¹ Gungoya mafugu masamana Yesu lugadwala Piele ande Yowani ande Jagi gu to musele. ² Gunu mbunzu luyigidigi guseeme ande milele mpembi nga mooso. ³ Lubamono Mose ande Eliyi bamogande. ⁴ Piele ni: Mfumu, ni wumazolo tuungu bidaama bidede dulemene yaya, gimoso ginze, gimoso gi Mose, gimbaana gi Eliyi. ⁵ Dudu luluyabafugu; ndaga yiduugu gu tala ni: Wunu Mwanameeme wuyizolo, mudima-meeme, numuwugeene! ⁶ Lubawugabunu, lubabwi ande boomo mambunzu mu maana. ⁷ Asi Yesu lugaya banimisi ni: Guwugu boomo lowo! ⁸ Lubahedege, bamono Yesu peele. ⁹ Mugwagulumugu musele, Yesu ni; Gwadeleene muudu lowo tii gwini wusugu Mwana-muudu mu lufa. ¹⁰ Biwi ni: Mutulaki balongo-misigi badodoga ni: Tomo Eliyi wini ya? ¹¹ Gwigi ndebunu ni tomo Eliyi wini yasala mapaana mamosogo. ¹² Asi Eliyi wuyi tama, lowo gabini gumuyabeene, numumwese pasi; ndebunu bubini yangigisi se Mwana-muudu. ¹³ Lunu balongogo lubabagisi ni gadodone Yowani Mubodogo. ¹⁴ Lubaduulu ande baada, muudu wumoso lugayabwa ya mili mi Yesu ni: ¹⁵ Mfumu, ngugeene kiene, mwanameeme wu bagala gabwaga gifili, ¹⁶ yileele balongogo baaga, lowo bayagugu gumuzunusu; gabwaga daanga lumoso ya mbaa, ni lowo mu maja. ¹⁷ Yesu ni: Baada bamidimi bwidi, tii kidaanga meeme ngini galaaga ande bini ku gunuzunu-saaga? ¹⁸ Yesu lugangeneene muhungu wufa, mbal'moso mwana lugazunu. ¹⁹ Balongogo lubawufulu Yesu mu nduungu ni: Mutulakiwi bisi dukono guyidi muhungu wuna? ²⁰ Nde ni: Lugwigili lubini lwigi ndama, ni lowo numafana guleele musele ni doogo yana, ndawe guna, wumadogo, wumagwe. ²¹ Mu bisaama peele ande gugini gudia muhungu wugifa gina wumafana guduugu. ²² Mu nzila Ngalili, Yesu gabaleele ni: Mwana- muudu bamudimina gu miogo mi baada, ²³ bamuzwe, asi gini wusugu mu bufugu budede. Babosogo kiene luyibageme. ²⁴ Ya Kapelenawumi, bafudusu paga lubawu-fulu Piele ni: Mfumabini gafudaaga paga? ²⁵ Nde ni: Bugafuduga. Mu kebe ganzo Yesu ni: Piele bana bamafedi gufudu paga, banga-gisi e banzenzi? ²⁶ Piele ni: Banzenzi. Yesu ni: ²⁷ Dukono gubawa pasi, ndawa lobo, mbisi wutomo wuwugama, mudele mu gono gigi ande nzimi, sene, fudu paga yinze ande yimeeme.