²¹ Lubaduulu bela-belande Yelusalemi, mugwamono Bethfage, ya musele wu baolive, Yesu lugadumusu balongogo boolo ni ndanwe ya bulu buna yagilungunu, ² bunumona pundu wu mugese ande mwanaana mu misingi, ³ ni baada banuwufulu, nudodo ni: "Mfumu gigabiwi mfunu", nwatwaleene. ⁴ Gisi gugele mutulu magasonogo mubigili magugu ni: ⁵ "Nuleele baada ba Siono ni: "Dalaana Mfumabini wiya yatala pundu wu mugese, ande yatala mwana pundu, gayaya mu dulu-duluu." ⁶ Lubagie bamono se ndebunu bugabaleele; ⁷ lubayi, basi milele mibiwi yatala, Yesu luga-bwanzana. ⁸ Baada bavulu lubamana danda milele mibiwi mu nzili, bamoso lubamana giese bididi bamana sa mu nzili. ⁹ Baada bayabiga mu nzili ni: "Kiesi gugele Mwana-Davili! Nzaama gasagamana wunu wumaya mu kuuma-Mfumu! Lugugu gutala gugele Nzaama! ¹⁰ Lugawingini ya Yelusalemi bulu lulwosogo lulunigagana; baada bawufula: Naa wunu? ¹¹ Bamoso ni: Wunu Yesu, mwisi Nazaleti gu Ngalili. ¹² Yesu lugawingini mu nzo-Nzaama, gayidi baada badega ande basuuma; lugamana pasa bidi bi bana badega mayembi ande basoba nzimi. ¹³ Nde ni: Basonogo ni: Nzaama gaya-dodo ni nzo yimeeme bini yidemenaaga nzo yi bisaama; asi bini nuyigidili yibibi! ¹⁴ Bifa-misi ande bigada lubiyawingini, Yesu lugabizunusu. ¹⁵ Asi bamfumu babanganga-Nzaama ande balongo-misigi bawugu kobo mutulu mapaa-na mapimi magasele Yesu ande migungu mibiga baana mu nzo-Nzaama ni: Hosanna gugele Mwana-Davili! ¹⁶ Lubamu-wufulu ni: Wuwuga bubaya bigi? Nde ni: E. Nudangaaga mabasonogo ni: Bini gulumusaaga baana ba bambeele ande bana bayanwa mabele? ¹⁷ Lu-gabasisi ndeyana, gaya yama gu Betaniyi. ¹⁸ Mu gwafudugu mu gipwili, lugawugu nzala, gamono mudi wu malele; lugabesagana, malele gubwasa. ¹⁹ Nde ni: nze mulele wuwu, lowo wini bisabudu malele! Mbal'moso mudi luwuwumu. ²⁰ Balongogo bamono paana yiguwibigeene, lubawufulu Yesu ni: Abunu mudi wuwu wuma-wumu kaga mu mbal'moso? ²¹ Nde ni: Iyanu-leele gumundaga ni nwigi ande lugwigili luko-no mamede, numafana guleele musele wuna ni dogo yana, ndawabwa mu nzele, wumado-go, wumagwe; lowo nwini salaaga ni gipa gina peele. ²² Ni nugwigila, bunwini bagaaga bibio-sogo binwini loomaaga mu kebe ga bisaama. ²³ Yesu lugawingini mu nzo-Nzaama, wulon-ga; bambudu babayudu ande bamfumu baba-nganga-Nzaama lubamuwufulu ni dulese naa guwe luve lugusala mapaana mama? Mu ngolo yina wuyasala? ²⁴ Nde ni meeme se iyanuwufulu gimi gimoso peele, gungoyo nga yinulese. ²⁵ Nundese naa wumudumusu Yowani Mubodogo mu gubodogo baada? Nzaama e baada? Lubabulusu gudoyagana bi-abi: Ni dumadodo ni Nzaama, gaduwufula ni asi mutulakiwi nukono gumugwigili Yowani? ²⁶ Ni dumadodo ni baada, dudinaana baada boomo, mutulu babosogo bamusenega Yowani nga mubigili. ²⁷ Lubamuleele ni: Lowo duyaba. Nde ni: Meeme se lowo ngiaaba. ²⁸ Yesu ni: Kinuyaaba mu paana yiyi? Daada wumoso gagele nde baana babagala boolo, lugaleele wutomo ni: Loolo, ndawasala mu nguunu; ²⁹ mwana ni: Lowo gwama ngwena; asi gungoyo lugagie. ³⁰ Lugadumu wunu wuyoolo; nde ni: E, bungwena; asi lowo gagie. ³¹ Kimwana wusele luzolo lugidaana? Biwi ni: Wutomo. Yesu ni gifa gimoso bafudusu-paga ande bakaada babanduumu, biwi bini wingini tomo mu gimfumu gi Nzaama, bini mangoyo; ³² mutulu Yowani buganulongo mapaana mama, asi lowo numugwigili, lowo se nusobo si midimi mibini. Bafudusu-paga ande bakaa-da babanduumu buba mugumunu. ³³ Wigilaana tigi yimbaana: Gugele ande muudu wumoso wuselese ngunu yana yi misungu, lugasimisi zwingi lugubwedene mono, lugaganga lupangu, lugadungusu nzo yinene. Lugademene baada gabasileene ngu-nu yini, nde lugaduugu. ³⁴ Lugayafudugu, lugadumusu baada baana bagisala gugele baana bagasileene ngunu mu guloomo gobo lunde. ³⁵ Asi baada bana lubamana bulu baada ba gisala, bazwe boolo wumoso gu midoyo. ³⁶ Lugabisa dumusu baada gudigi bana bato-mo mu guvulu, babasele se gifa gimoso. ³⁷ Gu nsugu lugadumusu mwanaana ni luba-mumono bubamuzidisi. ³⁸ Lubamumono biwi ni: Dalaana gigidi ginde! ³⁹ Dumuzwana, ngunu ngayisala ande bisi. Lubamuduusu mu lupangu, lubamuze, baya mutabana yanzie. ⁴⁰ Yesu ni: Lwini ya munga-nguunu, kiwi gini bagidi baada baba? ⁴¹ Biwi ni: Bugini bazwa; nguunu gini lefese baada bambaana, bini muwaaga gobo lunde. ⁴² Gungoyo ni: Nudaanga geele mabasonogo ni: Mudoyo wutabana baduungu-nzo luwugi-digi gunzu lugeme nzo? Gwigi paana yimadigi pimi mu kebe gabisi, yimaduugu gugele Nzaa-ma! ⁴³ Lugabwese ni: Gumundaga iyanuleele ni bubini nuwolo gimfumu gi Nzaama, bini wa baada bana bini budu mbenge. ⁴⁴ Wunu wini bwa yatala mudoyo wunu bugini bogogo, wunu wuwini bwileene, bugini nugumugu. ⁴⁵ Bamfumu babanganga-Nzaama ande bafa-lisi bawugu matigi mana, basaga gugama Yesu, asi badina baada boomo ginaga bamu-sena nga mubigili.