¹ Wuwu meeme muda-bologo wu Nzaama iya nuboneene bini baga demene ni nukono gugala gisaga-saga, asi galaana pimi ndebunu bwigi kuumabini. ² Galaana pwede ande luzidi nulu gulumunu ya misi mi baada, nugangaags mudimi mu kebe gabini, nuzolanaaga bini ande bini. ³ Saana ngolo ni pimi mu gimvugu gibini, gini ginu dululuga midimi mu nzila Muhunga-Nzaama. ⁴ Luudu lwigi lumoso peele, Muhunga-Nzaama se wigi wumoso peele; gifa gimoso mudimi se wigi wumoso peele. ⁵ Nzaama gigi wumoso peele, lugwigili se lwigi lumoso peele, mbodidi se yigi yimoso peele. ⁶ Nzaama gigi wumoso, Daada wu baada babosogo wunu wuya yaalaaga baada babosogo ande bimi bibiosogo, wunu wigi mu gihene bibiosogo, wunu wusalaga mapaana mamosogo. ⁷ Hoso muudu Yesu wumu we magaba maana ma gifa giana daanga luga banaga gu tala nga bu basonogo mu Mugaana-Nzaama ni ⁸ wugeme baada ba bologo, wuba gabeene magaba. ⁹ Mbangudulu ¹⁰ luulu wuya lemene ya tala gisi gigiosogo ¹¹ wugabeene baada bamoso gulongo Ndaga-Nzaama, bambaana batumu, bambaana babigili. ¹² Ndelunu wuba we ndungu yi guyabeene Ndaga-Nzaama pima-pimi ande gusala gisala giana pima-pimi ¹³ mutulu bisi babosogo dugele gimvugu gimoso mu lugwigili gi Mfumu Yesu, Mwana-Nzaama ande gumuyabeene pima-pimi ni gigi Klisto; lunu dumonogo ni dugulu mu gimpeve. ¹⁴ Dukono gubisa gala nga baana bambeele, ni hoso muhungu ni lowo hoso paana yini yidu bwisi ni lowo yidu doneene nga malongi ma baada ba bupala. ¹⁵ Ludu yaya longo Ndaga-Nzaama mu guzolo gugwosogo, dugulu mu giklisto, ginaga ndege gigi mudwe. ¹⁶ Gwigi mu guzolo gwana gaya duungu luudu lwana luya sala pima-pimi, sa luya yele ande gubwa ngolo. ¹⁷ Iya nuloomo ande gunu sidi ni nukono gugala nga bamimpani bakono guyaba si gimi, bakono guzolaaga guyabeene mapaana mapimi maduuguga gugele Nzaama, ¹⁸ ginaga bigi biyungu, bigi mudwe bwidi, ¹⁹ bawuga gabiwi nsono mu gusala hoso gubiyi gunu. ²⁰ Bini lowo nwigi baada ba gifa gini abunu, ²¹ bini nwigi baklisto, nulongogo mapaana mapimi mana maga zologa Yesu. ²² Nuwesele mapaana mamosogo mana makulu, ²³ sobaana mugeleene wubini duugu mu manungu tii mu mugeleene wubini ²⁴ Vaadaana luudu lufini lunu luyidigi Nzaama mu gifani gi ndege beene, lunu luga monogo ni lupimi, luma kono si gifu gimoso. ²⁵ Weselaans gudodo bupala. ²⁶ Ni wigi mu Kobo, guyamayi lowo tii gunu mu pibi, yimenese sileene, gusala gubiyi lowo, ginaga bisi babosogo twigi bidini bi luudu lumoso. ²⁷ Guweselene lowo Sadana daanga ni lowo wutu guyaala mu gasala gubiyi. ²⁸ Mwibi gawesele guwibi, gasege gisala gi miogo, gadalaaga mutulu gasalasaaga baada bambaana ande gulu salasaaga ndege beene mu nzili yipimi. ²⁹ Guduusaaga lowo ndaga yifa mu gono lunze, dodaaga mapaana mapimi ande mamfunu, mana mamaaga bagwene kiesi, mana madululuga midimi mi baada, mana mawaaga baada bambaana ngolo yi gusala mapimi. ³⁰ Guwa lowo Muhunga-Nzaama wunu wigi mu kebe ganze nsono ande kiene ginaga Muhungu ndewunu wini gudogolo nze gimbili mu masumu mu bufugu bunu. ³¹ Weselaana kobo, nuyidi manungu mamosogo mafa ande gisege ande misingi ande mabogodo. ³² Galaana pimi ande baada babosogo, nuweselanaaga gubiyi gunuya salaganaaga bini ande bini nga buga nuweseleene bini Nzaama mu nzila Mwanaana Mfumu Yesu.