¹ Yesu lugabisa dodo mu matigi ni: ² Gimfu-mu gi Nzaama gigi nga mfumu wumoso wu-selese fedi lumakwele ma mwaanana wu bagala. ³ Lugadumusu baada baana bagisala mu gwademene baada mu gwadia, asi muudu wumoso lowo gayi. ⁴ Lugabisa dumusu baada bagisala bambaana ni: Nubaleele ni yilamasa bangombi bameeme ba maasa, biyi badia! ⁵ Asi lowo si muudu wumoso wuyi, bamana gwe mu mapaana mabiwi: bamoso gu man-guunu, bambaana gu zaana; ⁶ bamoso luba-mana zwa baada bagisala. ⁷ Mfumu lugawu-gu kobo gadumusu basuda mu guzwa baada bana ande gusa vili lubiwi mbawa. ⁸ Gungoyo lugadumusu baada bagisala mu manzili mamosogo ma vili, bademene baada babosogo banumona badia gabiwi gu fedi, ⁹ mutulu bagagene bananga gabiwi. ¹⁰ Luba-gie, bayi ande baada ba gifande-gifa; nzo luyi-yulu fa. ¹¹ Mfumu lugawingini mu gudala baada, gayamono muudu wumoso wukono mulele wu fedi; ¹² nde ni: Abunu nze wumawingini yaya gukono mulele wu fedi? Lowo gamuwe si mvudu yimoso. ¹³ Mfumu lugademene baada bagisala ni numuganga misingi gu mili ande miogo, numuduusu yaya, numulumu gunzo yipibi gadilaaga, gagwengesaaga mini. ¹⁵ Bafalisi lubayasala gimvugu mu guda Yesu mwede; ¹⁶ lubadumusu ndaama-balongogo babiwi ande baada ba Elodi. Biwi ni: Longi, nze wulongoga gumundaga, wusolaaga baada, wudalaaga mambunzu, wulaba luzolo lu Nzaa-ma. Bamuwufulu ni: ¹⁷ Misigi mibisi minan-gaga e mizologa mu gufudu paga yibisi Lomo? ¹⁸ Gisi Yesu bugayabeene mwede wubamudaya, nde ni: Bapala baba! ¹⁹ Nunde-se nzimi yibafuduga paga, lubamulese. ²⁰ Yesu ni: Mbunzu yiyi mu gubende gigi yina-wa? Biwi ni: Yi Kaisala. ²¹ Nde ni: Yi Kaisala, wana Kaisala, yi Nzaama, wana Nzaama. ²² Lubawugu bunu, lubamusisi ndeyana, lubagie gabiwi. ²³ Bufugu beene, basaduseye (banangaga guwusugu mu lufa) lubayawufulu Yesu ni: Longi, mu misigi misigi mibisi ni bagala wumafa wuma-sisi mugese ²⁴ asi lowo gamabudande si mwana, makwinaana gatsidi mukaada wunu gabudeene yayaana baana. ²⁵ Gisi gugele ande baana babagala nsam-bwadi mu kebe gabisi badwala mukaada wumoso, ²⁶ wutomo wumafa, lowo gamasisi mwana, ²⁷ wuyolo wumafa, wudede gifa gimoso tii wunsambwadi. ²⁸ Mukaada se wumayafa, mu bufugu bunsugu, mugese wunu gini gala wunawa? ²⁹ Bunuyaludoneene, nuyabaaga si mabaso-nogo, si luzolo lu Nzaama. ³⁰ Mu bufugu bu nsugu mawala lowo mini bisa gala; baada bini zingaaga nga bawanzio gu tala. ³¹ Lowo nusala daanga mabasonogo mutula bufugu bu nsugu, magadodo Nzaama ni: Meeme ngwigi Nzaama wu Abalayama, Nzaa-ma wu Yisagi, Nzaama wu Yagobo? ³² Luga-bwese ni: Nzaama gigi wu baada bamoono, asi lowo ni wu baada bangafa. ³³ Baada babo-sogo bamono guwibigeene malongi mana. ³⁴ Bafalisi lubawugu ni Yesu wuganga basa-duseye gono, ³⁵ lubayasala gimvugu mugwa mumege. ³⁶ Ni: Longi, mu misigi mibisi mi-miosogo, kiwi wumadigi bunene? ³⁷ Yesu ni: Muzolo Nzaamaaga mu mudimaa-ga wuwosogo, mu moonaaga wuwosogo, mu nduungaaga yiyosogo. ³⁸ Ndewunu musigi wumadigi misigi mimiosogo mu mfunu ande mu bunene. ³⁹ Lugabwese wumbaana ni wuwu wumafana-gana ande wutomo. Muzolo mugwene nga nzege beene. ⁴⁰ Misigi mi Mose mimiosogo ande mibigili migi mu kebe gamisigi mimi miolo. ⁴¹ Yesu lugawufulu bafalisi mu kebe ga gimvugu gibiwi ni: Mesiyi gigi mudigili wunaa? ⁴² Biwi ni: Wu Davili. ⁴³ Yesu ni: Abunu Davili ni gigi kagaana, gamudemene mu Muhunga-Nzaama ni: "Mfumu"? Lugadodo ni: ⁴⁴ "Mfumu Nzaama gamaleele Mfumaama ni: Yabwanzana ya goo-go lumeeme lugibagala, wuniada bamenge baaga." ⁴⁵ Ni Davili wutumudemene Mfumu, abunu Mesiyi gamafana gugala mudigilaana? ⁴⁶ Lu-bawugubunu, lowo si muudu wubisa mege mugu muwufulu si gimi gimbaana.