¹ Bafalisi ande basaduseye lubaya loomo Yesu gipa gimaduugu gu tala gisi bamudaya mwede. ² Asi nde ni: "Lubengega daanga mu gingwese nudodoga ni mooso wini gala wungolo mutulu tala yibenge." ³ Mu gipwili nudodoga ni: "Mvulu buyinoga lolo mutulu tala yiyodo". Bini nuyaba bidimi bi mooso ande bi mvulu, asi nuyabaaga bidimi bi daanga luulu? ⁴ Baada bafa, bamidwe bwidi gumisi mi Nzaama balooma gidimi, asi galowo ni gimbaana, kaga gini gi Yono. Lugagie gwa-na, gasala basisi ndeyana. ⁵ Lubaduulu ya simi, balongogo lubawibigi ni mampa masala; ⁶ Yesu lugabaleele ni: "Gebaana mu mugiele wubafalisi ande basaduseye!" ⁷ Lubabulusu gungwinagana bi-abi ni gamadodabunu mutulu dumayalala mampa. ⁸ Gisi Yesu wubayabeene, nde ni: "Lowo ni mutulu mampa, lugwigili lubini lwigi gandaama!" ⁹ Lowo gabini yana gubagisi? Lowo nuyawibigi mampa madana ande mampa nsambwadi manugabeene baada? ¹⁰ Bagele bakwe-bakwe? Mambugu makwe-makwe nuyulusu? ¹¹ Abunu numakono gubagisi ni lowo yinuleela mutula mampa? ¹² Ndelunu lubabagisi ni gisi gabaleela mutula malongi mabafalisi ande basaduseye, asi lowo ni mutula mugiele wu mampa. ¹³ Yesu lugagie gu ndaama gisi gi Kaisala wu Filipo; lugawufulu balongogo baana ni: Baada kiwi badodoga mutula Mwana-muudu? ¹⁴ Biwi ni: Bamoso badodoga ni wigi Yowani Mubodogo, bambaana ni wigi Yelemiyi, ni lowo mubigili wumoso, bambaana se ni wigi Eliyi. ¹⁵ Nde ni: Asi bini nudodoga ni ngwigi nawa? ¹⁶ Simoni Piele ni: "Wigi Mesiyi, Mwana-Nzaama wumoono." ¹⁷ Yesu ni: "Mono kiesi Simoni mwana Yowani, lowo ni muudu wutuguleelabunu, asi Gidaana-meeme gu tala wutuguleele. ¹⁸ Meeme iya-guleelabubu: Wigi Piele, ngwini duungu nzo-Nzaama yimeeme yatala nze, mudoyo. Si lufa lowo lwini yibubulu. ¹⁹ Ngini guwa mafungulu ma gimfumu gi tala: gini giwini ganga nze yaya, bugini gangamana se gu tala, giwini gudululu yaya, bugini gudu-lugu se guna. ²⁰ Lugaleele balongogo baana ni gumege guleele muudu lowo ni meeme ngwigi Mesiyi. ²¹ Duugu daanga lunu Yesu lugabulusu guleele balongo baana pwasa ni Mwana-muudu gumasala bitsi gagemege, gamono pasi gumiogo mi bambudu babanganga-Nzaama ande balongo-misigi ande bambudu bambaana, bamuzwe; asi gungoya mafugu madede gawusugu mu lufa. ²² Piele ni: Lowo gwini salamana bunu, Mfumu! Nzaama bugini gugebe. ²³ Asi Yesu ni: "Sadana, dogo yaya! Wuyanungu ma gimuudu, asi lowo migi manungu ma Nzaama, wuyazola gukanga nzili ²⁴ Lugaleele balongogo baana ni: "Wunu wumazolo gundaba meeme, gakono guludala, asi gasene kulunsi lwana. ²⁵ Wunu wubilisa moono wana mutulu meeme bugini bisa wubaga, asi wunu wini wugebe ndege, bugini wubilisi. ²⁶ Naa wini zolo gubilisi moonaana mutulu biesi bigisi gigi? Gini wusuumu mu tala kwe? ²⁷ Ndebunu bunwini mono Mwana-muudu wiya gulumugu mu mugieme wu gidaana ande bawanzio; gini saamasa muudu-muudu nga bugasala yaya yatala maana. ²⁸ Gumu-ndaga baada bambaana bini gala bamoono, lwini salamana mapaana mama; lwini ya Mwana-muudu mu gimfumu.