¹ Yesu lugamenese gudodo, lugasisi Ngalili, gagie gu Yudeye gu ndama-nzele wu Yodani; ² gugaya zunusu bakaasa bayaamulaba. ³ Bafalisi mu gumumege bamuwufulu ni: Muudu wumafana guwesele mugese? ⁴ Nde ni lowo nudanga ni mu luyanaga Nzaama gayidigi bagala ande mukaada ⁵ gabaleele ni: Ndebunu bagala gini sisi gidaana ande maana, gini gosagana ande mugesaana, ⁶ bini gidigi muudu wumoso? Gumege lowo gugabala gigamagoso Nzaama. ⁷ Biwi ni: Mutulakiwi Mose gaduwe nzili mu guwesele mugese gumuwa mugaana? ⁸ Nde ni: Mutula mudwe bwidi wubini. ⁹ Asi meeme iyanuleele ni muudu wumasele mugesaana ni lowo gamasala ginduumu, wumadwala muge-sambaana, gamasala ginduumu. ¹⁰ Balongogo ni: Ni ndebunu pimi mu gukono gudwala mugese. ¹¹ Nde ni: Lowo ni baada babosogo bamabagisi tigi yini asi gwigi ande bangayi. ¹² Ginaga gugele ande bana baba-mana dongono duugu lubabudugu, bamoso bibeene mutula gimfumu gi Nzaama, bamoso mutula misigi mi gisi gigi. Wunu wumazolo gulaba malongi mama gamalebe. ¹³ Lubaya mudwaleene baana mu gubasa miogo, asi balongogo ni gibi; ¹⁴ Yesu ni: Wese-laana baana biyi gugele meeme, ¹⁵ ginaga gimfumu gi Nzaama gimafanagana ande baada bigi nga baana babambeele. Lugabasi miogo yata midwe, lugadogo yana. ¹⁶ Muudu wumoso lugaya muwufulu ni: Longi, ki bipimi kida mu guwingini gu tala? ¹⁷ Yesu ni: Mutulakiwi wumadodo ni bipimi? Wumoso peele wigi mupimi. Ni wumazolo moono wunu labaaga misigi. Nde ni: Kimiwi? ¹⁸ Yesu ni: Guzwa muudu lowo, guwibi lowo, guda gimbangi gi bupala lowo, lumusu gidaa-ga ande maaga; ¹⁹ zolo pangaaga nga nzege beene. ²⁰ Mwana-bagala ni: Bu ndabga misigi mini mimiosogo; kiwi bimakono? ²¹ Yesu ni: Nda wadege bimi biaga bibiosogo, nzimi gabeene bansukami, bunu wandaba. ²² Lugawugu bunu, lugawono luudu. ²³ Yesu ni: Gumusomo, gwini gala pasi yivulu mvama mu guwingini mu gimfumu gi Nzaa-ma. ²⁴ Lugabisa dodo ni: Lowo gwini pasi pundu mu guwingini ya ndono yi ndongo, asi gwigi pasi yivulu mvama mu guwingini mu gimfumu gi Nzaama. ²⁵ Balongogo bamono guwibigeene ni: Naa si wini hulugu? ²⁶ Yesu ni: Gwigi pasi gugele baada, asi gugele Nzaama lowo gwigi pasi. ²⁷ Piele ni: Bisi dusisi bimi bibisi bibiosogo mugwagulaba nze; kiwi twini baga? ²⁸ Gumusomo iyanuleele ni: Lwini yala Mwana-muudu mu gimfumu gi yolo, bini guuma-boolo nuyandaba meeme, bunwini yala, nwini saamasaaga bigaana guuma-bioolo bi baana ba Isaleele. ²⁹ Babosogo bana basisi bidaabiwi ande bamaya babiwi, bapanga babiwi ande bimi bibiwi bibiosogo, bini baga bimi kama ande kama yi bimi; bini baga moono wu mvulande mvulu. ³⁰ Asi bana bigi batomo lolo, bini gala bansugu; bansugu lolo, bini gala batomo mu bufugu bunu.