¹ Balongo-misigi ande bafalisi baduugu gu Yelusalemi lubaya wufulu Yesu ni: ² Mutula-kiwi balongogo banze buwulaaga miogo mu gudia nga bwigi misigi mi bakaaga babisi? ³ Yesu ni: Mutulakiwi bini nukono gulabaga misigi mi Nzaama? ⁴ Nzaama gadodo ni: "Muzidisi gidaaga ande maaga", wunu se mumapiaga gidaana ande maana, bamuzwe. ⁵ Asi bini nulongoga ni: Mwana ni wuleele gdaana ni lowo maana ni: "Meeme yimafana peele gugusalasa mu guguwa magaba mayifana guwa Nzaama"; ⁶ asi lowo ni muguguwa luzidi ya misi mi baada. Ndebunu bunuyazwa misigi mi Nzaama, nuyalaba mibini beene baada! ⁷ Bapala baba! Mubigili Yisaya bugabigili gwana ni: ⁸ Baada baba bapaga lugugu lugono, asi mu midimi lowo gabiwi. ⁹ Bisaa-ma bibiwi bibupala, mfunu lowo gabiwi, malongi mabiwi migi magimuudu gi biwi beene. ¹⁰ Yesu lugademene baada bagele yana gabaleele babosogo ni: ¹¹ Bimi biwinginiga mu gono lu muudu bimusumunaaga, asi bini biduugug mo gono bimusumunuga. ¹² Balongogo baana ni: Wuyaba ni mapaana mana mamawa bafalisi nsono? ¹³ Yesu ni: Mudi wunu wumakono gugwini Dawa gu tala bubini wunsumunu. ¹⁴ Nubawesele bafi-misi badwalagana bi-abi mu nzili; numono gelee gifa-misi gimadwala gifa-misi gigwene mu nzili? Nsugabiwi bayabwa mu zwingi gibia-boolo! ¹⁵ Piele ni: Dubanganeene paana yiyi. ¹⁶ Yesu ni: Bini se gisi nduungu lowo gabini? ¹⁷ Nuya-baaga ni bimi biwinginiga mu zumu lu muudu bubiduuguga gabiwi mu luudu? ¹⁸ Asi bini biduuguga mu gono, biduuguga mu mudimi ndebini bimusumunuga. ¹⁹ Mutu-lu mu mudimi muduuguga manungu mafa, gwibi, guzwa baada, misingi, ginduumu, guda gimbangi gi bupala ande mapaana mambaa-na mafa. ²⁰ Dalaana mapaana masumunuga muudu, asi lowo ni bimi bi gudia, lowo ni gukono guguwululu miogo mu gudia. ²¹ Yesu lugadogo yana gagie gu ndaama Tyr ande Sidoni. Mukaada wumoso mwisi Kanana lugayamubwileene ni: ²² Longi, Mwana-Davili, ngugeene kiene, mwanameeme wu mukaada bugayafa, muhungu wufa wumuyangigisa. ²³ Asi Yesu lowo gamufuduleene si ndaga. Balongogo ni muyidi, bugaya duyangigisi. ²⁴ Yesu ni: Meeme iwiyeene peele mameeme mabili mu kebe gabaana ba Isaleele; ²⁵ asi mukaada wunu lugayafugamana ni: Longi, ngugeene kiene! ²⁶ Yesu ni: "Lowo gwigi pimi mu gubebese madia ma baana gugele bam-bwa." ²⁷ Mukaada wunu ni: "Gwigi ndebunu Longi, asi bambwa se gabadiaga bisenge bini bibwaga gu tsina mese mabamfumu babiwi". ²⁸ Yesu ni: "Ho! nze mukaada wuwu! Lugwigili lunze lwigi lulunene! Nzaama bugasala hoso yini yiwumazolo. Mbal'moso mwana lugazunu. ²⁹ Lugadogo yana Yesu gagie gu simi lunzele wu Ngalili, lugayabwanzana yato musele. Gunu baada bavulu lubamulebe, bamudwa-leene bakaasa ba gifa ande gifa: bigada, bingudu, bifa-misi, bifa- matswi ande bambaana. Yesu lugabazunusu: bifa-misi bamona, bifa-matswi bawuga, bigada biniada, bingudu bidoda. ³¹ Ndeyana lubabulusu gulumusu Nzaama wu Yisaleele. ³² Yesu lugademene balongogo baana gabaleele ni: Baada baba basele mafugu madede yaya, bugubafudulu nzala lowo mu mu nzili. ³³ Biwi ni: Gunu dumona madia magubadisi biwi babosogo baba yaya twigi mu kebe gatsege? ³⁴ Lugabawufulu ni: Mampa makwe nwigi amiwi? Biwi ni: Nsam-bwadi ande ndaama-bambisi ba mwese. ³⁵ Nde ni yanwadwala. Lugabwisi baada mu tsini. ³⁶ Lugadono Nzaama, lugamana giese, lugawe balongogo mu gumana gaaba; ³⁷ lubadi, lubayugudu babosogo. ³⁸ Gungoyo balongogo bayulusu bisenge bini bibwaya mambugu nsambwadi. Badisi baada mili mina mi babagala, gukono gudaanga bakaada ande baana. ³⁹ Lugafudulu baada, lugawingini mu bwaada gagie gu ndaama Magadana.