosogo. ²⁵ Lugadogo yana baada bafi-misi boolo lubaya mulaba ni Mfumu duwugeene kiene, nze mwana-Davili. ²⁶ Yesu ni: Yinugidi kiwi? ²⁷ Biwi ni duzunusu. ²⁸ Nde ni bukuga? Biwi ni E. ²⁹ Lugalamana misi mibiwi lubamono. ³⁰ Nde ni gwadeleene muudu lowo bu mazi-bigi misi mibini. ³¹ Lugugu lunde lulumwa-maga ndama yini yiyosogo mu bawena biwi. ³² Kaga mu nzili mu bawena lubaya mudwa-leene muudu wugele nde mihungu mifa, nde se gingudu, gadodaaga. ³³ Yesu lugayidi muhungu wufa, gingudu lugiwagala. ³⁴ Baada ni lowo dumasala mono geele gipa gigi mu gisi gi Isaleele. Asi bafalisi ni gayasala mu ngolo yi mfuma-mihungu mifa. ³⁵ Yesu gayalonga mu manzo ma Nzaama ma bayudu ande guzunuu bakaasa ande gusalasa baada mu mapasi magifa ande gifa; ³⁶ gaya-diga mu mabulu mamanene ande matsisi. ³⁷ Lugayamona baada mu mapasi, mudimi wunde wumona kiene ni baada bawono luudu ngagwi ni mameeme mamakoo mudisi. ³⁸ Lugaleele balongogo baana ni gisala gigele givulu asi baada bagisala bagele ndaama. Lomaana munga-gisala ganubwese baada.