¹ Bufugu ndebunu Yesu lugaduugu yanzie, gayabwanzana ya simi lunzele mu bwaada, ² baada bavulu lubaya bwanzana se. ³ Gabaleele mapaana mavulu mu matigi ni: Muudu wumoso wuyamwanga mbenge yaana, yimoso yibwi mu nzili, yimoso mu midoyo, ⁴ yimbaana mu bingangi, yimbaana mu maana mapimi. ⁵ Yibwi mu nzili, banono lubayidi; yibwi mu midoyo luyimene makidi mu gukono gu maana; ⁶ lude moso luyiwumu mu gukono gu migasi. ⁷ Yibwi yata nganga luyimene, luyifi; yibwi ya maana mapimi luyibudu mbenge: ⁸ lumbe-nge lumoso lubudu mbenge kama, lumoso maguumasaamana, lumbaana maguuma-dede. ⁹ Wugenzene matswi maguwugeene gawugu. ¹⁰ Balongogo ni: Mutulaki wuyabaleele mu matigi? ¹¹ Nde ni: Bini peele bawe ndungu yi guyaba biswama bi tala, lowo ni biwi. ¹² Nde-bunu bubini bwese wunu wubege geele, bini wolo wunu wumakono. ¹³ Ndelunu iyabaleele mu matigi mutulu bakono gumono, bakono guwugu. ¹⁴ Nga busonogo mubigili Yisaya ni: Bunwini monaa-ga mu misi, asi gumono lowo, bunwini wugaaga mu matswi, asi gubagisi lowo. ¹⁵ Midimi mi baada bana miyi bwidi, baganga misi ande matswi mabiwi, lowo bayawugu, lowo bayamono, lowo bayabagisi, lowo baya sobo bifu bibiwi, lowo bayazolo ni yibazunusu. ¹⁶ Asi kiesi gugele bini mutulu numona mu misi mibini, nuwuga mu matswi mabini. ¹⁷ Iyanuleele gumundaga ni mibigili ande baada bapimi bavulu basege gumono ande guwugu bimi bibi asi lowo bagugu. ¹⁸ Wana mbangudulu yi tigi yiyi yi mugwini: ¹⁹ Ni muudu wumawugu ndaga-Nzaama, asi lowo gatuyibagisi, mupala wutwayidogolo mu mudimande, gamafana muudu wugwini mbe-nge mu nzili. ²⁰ Wunu wugwini mu midoyo gwigi wunu wumawugu mu kiesi; ²¹ asi migasi lowo gwana, mu mapasi ma gisi gigi, wumabwa mu masumu. ²² Wunu wugwini yata nganga gamafana wunu wumawugu, asi minianga ande biesi bigisi gigi bitumudwala gisagasaga, wumabwa ²³ Wunu wugwini ya maana mapimi gwigi wunu wumawugu, wumabagisi, wumabudu mbenge kama, maguumasaamana, maguu-madede. ²⁴ Tigi yimbaana ni: Muudu wumoso wuya mwanga mbenge yi loso; ²⁵ asi mu pibi mumenge lugayamwanga yinde yi mukunji. ²⁶ Lulumene, lugayafudugu. ²⁷ Baada-bagisala baana ni: Mfumu, nze gawugwini loso, ebwe si duyamono ande mukunji? Nde ni: Mumenge wunu. ²⁸ Biwi ni: Duwunsumunu? ²⁹ Nde ni: Lowo, ni lowo numabisi loso. ³⁰ Weselaana loso luyele gihene gimoso ande mukunji; bufugu bwini yele loso, bagongo-mbenge bini dogolo tomo loso, gungoyo dumafufu mukunji. ³¹ Tigi yimbaana ayiyi: Gimfumu gi Nzaama gigi nga lumbenge lutsisi lubamagwini, wuma-gidigi mudi wunene, ³² wuyayabwa banono, badunga mayama mabiwi mu taanga. ³³ Lugabisada tigi yimbaana ni: Gimfumu gi Nzaama gigi nga ndama-mugiele wubamasa mu maja ande magobo madede mamfufu yi mampa, mampa mamawubu, mamafunu. ³⁴ Gabaleela kaga mu matigi ³⁵ mu gugugu-su magasonogo mubigili Yisaya ni: Ngini zibili gono lumeeme, ngini pasa mapaana maswa-ma duugu lubulusu gisi gigi. ³⁶ Lubawingini mu nzo balongogo ni: Duban-ganeene tigi yi mugwini mukunji. ³⁷ Nde ni: Mugwini loso gwigi meeme, Mwana-muudu; ³⁸ ngunu gwigi baada bagisi gigi, mbenge yipimi, baana ba gimfumu gi Nzaama, mukunji gwigi mupala. ³⁹ Mumenge gwigi Sadana, bagongo-mbenge gwigi bawanzio mu bufugu bunsugu. ⁴⁰ Nga bu bafufuga mukunji, bubini lumu gu mbawa baada bana basalga gubiyi ande ba-bwisiga bagwene mu masumu; ⁴¹ mu bufu-gu bunu bawanzio bubini ya bansumunu; ⁴² gwini gala ande bidili ande gugwengese mini. ⁴³ Baada bapimi bini gala mu mugieme wu gidaabiwi, bini semaaga nga daanga gu tala. Wana pimi mu matswi mabini. ⁴⁴ Gimfumu gi Nzaama gigi se nga gimi gitala gibaswege mu ngunu, wunu wutwuagimono, wumabisa giswege wana; mu kiesi gini wuma-yadege bimi biana bibiosogo ni gasuumu gwana ngunu yini. ⁴⁵ Gigi se nga mudege wuyasaga misanga mitala, ⁴⁶ lugamamono wumadigi tala, wumayadege bimi bibiosogo bi nzo gasuumu musanga wunu. ⁴⁷ Gigi se nga bugondi bumayulu bambisi bagifa ande gifa. ⁴⁸ Balobo-bambisi lubasola bayaseene bambisi bapimi, bana bapamba-pamba batabana. ⁴⁹ Bwini gala mu bufugu bunsugu, bawanzio bini ya gabala baada bapimi ande baada bafa; ⁵⁰ bana bafa bini baluumu gu mbawa gunu gwini gala bidili ande gugwengese mini. ⁵¹ Nubagisa mapaana mama? Biwi ni: E. ⁵² Nde ni: Mulongo-misigi wumawugu malo-ngi ma gimfumu gi Nzaama gigi nga munga-nzo wuyasolo bimi bifini ande bikulu mu nzwa-na. ⁵³ Yesu lugamenese gudodo lugadogo yana. ⁵⁴ Lugafudugu gu bulu lubiwi, galonga mu kebe ganzo-Nzaama yi bayudu, baada baboso-go bamono guwibigeene ni: Ndungu yiyi yigu-nu? ⁵⁵ Wuwu lowo ni mwana Yozefi ande Madiyi, yayabi Jagi ande Yozefi ande Simoni ande Yudeye? ⁵⁶ Bapanga baana lowo bigi mu kebe gabisi? Mapaana mama ande bipa bibi bigunu? ⁵⁷ Lowo basala mugumunu, asi nde ni: Mubigili bagumunuga gumbaana, ya bulu bwana lowo. ⁵⁸ Yana gasele bipa ndaama, mutulu gukono gu lugwigili lubisi bulu bwana.