¹ Tiga hari udah bekau pestus datai di menua nya, iya lalu mansang ari Siseria age Yerusalem. ² Sida tuai imam, nggau bala tuai orang Yahudi alu mantai ke tuduh ti dikena sida ngelaban Paulus. Alu sida minta Pestus ³ ngasoh urang mai Paulus age Yerusalem, laban sida deka ngipa alu munuh iya di rantau jalai. ⁴ Pestus alu nyaut, madah ke Paulus agi ditan ke alam rumah penjara ba Siseria, alu Pestus mpu deka mansang kin enda lama da age. ⁵ “ Nya alai,” ko iya bejako, “awakka bala tuai kita mupuk nggau aku age Siseria, alu enti urang nya bise udah ngereja penyalah, awakka sida nuntut iya.” ⁶ Leboh iya udah diau nggau sida lapan age sepuluh hari, iya alu mupuk age Siseria. Hari site iya alu duduk ba penuduk hakim, alu ngasoh urang mai Paulus tama. ⁷ Lebuh Paul datai, bala orangYahudi ke udah datai ari Yerusalem, bediri ngelingi iya, mantai ke jako tuduh ti berat ngelaban iya. ⁸ Tang sida enda uleh nunjuk ke bukti. Paulus alu bejako ngari ke diri empu. Ko iya, “Aku nadai kala ngelanggar Adat urang Yahudi tauka ngelaban Rumah Semayang, tauka ngelaban Raja Besai.” ⁹ Tang, laban Festus ka nyenang ka urang Yahudi, iya alu bejako age Paulus, “Kati nuan deka mupuk age Yerusalem alu kena pecara din ba pasal semua pekara to ba mua aku mpu?” ¹⁰ Paulus alu nyaut, “Aku diatu benung bediri ba mua pengadil Raja Besai, endur sige patut aku di adil.Alu nuan mpu nemu, aku nadai kala ngereja utai te salah age urang Yahudi. ¹¹ Paulus alu bejako ngari ke diri mpu. Ko iya, “Aku nadai kala ngelanggar ukum urang Yahudi tauka ngelaban Rumah Semayang, tauka ngelaban Kaisar.” Nya kebuah, enti aku bise udah ngereja penyalah alu udah ngereja utai ti tau ngasuh aku patut kena ukum bunuh, aku ukai minta diri enda diukum mati. Tang enti sida nadai kebuah nuduh aku, nadai urang uleh nyerah ke aku age sida. alu aku merek banding age Kaisar.” ¹² Leboh Pestus udah berunding nggau sanhedrin penemu iya, iya alu nyaut, “Nuan udah nike banding age Kaisar, age Kaisar meh nuan deka mupuk.” ¹³ Dua tiga hari udah bekau nya, Raja Agripa datai ba Kaisarea, ka ngaluka penatai Festus. ¹⁴ Leboh Raja Agripa nggau Bernis diau dia dua tiga hari, Festus lalu mantaika pekara Paulus ba mua raja. Ko iya, “Aku bise siko urang tahan ke udah ditinggalka Peliks. ¹⁵ Leboh aku ba Yerusalem, sida tuai imam enggau bala tuai urang Yahudi madahka pasal iya age aku, minta aku ngukum iya. ¹⁶ Aku madah age sida, kami urang Roma nadai adat nyerah ke urang ke kena tuduh, sebedau iya betemu betunga mua nggau urang ke nuduh iya, alu empai diberi peluang bejako ngarika diri mpu ngelaban tuduh nya. ¹⁷ Nya kebuah leboh sida datai dito suba, aku enda betangguh tang hari site duduk ba penuduk hakim, alu ngasoh urang mai iya tama. ¹⁸ Leboh bala urang penuduh iya bediri, sida nadae madah ke iya bise udah ngereja penyalah baka ke disangka aku. ¹⁹ Tang sida semina bekelikuh nggau iya pasal agama sida mpu, nggau pasal urang siko ke benama Yesus, ke udah mati, tang Paulus majak madah ke urang nya idup. ²⁰ Laban aku nda nemu baka ni ko cara nyelidik pekara nya, nya kebuah aku alu nanya iya enti iya deka mupuk age Yerusalem, alu dipecara ke din ba semua pekara nya. ²¹ Tang, leboh Paulus udah nike banding minta diri mengkang ditan dalam rumah penyara, alu minta pekara nya diatur Kaisar, aku ²² Alu ngasoh iya ditan nyentok age maya aku uleh ngirom ke iya age Kaisar.” Ko Agripa bejako nggau Festus, “Aku bisi ati deka mending ke urang nya.” Festus alu nyaut iya, “Pagila nuan deka mendingka iya.” ²³ Hari siti Agripa seduae Bernike alu datai enggau cukup gaya, alu tama age ruang pengadil, di sertai sida bala tentara, nggau urang ke tinggi pangkat alam negeri nya. Festus alu ngasoh urang mae Paulus tama. ²⁴ Ko Festus bejako, “Raja Agripa, nggau semua kita ke bise nggau kami dito diato, to meh urang ke detuduh semua urang Yahudi age aku, ukai semina dito tang mega di Yerusalem, alu manjong madah ko iya nda tau desuroh idup age. ²⁵ Tang aku nadai nemu iya bise udah ngereja utai te tao ngasoh iya deukum bunuh. Alu leboh iya nike banding age Kaisar, aku alu mutuska runding deka ngiromka iya. ²⁶ Tang aku nadae utae berentak te tau dituleh aku pasal iya age Kaisar. Nya kebuah aku mae iya kito age semua kita, kelebih agi ngagai nuan Raja Agripa, ngambe ke leboh kitae udah meresa iya, aku bise utae dituleh-- ²⁷ laban ba penemu aku, nda manah enti aku ngirom ke urang penjara, nadae nunjuk ke tuduh te ngena ngelaban iya.”