¹ Lunu wugele mfumu wu Ngalili, Elodi; lugawugu musomo wu Yesu, lugaleele baada baana bagisala ni: ² Wunu Yowani Mubodogo baada wumawusugu mu lufa wuyasala bipa bini! ³ Elodi nde wugemese Yowani, gamusi mu bologo, gasaga gumuzwa ⁴ asi gawuga baada boomo mutulu baada babosogo basena Yowa-ni nga mubigili. ⁵ Yowani gawele Elodi ni gu-gidili Elodiada mugeesaaaga lowo, gigi muge-esa yayaaga Filipo. ⁶ Asi mu bufugu bu fedi lubudugu Elodi, mwana Elodiada wu mukaada magini mande mawe Elodi kiesi givulu ya misi mibaada, lugamuwufulu ni: ⁷ Yigugumu kiwi? Si gidini gigimfumu buyiguwaya. ⁸ Maana lugamuleele ni: Muloomo mudwe wu Yowani yatala longo. ⁹ Lugamuloomo, mfumu kiene luyimugeme, ginaga wusi nsilulu ya misi mibaada, lugamuwe. ¹⁰ Lugadumusu muudu mugwagiese Yowani mudwe mu bologo, ¹¹ gayawa mwana mu-kaada wunu. ¹² Balongogo ba Yowani lubaya leele Yesu budigi paana yini. ¹³ Yesu lugawugu bunu, lugawingini mu bwaada, gayalemene ndege; asi baada lubawugu, lubamulebe mu kuga maja. ¹⁴ Gabawugeene kiene yivulu, lugabulusu gubazunusu. ¹⁵ Balongogo lubamono ni pibi yibwaya, lubayaleele Yesu mu gufudulu baada mubulu mabela-bele bamanaya suumu bimi bigudia ginaga bagele mu tsege yizele. ¹⁶ Nde ni: Bugubafudulu lowo, nubadisi bini beene. ¹⁷ Biwi ni: Lowo duguga, yaya twigi ande mampa madaana peele nde bambisi ba mwese boolo. ¹⁸ Nde ni: Yanwadwaala. ¹⁹ Lugabwisi mu tsini yatala bididi. ²⁰ Luga-doono Nzaama, gamanagiese mampa, gawe balongogo mu gubagabeene; lubayugudu. ²⁰ Gungoyo balongogo badolo bisenge bini bibwaya mambugu guuma-moolo. ²¹ Badisi baada gidese gi mili midaana mi babagala; bakaada ande baana lowo babadanga. ²² Lugawingisi balongogo baana mu bwaada ni benaaga gu simi, nde gasalafudulu baada mu mabulu mabiwi; ²³ Lubwaya pibi lugaya-saama ndege yato musele. ²⁴ Bwaada bugele gandanda ande mbungu, muhungu wungolo wuyabulu bwaada. ²⁵ Mu kebe gapibi, Yesu gagele wena gugele bwaada yatala maja, ²⁶ balongogo mu boomo lubawabaga ni: Dalaana mufu! ²⁷ Yesu ni: Guwugu boomo lowo, wuwu meeme! ²⁸ Piele ni: Mfumu ni gwigi nze, temene meeme ngwiyi gunu! ²⁹ Yesu ni: Yawiyi! Piele lugaduugu mu bwaada lugabulusu gwene yatala maja. ³⁰ Asi lugamono ngolo yi muhungu, lugawugu boomo, gabulusu guniomo, nde ni: Mfumu, pulusu! ³¹ Yesu lugadandalala googo, lugamugeme; nde ni: Lugwigili lunze lwigi gandaama! Ma-mede makiwi? ³² Gibi aboolo lubawingini mu bwaada, muhungu luwuwalaga. ³³ Balongo-go lubafugamana ya mili mi Yesu ni: Nze wigi gumundaga Mwana-Nzaama! ³⁴ Lubaduulu ya simi lu nzele, gu ndaama Genesareth, baada lubamuyabeene, lubadwa-la paana ni Yesu wudulu. ³⁵ Bavulu bawiya ande bakaasa babiwi ³⁶ bamubonone ni balamana pudu songo yi mulele wunde, bana bamulamana, bubazuna.