¹ Ndelunu meeme Poolo, muuda-bologo du Nzaama ande wu Mfumu Yesu, iya saama Nzaama ² mutula bini baada bana nuduugu mu bisi ande mu bigaana bimbaana. ³ Meeme Nzaama gansoolo mutulu nga nudwaleene Ndaga yiyi ande gunu leese mapaana mande mana maga nuswegeene. ⁴ Mapaana beene mamosogo yima sonogo geele, ni nutu madaanga numa fana guyabeene giswaama gi Nzaama mutula kuuma Yesu-Klisto. ⁵ Mu daanga lutomo Nzaama lowo galeesa giswaama ginde gugele baada, asi loolo wulu leese mu nzili yi Muhungaana gugele babigili ande gugele batumu baana. ⁶ Giswaama beene gigi ni Ndaga-Nzaama yigi mutulu bayudu ande baada bana bamakono bayudu babosogo babege ⁷ Meeme ngwigi muuda-gisala guma digi gukieye mu kebe ga baada ba gisala babosogo ba Nzaama, asi Nzaama wunsoolo mu mapimi maana mu gudwalasa Paana yaana gugele baada bana bama koono mu gigaana gi bayudu. ⁸ Gwigi mahaama gugele meeme mu gubaga magaba maama ma gulongo Ndaga-Nzaama yi gimvaama. ⁹ Mapaana maama maga swege Nzaama duugu tama, ¹⁰ loolo meeme ngwigi mugu maduusu ya misi mi baada ba Dibundu lu Yesu mutulu gayabeene ngolo yi gisi gi tala ande gimbaga gi Daada Nzaama ¹¹ ndebunu buga gene Nzaama lunu luga gugusu Mfumu Yesu. ¹² Mu gimvugu gitwigi ande Mfumu Yesu ande lugwigili lubisi, meeme iya nuloomo ni nukono guwoono luudu mutula pasi yi gifande gifa yi gisi gigi, ¹³ asi dusaana ngolo, duganga mudimi, dudalaana kaga Daada Nzaama, dumu sileene mudimi, butwini baga matabisi Mu bufugu bunu. ¹⁴ Iya fugamana ya misi mi Daada Nzaama, ¹⁵ iya muloomo nde wunu wudalga baada babosogo gu tala ande yaaya mu tsini ni ¹⁶ ga nuwe ngolo nga bunu bwigi migasi mu tsina maana, nugeme lugwigili lubini mu ngolo yi Mfumu Yesu ande yi Muhunga-Nzaama, ¹⁷ nugeme guzolo mu midimi mibini nga guzolo gunu guleese Yesu ¹⁸ mutula baada mu lufa lunsono yataa kulunsi. ¹⁹ E, numafana guyabeene gimbaga gi Nzaama ande gimvaama giana, ²⁰ nde wunu wigi ande ngolo yigu sala mapaana mamanene ande mapaana mana madu kono gunungaaga bisi baada. ²¹ Galumu Mfumu Nzaama mu kebe ga Dibundu mu nzila Yesu Klisto mvulande mvulu. Amen.