¹ Lumenese Yesu gulongo balongogo baana misigi, lugayalongo mu mabulu. ² Yowani lugawugu paana yinde mu bologo, lugadu-musu balongogo baana ni bamuwufulu ni: ³ Klisto wubazila gwigi nde e wumbaana? ⁴ Yesu ni: Nwamuleele manumamono ande manumawugu. ⁵ Bifa-misi bamono, bifa-matswi bawugu, bigada binimigi, babele lebele bazunu, baada bangafa, bawusugu mu lufa, Musomo wu Pimi wuwingini mu kebe ga bansukami. ⁶ Kiesi gugele muudu wunu wini kono gumede! ⁷ Lufudugu balongogo ba Yowani, Yesu luga-wufulu baada bagele yana ni: Kinuyadaala mu nsege? gididi gini ginigagana mu muhungu e muudu wunu wuvada milele mitala? ⁸ Nuya-beene ni bavadga bunu bigi mu manzo ma bamfumu banene bagisi gigi. ⁹ Kiwi nuyadala? mubigili? E, wumadigi mubi-gili. ¹⁰ Ginaga basonogo ni: Iyagudumusu tumu wumeeme, mu guyidigi nzili yinze. ¹¹ Iyanuleele gumusomo ni lowo si muudu wumoso wumadigi Yowani Mubodogo mu bunene tii loolabubu. Mu gimfumu gi Nzaama wumadigi bunene wunu wudigi gukieyege. ¹² Duugu lunu tii loolo gimfumu gi Nzaama bagele mu guginwaneene, banga-ngolo bini wingini. ¹³ Mibigili ande misigi midodo mapaana mama tii mu daanga lu Yowani. ¹⁴ Mu guba-gisi nde wuwu Eliyi wugele mu gwiyi. ¹⁵ Wu- genzene matswi maguwugeene gawugu. ¹⁶ Ande banawa gufanigisi baada ba daanga luulu? Ande baana babambeele bamabwan-zana ya mbese baleela baana bambaana ni: ¹⁷ Bisi dunubuleene mizigi, lowo gabini numa-gini, dutunubigeene migungu mi kiene lowo gabini numanienge. ¹⁸ Yowani bugayi lowo gadiaya mampa, lowo ganwaya, baada ni: Gigi ande muhungu wufa! ¹⁹ Mwana-muudu wuyi wunwaga, wudiaga, baada ni: Dalaana wuna gisala giana gunwa ande gudia ande bafudusu-paga ande baada bamasumu. Asi nduungu yi Nzaama yimonoga mu bisala binde. ²⁰ Yesu lugabulusu guwele mavili magadigi, magasele bipa ni: Kiene gugele nze Chorazini ande nze Bethsaida! Ni bipa bina binumono bini bisalamanaaga ya Sidoni ni lowo ya Tyr, nga matanga masalamana tama, nga baada balugwidi budo bumbawa, nga baada babolo-mono midimi tama. ²² Asi iyanuleele ni mu bufugu bunu nwini saama gudigi baada bana. ²³ Nze Kapernawumi, wuyalusa ya tala? Bubini gugulumunu tii gu tsina bafa. Ni bipa bisala-mana yana bigalaaga ya Sodomo, nga vili lunu lwigi tii loolabubu. ²⁴ Ndelunu iyaguleele ni mu bufugu bunu wini saama gudigi vili lunu. ²⁵ Yesu lugabadaga ni: O Nzaama, Mfumu wu tala ande maana, madono bu wumamonogoso gugele bambeele mapaana mawuswegeene baada babanene balongogo guvulu! ²⁶ Dawa, wumasala pimi tsili! ²⁷ Lowo si muudu wumuyaba Mwana, Nzaama peele, lowo si muudu wumuyaba Dawa, Mwana peele ande bana bagazologa Mwana ni bamuyabeene. ²⁸ Bini baada numawono ande bugogo, yanwiyi gugele meeme abini babosogo, ²⁹ meeme yinusaamana, nuhendege; ³⁰ mutulu fandu luyinuwaya meeme lwigi hendele; nga nuhululugu.