¹ Gimfumu gi Nzaama gigi nga mfumu wumoso wuyasaga baada mu gusala ngunu; ² lubawugagana tala yi bufugu bumutsini, lubabulusu gusala. ³ Lugamono baada bambaana, ⁴ lugabadu-musu se ni bunga nufudu, lubagie. ⁵ Lugabisa mono bambaana, lugabadumusu se. ⁶ Lugabisa mono bambaana balemene nde ni: kinumalemeneene abu? Biwi ni: Gisala lowo gabisi. ⁷ Lugabadumusu se ndegunu. ⁸ Mu gingwese lugaleele gapidi gaana mu gubafudu duugu bana bansugu tii bana batomo. ⁹ Gabafuda babosogo tala yimoso; ¹⁰ bana batomo banunga ni babaga nzimi gudigi bambaana. ¹¹ Lubabulusu gunienge ni: ¹² Abunu bisi dudedegeene mu gipwili duyabaga tala yimoso ande bana bamaya mangoyo, lowo bamalama? ¹³ Mfumu ni: Duwugagana tala yinde yini; ¹⁴ Sene ndeyini ndagwaga. ¹⁵ Gwigi mudimameeme mu gusala bunu bu yimazolo; ¹⁶ ndebunu bigi bansugu bini gidigi batomo, batomo bini gidigi bansugu. ¹⁷ Luwena Yesu gu Yelusalemi, gadwala balongogo baana mu lugala, gabaleele ni: ¹⁸ Guduyagwe, Mwana-muudu bubena mudege gugele bamfumu babanganga-Nzaama ande balongo-misigi bamuzwe. ¹⁹ Bini mudimini gugele bamimpani bamana mubulu fimbu, bamuseye, bamusi yata kulunsi; mu bufugu budede bugini wusugu mu lufa. ²⁰ Maana baana ba Zebedeye ande baana baana lubaya pusu yagele Yesu ni: ²¹ Basi mu gisala baana baba boolo, wumoso mu googo lugimaya, wumbaana mu googo lu gidada mu gimfumu gi Nzaama. ²² Yesu ni: Lowo numayaba ginumaloolo; bini bunwini gugu gunwa gobo lungini nwa mee-me? Biwi ni: E, butwini gugu. ²³ Nde ni: E, bunwini gugu, asi gunusa mu gogo lugi-maya ande lugidada lowo gwigi paana yimeeme, yigi paana yi Dawa. ²⁴ Balongogo bana guu-mu luba bolomogeene bana boolo kobo. ²⁵ Yesu lugabademene babosogo ni: ²⁶ Nuya-ba ni bamfumu ba gisi bayalga baada mu gingolongolo, baada banene babalesga se gimfumu gibiwi. ²⁷ Asi lowo gwini gala bunu my kebe gabini, wunu wumazolo gugala mbudu galugulumunu, wumazolo gugala wutomo, galugulumunu se. ²⁸ Ndebunu Mwana-muudu lowo gawiyeene gumusaleene, asi gawiyeene gusaleene baada babosogo. ²⁹ Lubadoga ya Yeliko, baada bavulu bayaa-laba Yesu. ³⁰ Bifa-misi bioolo mu nzili lubiwu-gu, lubiwabaga ni: Mfumu, Mwana-Davili, duwugeene kiene! ³¹ Baada lubabayama. Biwi lubabisa wabaga ngolo tsili ni: Mfumu, Mwana-Davili, duwugeene kiene! ³² Luganimigi, gabawufulu ni: Numazolo kiwi? ³³ Biwi ni: Dubisa mono. ³⁴ Gabawugeene kiene, lugabalamana mu misi; mbal'moso lubamono, lubabulusu gwamulaba.