¹ Yesu gadiga mu nguna-ble mu bufugu bu sabbat, balongogo baana bavina mbenge badiaya. ² Bafalisi ni: Dala balongogo baaga basala gubiyi mu bufugu bugitsini. ³ Asi Yesu ni: Nudangaaga magasele Davili we bambayi baana lugawugu nzala? ⁴ Gawingini mu nzo-Nzaama, lugaseene magaba mabawa-aga Nzaama ande mabanganga-Nzaama, lugadi ande bambayi baana? ⁵ Nudangaaga ni banganga-Nzaama basalga gubiyi mu kebe ganzo-Nzaama mu bufugu bu sabbat asi bamonaaga gubiyi gunu. ⁶ Asi meeme iyanuleele ni paana yiyi yimadigi nzo-Nzaama mu bunene. ⁷ Ni nuyabaga ni Mwana-muudu gigi mfuma sabbat, ⁸ gazologa kiene gudigi magaba, nga lowo nuzwaga baada bamakono gugidi gimi. ⁹ Lugadogo yana gawingini mu nzo-Nzaama. ¹⁰ Mugele ande mukaasa wumoso wubeela googo. Biwi ni: Gwigi pimi mu guzunusu mukaasa mu bufugu bu sabbat? Gisi basaga gumufuunu. ¹¹ Nde ni: Naa mu kebe gabini ni mwana lumeeme lunde lumabwa mu zwingi mu bufugu bu sabbat galuwesele gwana nde-munu? ¹² Kiwi bimadigi mfunu mwana lumeeme e muudu? Gwigi pimi mu gusala mapaana mapimi mu bufugu bu sabbat. ¹³ Lugaleele mukaasa ni: Dandalala googo. Lugadandalala, lugazunu. ¹⁴ Bafalisi lubadu-ugu yanzie, basaga gumuzwa. ¹⁵ Gisi Yesu bugayabeene, lugadoogo yana. Baada bavulu bayamulaba, wena bazunusu. ¹⁶ Nde ni: Gwalese si muudu lowo, ¹⁷ mutulu magasonogo mubigili Yisaya magugu. ¹⁸ Dalaana muuda-meeme wu gisala wu mudimi, gini lelaaga baada babosogo mayi-zologa meeme, yimusi muhunga-meeme. ¹⁹ Lowo gini saaga miaga, lowo gini badaga-aga, baada lowo bini muwugaaga mu manzili, ²⁰ lowo gini bogolo gamudi gagondamana, lowo gini zimi mwindi wuyakono guleeme pimi, gini laba gisala ginde tii gunu gugini gugusu luzolo lu Nzaama. ²¹ Baada babosogo bubini musileene mudimi. ²² Lubaya mudwaleene gingudu gimoso gifi misi, lugagizunusu. ²³ Baada babosogo ni: Wuwu kala Mwana Davili? ²⁴ Bafalisi ni: Gigi ande muhungu wufa, gayasala mu ngolo yi Sadana. ²⁵ Gisi Yesu wubayabeene, gabaleele ni: Gisi ni gimaga-baga, bugifaga; bulu nilowo nzo ni yimaga-baga nilowo yimabubugu yisalga yuumu. ²⁶ Sadana wumafana gulugabala galuyidi ndege? ²⁷ Ni meeme iyasala mu ngolo yi Sadana, asi baana babini bayasala mukingolo? Ndebunu bubini nusaamasaaga. ²⁸ Asi ni meeme iyasala mu ngolo yi Muhunga Nzaama, guyalesege ni gimfumu gi Nzaama giyi gugele bini. ²⁹ Ni lowo abunu muudu gini yawibi munzo-munga-ngolo ni lowo yana ga-tumuganga misingi? ³⁰ Mumenge wu meeme lowo gigi mbayaama. Gapasa gagosaaga baada. ³¹ Iyanuleele ni: Wunu wini dugu Nzaama, ni lowo hoso masumu mana mini sala muudu, bubini mueseleene, asi wunu wini dugu Muhunga-Nzaama lowo bini muweseleene. ³² Wunu wini sawala Mwana-Nzaama bubini muweseleene, asi wunu wini sawala Muhu-nga-Nzaama masumu mande lowo mini wa. ³³ Mudu wupimi bawuyabaga gu mbenge yiwi yipimi, mudi wufa se bawuyabaga gu mbenge yiwi yifa. ³⁴ Gigana gi biwudu gigi, abunu bini numafana gudodo mapaana mapimi, ni midimi mibini migi mifa, ginaga goono ludu-suga mapaana migi mu kebe ga mudimi? ³⁵ Muudu mupimi gasenega mapaana mapi-mi mu kebe gamudimaana, muudu mufa se gasenega mapaana mafa mu kebe gamudi-maana. ³⁶ Iyanuleele ni: Mu bufugu bunsugu baada babosogo bubini saama mu mapaana mamo-sogo mabadoda. ³⁷ Muudu-muudu gini bingi mumagadoda, ni gubele se mumagadoda. ³⁸ Balongo-misigi ande bafalisi baloomo Yesu gabaseleene gipa gimoso. ³⁹ Nde ni: Baada bafa bakono guwuguneege Nzaama bamalo-omo gipa, asi ga lowo ni gimbaana, kaga gini gimono Yono. ⁴⁰ Nde gasele mafugu madede mu zumu lumbisa-mwese, meeme se ngini gala mafugu madede gutsina maana. ⁴¹ Bisi Ninive bubini wusugu bufugu bunu, bini belese baada baba mutulu biwi bu babo-lomono midimi mu malongi ma Yono, asi biwi bigi yaya ande wunu wumadigi Yono. ⁴² Mfumu wu mukaada wuduugu gu gisi gileye gayasaga nduungu gugele Salomono, bugini babelese, asi biwi bigi yaya ande wunu wumadigi Salomono. ⁴³ Muhungu wufa ni wumaduugu mugele muudu, wena sagaaga gwafudugu gu wugele tomo, ⁴⁴ ni wumayamono nzo yini bwasa, yingagoomo pima-pimi, wena senaaga mihungu mimbaana mingolo nsambwadi; ⁴⁵ ni mimawingini, gubiyi gu muudu wunu gudigiga gunu gutomo. Ndebunu se bwini gala baada baba bafa. ⁴⁶ Ludoda Yesu mu kebe ga nzo, muudu wumoso lugaya mululeele ni: ⁴⁷ Maaga ande bapanga baaga baguzila yanzie. ⁴⁸ Asi nde ni: Maanameeme ande bapanga bameeme banawa? ⁴⁹ Lugalese luleme gugele balongogo baana ni: Dalaana maana-meeme ande bapanga bameeme. ⁵⁰ Muudu wunu wuyasala luzolo lu Nzaama wigi gu tala ndewunu maanameeme, ndewunu panga-meeme wu bagala ande wumukaada.