¹ Lima hari udah nya Imam Besae Ananias lalu datae enggau bala tuae urang Yahudi enggau siko pengacara ke benama Tertulus. Sida lalu mantae ka dakwa sida ngelaban Paulus di mua Gubernur. ² Leboh Paulus udah dikangau ka tama, Tertulus lalu belaboh bedawa ka Paulus munyi to: “Tuan te Dipebasa ka! Nuan endang lama udah mae pemaek ngagae menua kami, alu uleh pengelandik nuan, mayoh bengkah ubah te manah udah digaga nuan ke bansa kami. ³ Kami mere terima kaseh ke semua utae te udah dikereja nuan ke kami. ⁴ Tang ngambi ka aku enda masau jam nuan, aku minta nuan mendeng ka kami enda lama. ⁵ Kami nemu urang to mae pengacau, ke ngacau semua urang Yahudi di serata dunya, sereta nyadi tuae ke site raban te dikumbae Raban urang Nasaret. ⁶ Iya mega bejako jae ngelaban Rumah Sembayang. Nya alae kami nangkap iya, ⁷ lalu deka ngakim iya niteh ka Adat kami empu. Tang kepala pasukan ke benama Lisias datae alu ngerampas iya ari jari kami ⁸ alu ngasoh urang ke bedakwa ka urang to betemu enggau nuan. Leboh nuan mansik urang tu, nuan deka nemu ari iya empu semua penyalah iya te dikena kami bedakwa ka iya.” ⁹ Urang Yahudi mega bedakwa ka iya, madah ka semua utae nya endang amat magang. ¹⁰ Leboh tuan Gubernur ngepae ka jari ngasoh Paulus bejako, Paulus alu nyaut, “Aku gaga ati bejako ngarika dire empu, laban aku nemu nuan endang lama udah nyadi hakim di menua to. ¹¹ Tuan empu uleh mansik utae to. Kira dua belas hari to te udah aku mansang ngagae Yerusalem deka nyembah Allah Taala. ¹² urang Yahudi nadae nemu aku bekelikoh enggau urang, tauka nyungkak urang mayoh ngaga pengacau, nemuka alam balae gempuru, tauka ba sebelah negri. ¹³ Alu sida pen enda mega uleh nunjuk ka enggau terang ngagae nuan kebuah sida bedakwa ka aku diato. ¹⁴ Tang aku ngako to di mua nuan: aku nyembah Allah Taala ake ine kami niteh ka Jalae Tuhan te dikumbae sida site raban, alu aku arapka semua utai ti ditulis dalam Adat, tauka alam Kitab sida nabi. ¹⁵ Aku bise site pengadang baka te diterima sida empu, iya nya semua urang ke rurus enggau ke enda rurus deka diangkat ka ari mati. ¹⁶ Nya kebuah aku enggau naka uleh ngintu ati dire bereseh di mua Allah Taala enggau di mua mensia. ¹⁷ “Leboh aku udah ninggal ka Yerusalem dua tiga taon, aku alu pulae baru ngagae negri nya, mae duit sedekah ngagae bansa aku empu, ¹⁸ sereta mere pireng. Leboh aku benong ngereja nya, sida alu nemu aku alam Rumah Sembayang, benong nembo ka pengawa aku ke nuci dire. Nadae mayoh urang enggau aku, alu aku mega nadae ngaga pengacau. Tang sekeda urang Yahudi ari menua Asia ¹⁹ sida patut bise dito bedakwa ka aku di mua nuan, ente sida amat bise utae kena bedakwa ka aku. ²⁰ Tao ka, awak ka bala sida to madah ka penyalah aku te ditemu sida leboh aku bedire di mua Sanhederin. ²¹ Nyangka meh sida nyalah ka aku laban aku udah nyebut di mua sida, ‘Aku kena pecara sehari to laban aku arap ka urang ke mati deka diangkat ka idop baru.’ ” ²² Tang Feliks, ke ndang nemu pasal Jalae Tuhan, nutup pekara nya. Ko iya, “Leboh kepala sardadu Lisias datae, nya baru aku mere pemutus penemu pasal pekara kitae to.” ²³ Iya alu ngasuh pemesai sardadu nyaga Paulus, tang tao ngasoh Paulus tetap di tan, alu nda tau nagang bala pangan Paulus mere iya utae te dipeguna iya. ²⁴ Udah dua tiga hari udah bekau nya, Feliks datae nggau bini iya Drusila, ke bangsa urang Yudi. Iya alu mesau ka Paulus, alu mendeng ka Paulu bejako ka pasal pengarap ke Yesus Kristus. ²⁵ Leboh Paulus bejako ka pasal pengelurus, pasal nagang dire, enggau pasal Hari Pekara te deka datae, Feliks alu takut. Ko iya, “Nuan tao mupok diato. Leboh aku bise maya ila, aku mesau ka nuan.” ²⁶ Leboh maya nya, iya ngarap ka Paulus deka mere iya duit. Nya kebuah iya suah mesau ka Paulus alu berandau enggau iya. ²⁷ Dua taon udah lepas nya, Feliks alu diganti Porkius Pestus nyadi Gubernur. Kena Feliks nyenang ka ati urang Yahudi iya ngawak ka Paulus mengkang ditan alam penjara.