¹ Bini nudoogo mu lufa nzili yimoso ande Mfumu Yesu, nukono gubisa ya labaaga mapaana ma gisi gigi, ² sagaana mapaana ma Nzaama, mana migi gu tala gugele wunu wuyaalaga mu kuugu yi Daada Nzaama. ³ Ginaga moono wubini wigi mu kebe ga Mfumu Yesu duugu lunu fi we nde, ⁴ nwini nimigi bufugu bunu gihene gimoso we nde lugini bisa ya monogo mu kebe ga mugieme waana. ⁵ Bilisaana mu kebe gabini mapaana mamosogo mana maya wa Nzaama kobo, ⁶ nga gusaama bidegi ande gusala ginduumu ande manungu mafa. ⁷ Dalaana bunu gele bini tomo lunu laba mapaana ma gisi gigi nga kobo ande gunsubu baada ande gusala mapaana ma buzobo nga bambisi. ⁸ Gukono guwugagana si ndaga yimoso yifa mu magono mabini, nubi tabana bimi bifa bibiosogo. ⁹ Gudodaaga lowo bupala mu kebe gabini, ginaga nuwesele bimi bifa bibiosogo, ¹⁰ luulu nugidigi baada bafini, ba Daada Nzaama, nwigi bifaani biana, numu yabeene pima-pimi. ¹¹ Lowo gubisa saala mfunu si wigi muyudu, si muuda-mbaana, si wungaa yadigi, si wuba kono guyaadigi, si muhigi, si wunu wuba guulu, si wunu wungaa luugu, si wunu wuma kono guluugu, gimi gimfunu gigi guyabeene Mfumu Yesu mu kebe ga mapaana mamosogo. ¹² Bini nwigi mu kebe ga gigaana gi baana ba Nzaama, wunu soolo, wunu zolo, ndelunu pimi nuleesaaga mugeleene wupimi, nuzolaganaaga bini ande bini, ¹³ ande guweselaganaaga gubiyi mu kebe gabini ndebunu buga nuweseleene bini Mfumu Yesu. Nugangaaga mudimi, nusalanaaga mapimi, nulu gulumunaaga. ¹⁴ Yataa mapaana mamosogo tomo nusaaga guzolagana mu kebe ga gimvugu gibini, gimi gindegini giga nudemeneene Daada Nzaama. ¹⁵ Ndebunu ganu dululu midimi, ganu yaala, bini nwigi nga bilama bi luudu, nudalaganaaga pimi. ¹⁶ Ndaga-Nzaama yinu yaala mu kebe ga midimi mibini, numu bigeene migungu mi ndumu ande mi madoono Daada Nzaama, ^{17 18} Bini bakaada ba mawaala, nulabaaga mapaana maya zolo badimi babini nga buga zologa Nzaama, ¹⁹ bini badimi, nuwaaga bagese babini kiesibgu misi; ²⁰ bini baana, nuwaaga bibwidi bibini luzidi mu mapaana mamosogo, ndebunu bu zologa Nzaama; ²¹ bini bibwidi, nukono guwaaga bana babini kobo ni lowo bama woono luudu. ²² Bini baada ba gisala, nusalaaga pimi gisala gibini, nukono gusalaaga mu daanga lubaya nudala peele, asi nugi salaaga daanga lulwosogo mu mudimi wumoso ngagwi ni lowo gigi gi baada, asi gi Daada Nzaama. ²³ Nuba zidisaaga bamfumu babini ba gisala. ²⁴ Nuyabaaga ni bunwini baga matabisi mabini gugele Nzaama, mana maga swegeene baana baana. ²⁵ Asi bana baya sala gubiyi bini mono pasi, ginaga Nzaama gaseenega baada babosogo gifa gimoso.