¹ Ndungu lowo gabini bini bisi Ngalati? Naa wutu nulogo? Bini ga numono bini beene gimona-misi gi lufa lu Yesu yataa kulunsi ! ² Nuya laba misigi mi bakaaga babini e Nuya laba lugwigili lu Mfumu Yesu? Nuya laba Ndaga-Nzaama yinu gwigili mu ngolo yi Muhunga-Nzaama e nuya laba misigi? ³ Nubulusu ande Muhunga-Nzaama, luulu numa fudugeene mapaana mabini beene, nwigi biyungu? ⁴ Mapaana mamosogo manuya sala migi gamiwi mapamba? Galowo. ⁵ Nzaama gaya nuwa ngolo yi gusala bipa mutulu lugwigili lwana e mutula misigi? ⁶ Nzaama gamu guumunu Abalayama ni gigi muudu mupimi gisini lugwigili lwana. ⁷ Lwi ndelunu basonogo ni mutulu lugwigili lu Abalayama, Nzaama gamu genese ⁸ ni bugini musagamana, ⁹ bugini sagamana se baada babosogo bana bini fanagana ande Abalayama, bini gidigi badigili baana. ¹⁰ Basonogo ni baada bana baya ..... ¹¹ Bana baya kono gulaba Ndaga-Nzaama bigi mu kebe ga gihongo gi Nzaama. Lowo gwigi ande muudu mupimi gu misi mi Nzaama gisini misigi, ¹² asi mu lugwigili peele muudu gamonogoga pimi ya misi mi Nzaama. ¹³ Yesu wudu guulu mu masumu daanga luga fi yataa kulunsi ya gihene gibisi. Ndelunu nde wudogolo gihongo gibisi ndebunu bu basonogo ni muudu wunu wini luzwa mu misingi yataa mudi gigi mu kebe ga gihongo gi Nzaama. ¹⁴ Lusagamana luga genese Nzaama gugele Abalayama lumonogo mu nzila Yesu gugele baada ba bigaana bimbaana mu lugwigili lunu ludu waaga Muhunga-Nzaama l'absence Ndagaana. ¹⁵ Bini bapaanga, iya mege gimi gimoso gini gidu monoga. Ni muudu gigi mu gufa wuma sonogo mugaana pima-pimi, lowo gwigi ande muuda-mbaana wuma fana gusobo si gimi gimoso mu kebe gungoya lufa lunde, lowo gudogolo si gimi, gubwese si gimi se lowo. ¹⁶ Nzaama wugugusu mapaana mamosogo maga gene mu nzila mwanaana Yesu, mana maga genese Abalayama ande mudigilaana; lowo basonogo ni badigili baana. ¹⁷ Yima zolo gudodo ni Nzaama wunu wusi lusili ande gulu gugusu, lowo ni gwigi mutula misigi mini miyi gungoya mvulu kama yina ande maguumu madede (430), asi mutula lugwigili. Misigi mini lowo mima fana gudogolo lusili lunu ande gulu zwa. ¹⁸ Asi mbingi yini Nzaama gayi leedaaga mutula misigi, gwigi mutula lugwigili ndebunu buga genèse Abalayama. ¹⁹ Misigi gisala gimiwi kiwi? Gisala gi misigi gigi mutulu mapaana mana makono guzilaaga Nzaama. ²⁰ Gwigi bawanzio baya misa, ndelunu lowo gwigi mfunu mu gudumusu muuda-mbaana ni ndege Nzaama. wigi mu kebe ga baada. ²¹ Guya monogo ni misigi lowo migi nzili yimoso ande Pagani ma Nzaama? E, ndebunu tsili, mutulu ni misigi mibodisaaga moono wu muudu ya misi mi Nzaama, nga muudu wugidigi mupimi. ²² Basonogo ni gisi gimutsini gigi gu miogo mi Sadana, ndelunu mugu hulusu baada Nzaama galeede magaba ma lugwigili gugele baada bana baya musileene mudimi mu nzila mwanaana Yesu Klisto. ²³ Ludu kono gubaga yaana lugwigili, dulaba misigi, gisi misigi miya dulaba hoso gihene, hoso daanga; dugele nga baada ba bologo tii gunu guduya baga lugwigili. ²⁴ Daanga luga yi Yesu dugidigi baada bapimi ya misi mi Nzaama; ²⁵ lowo dubisa saala baada ba gulaba misigi. ²⁶ Mu lugwigili bini babosogo nugidigi baana ba Nzaama. ²⁷ Gugele bayudu, gugele baada ba bigaana bimbaana, gugele ba bagala, gugele bakaada, gugele bamfunu, gugele bahigi, gugele baada ba gisala, ²⁸ mu gimvugu gi Yesu ginu bodamana mu kuumaana nugidigi muudu wumoso, bimi binde bibiosogo bigidigi bibisi babosogo. ²⁹ Nugidigi bini babosogo badigili ba Abalayama, bunwini baga mbingi yiga nugenese.