¹ Yesu galeela baada ande balongogo baana ni: ² Balongoga-misigi ande bafalisi babwa-nzana ya gidi gisisi Mose. ³ Bini gulaba bifu bibiwi lowo, mutulu biwi balabaaga mapaana mabalongoga bagwene. ⁴ Biwi basenaaga bugogo, bawaga kaga bagwene, bazolaaga ni babalese ndeme. ⁵ Basalga mamosogo ni bamonogo gu misi mi baada, bavadga milele miminene ande misaa-nga mileye ande malende gu masini. ⁶ Bazolga gugala ya bidi bitomo mu mambe-se ande mu manzo ma Nzaama, ⁷ bazolga baada babawaaga mbod, babademenaaga ni Longi, Longi, mu mambese. ⁸ Asi bini guzolo lowo ni banudemene ni: Longi, mutulu Longi wubini kaga wumoso, bini nugele bapanga. Gudemene lowo muuda-gisi gigi ni Dawa, Gidaabini kaga wumoso wuu wugle gu tala. ¹⁰ Longi wubini kaga Klisto. ¹¹ Wumadigi bunene mu kebe gabini gagele muda-gisala. ¹² Wunu wini luzangana bubini mugulumunu, wini lugulumunu bubini muza-ngana. ¹³ Kiene gugele bini bapal baba nulongoga misigi ande bini bafalisi, bini nugangaga baada nzili yi gimfumu gi Nzaama, lowo gabini nwini wingini. ¹⁴ Kiene gugele bini bapal baba nuwologa bakaada bafileene badimi manzo ande bimi bibiwi, ¹⁵ Kiene gugele bini bapal baba, nwenega guleye mu nzila-maja ande mu nzila-maana asi nugilaaga baada balongogo ba Yesu, kaga muudu wumoso peele, ndese numudumusga gu mbaa yi Sadana nga bini beene. ¹⁶ Kiene gugele bini badwalasa-baada nufi misi! Nugidili ni muudu wumazenge Nzaama ya ta nzimi ni gugele gubiyi, asi ni yata mese manzo-Nzaama ni gimi lowo. ¹⁷ Biyungu bibi, bifa-misi! Kiwi bimadigi mfunu nzo-Nzaama e nzimi? ¹⁸ Ni muudu wumazenge Nzaama ya ta mese ma gimenge bini ni gimi lowo, asi ni ya ta magaba migi ya mese, bini ni gibi; ¹⁹ kiwi bi-madigi mfunu mese mawululuga masumu e magaba? ²⁰ Wunu wusiliga yata mese gasiliga yata mese ande yata bimi bigi yana; wunu wusiliga yata nzimi gasiliga yata nzimi ande ²³ Kiene gugele bini balongo-misigi ande ba-falisi, nwigi bapala! Nuledega gidini gi guumu gi magaba makaya mabasaga mu madia ma-gidigi mapimi, asi bini beene nusalaaga baada mapimi, nubawuguneege kiene, nusalaaga magazologa Nzaama, kaga mabini beene. ²⁴ Nuyunguluga mono manunwaga mutulu gamwingi gabwi, asi numina pundu. ²⁵ Bini bafalisi ande balongo-misigi, nwigi bapala! Nuwululuga magobo ande malongo yanzie, gisi mu kebe mayulu jili lubimi binuwi-biga. ²⁶ Wululaana tomo mu kebe, yanje mangoyo. ²⁷ Kiene gugele bini bafalisi ande balongo-misigi, nwigi bapala! nwigi nga maluumu mampembi yanzie, asi mu kebe buyulu bigwili ande bimi binsunga-bolo. ²⁸ Gu misi mi baada nuyamonogo baada bapimi, gisi lowo midimi mibini miyulu bupala ande mapaana mafa magifa ande gifa. ²⁹ Kiene gugele bini! nudunguga maluumu ma mibigili, ³⁰ nudodoga ni nugalaaga mu daanga luzwaya badada babini mibigili lowo nukagidabunu; ³¹ gisi lowo nuyalufunu ni nwigi baana ba baada bazwaya mibigili. ³² Labaana mabasala badada babini. ³³ Bini biwudu bibi, nuyanungu gudini gwene gu mbawa? ³⁴ Dalaana mibigili ande balongo-misigi ande baada banduungu bayitunudumusu; bunwini bazwa, bamoso yata kulunsi, nwini bulaaga bambaana mafimbu mu manzo-Nzaama ma-bini, nwini bawaga pasi mu mabulu mabini mamanene. ³⁵ Asi matsili mabiwi mini yabwa yamidwe mibini duugu matsili ma Abele tii ma Zagadiyi mwana-Balasi, bakono gusala gabiwi si gubiyi gumoso, wunuwe yata mese ga gi-menge. ³⁶ Gumundaga mapaana mama mini yabwa mu daanga lubini. ³⁷ Yelusalemi, Yelusalemi, nze wuzwaga mibi-gili ande gu midoyo baada bayigudumusuga. Yizola guswege baada banze nga nsusu wuya-swege baana gutsina mavagavaga, asi nze lowo wuzola bunu. ³⁸ Dala bufugu bwigi bwini saala nzo yinze yibeene nga muwanga. ³⁹ Lo-wo nwini bisamono meeme tii bufugu bunwini dodo ni: Nzaama sagamana wunu wiya mu kuuma-Mfumu!