¹ Iya zolo ni nuyabeene pasi yimeeme mu giduumu gingwigagiwi mu gisala gigi yigi mutula bini ande bisi bulu lu Laodiseye ande baada bambaana bana bakono gungiabeene. ² Iya bazoleene ni bagele ngolo ande gibagala, bamu yabeene Mfumu Yesu ni gigi paana yiga sweege Nzaama, bagele ndungu, bazolagana; ³ mutulu ande ndungu ande gimbaga gi mapaana ma Nzaama biswama mu kebe gande. ⁴ Muudu gakono gunu doneene, gakono gunu bwisi gisaga-saga mu mapaana ma gisi gigi ma bupala ande ma gimuudu, mana ma misigi mi bakaaga ande ma mihungu mifa; ⁵ dalaana kaga Mfumu Yesu. ⁶ Meeme ngwigi ande bini daanga lulwosogo mu manungu si lowo twigi gihene gimoso. Ngwigi kiesi ni bini nuboda gama lugwigili lubini mugele Mfumu Yesu. ⁷ Bwi ndebunu buba nulongo Ndaga-Nzaama mu gimvugu ande Mfumu Yesu, nudindamana ndebunu, nuduungu moono wubini yataa Mfumu Yesu. ⁸ Ginaga Nzaama wumu vaadasa bimi bibiosogo bingolo yitala ande yi gisi gigi. Numu doonaaga hoso daanga Daada Nzaama. ^{9 10} Daanga lunu bodamana, nufi ande Yesu, ¹¹ nu nimigi se mu lufa ande ¹² Yesu mutulu nuguumunu ngolo yi Nzaama yini yiduusu Yesu gu tsina baada bana bafi. ¹³ Tomo nugele nga baada bangaa fa mu gimpeve, bamimpani, baada baba kono guyadigi mutula gubiyi gubini, ¹⁴ asi luulu Nzaama wudu weseleene masumu mabisi mamosogo, wudu fuduleene moono, wupaaga mugaana wunu wudu fuuna mu mapaana maga kono guzolaaga Nzaama, daanga lunu luga gele Mfumu Yesu yataa kulunsi. ¹⁵ Lwi ndelunu Nzaama wuwoolo ngolo yiyosogo ande bimfumu bi Sadana, wubi leese gugele Mwanaana. ¹⁶ Muudu gakono gunu wa pasi mutula bimi bubini bi gudia ni lowo bi gunwa ni lowo mutula mafedi ma Dibundu ande ma gifande gifa. ¹⁷ Bini bibiosogo bigi gidimi gi mafugu ma nsugu. ¹⁸ Nukono gulaba muudu wunu wuya lu nungeene ndeege beene mu gulu .... ande mu bisaama bi bupala, ¹⁹ gisi lowo gwana gigi ande Yesu mu kebe ga mudimaana, gaya luleese ya misi mi baada ngagwi ni wanzio, asi lowo gwana gamu yaaba Yesu, mudwe wu Dibundu. ²⁰ Bini nufi ande Yesu, banu guulu mu mapaana ma gisi gigi, lowo nubisa saala baada ba gulaba misigi mi gisi gigi, ²¹ asi mutula kiwi bayaya nuleele ni gugala lowo gimi gigi, gudia lowo gigi, gusala lowo buubu? ²² Bini bigi bimi biwaaga gabiwi gungoya madaanga, ²³ asi bisalasaaga luudu lu muudu mu guyaala mapwisi malwiwi, biya monogo gu misi ni bipimi, gisi bigi ni gimuudu.