¹ "Dinga menyadi sereta bala apai, dinga jaku pembela aku di aku ti aku padah ngagai kita diatu aba mua kita." ² Lebuh urang mayuh ninga Paulus bejaku ngagai sida dalam jaku Ibrani, sida diau. Ko iya, ³ aku tu siko ari urang Yahudi adai aba Tarsus, Kilikia, tang sekulah aba kota tu, dalam pengajar Gamaliel. Aku diajar enggau atur ti balat bendar sejalai ukum ake ine kitai nya mere aku nyadi siku urang ti meruan bekerja bagi Tuhan, sebaka enggau kita kereja diatu. ⁴ Aku udah mere pemerinsa urang-urang ti nitih ke jalai Tuhan nyentuk ke sida mati. Lelaki enggau indu aku tangkap sereta ditama ke aku dalam penjara. ⁵ Pia mega Imam-imam besai sereta sida bala Majelis Tuai uleh mere utai ke disaksi sida nyadi aku nerima surat-surat ari sida yake di tuju ngagai bala menyadi aba Damsyik, dibae lebuh bejalai kia. Aku udah mae pulai urang-urang ti nitih ke jalai Tuhan pulai ke Yerusalem deka kena ukum. ⁶ ''Leboh aku benong ba rantau jalai damping age Damsyik maya ka tengah ari, site penampak ayan ngenyit mancar ari langit ngelingi aku. ⁷ Aku alu belutut ke tanah, alu ninga nyawa te nyareh bejako age aku, 'Saulus, Saulus, nama kebuah nuan merinsa ke aku?' ⁸ Aku alu nyaut, 'sapa Nuan, Tuan?' iya alu bejako age aku, 'Aku to Yesus urang Nazaret ke de perinsa ke nuan.' ⁹ Nyadi urang ke bejalai nggau aku bise meda penampak nya, tang nadai ninga nyawa nya bejako age aku. ¹⁰ Aku alu nanya, ‘Nama utai ti patut dikereja aku, Tuhan?’ Tuhan alu bejako age aku, ‘Angkat nuan alu mupuk ngagai Damsyik. Dia nuan deka dipadah ke semua utai ti udah diasoh kereja nuan.’ ¹¹ Leboh aku nda uleh meda utai ketegal penerang penampak nya, urang ke nggau aku alu megai jari aku alu ngiring aku age Damsyik''. ¹² ba, negeri nya bise urang siko benama Ananias, saleh ka Ukum Taurat, sereta dibasa semua urang Yahudi ke diau dia. ¹³ Iya datai age aku, bediri ngimbai aku, alu bejako, ‘Menyadi, Saulus, awakka nuan uleh meda baru!’ Tekala nya aku alu uleh meda. Aku alu meda iya. ¹⁴ Iya alu bejako, ‘Allah Taala aki inek kitae udah milih nuan, ngambe ke nuan nemu- peneka Iya, lalu meda Iya ti Lurus, lalu ninga nyawa Iya Empu, ¹⁵ laban nuan deka nyadika saksi Iya ngagai semua dunya pasal utai ti udah dipeda enggau didinga nuan. ¹⁶ Nya alai, anang betangguh. Angkat nuan, lalu dibaptisa, ngambika dosa nuan dibuai, lalu besampi dalam nama Iya.’ ¹⁷ “Lebuh aku udah pulai ngagai Jerusalem, lalu lebuh aku benung besampi dalam Rumah Sembiang, aku begenera meda Tuhan bejaku ngagai aku. ¹⁸ Ku Iya, ‘Angkat jampat lalu mupuk nuan ari Jerusalem, laban sida enggai nerima jaku saksi nuan pasal Aku.’ ¹⁹ Aku lalu nyaut, ‘Tuhan, sida mpu nemu aku udah bejalai ari sinagoge sebuah ngagai sinagoge ²⁰ sebuah, nangkap lalu malu sida ke arapka Nuan. Alu leboh saksi Nuan Stefanus dibunuh, aku bisi bediri damping dia, nyetuju meda kereja urang ke munuh iya, ²¹ lalu nyaga baju sida.’ Tuhan alu bejako age aku,'mupuk nuan, laban aku deka ngasoh nuan bejalai jaoh age urang bansa bukai ,'' ²² Age ba selentang to, sida age mending ke Paulus. Tang udah nya, sida alu belaboh manjong, ko sida, “Bunuh iya! Bunuh iya! Iya enda patut idup!” ²³ Leboh sida manjong, sereta ngesai ke gari sida, alu ngerami ke debu age ribut, ²⁴ kepala tentara alu ngasoh Paulus dibae age barak, alu ngasoh iya disipat, ka mansik kebuah urang Yahudi manjong baka nya ngelaban iya. ²⁵ Tang leboh sida udah nancang iya ngena tali, Paulus alu bejako age siko pemesai tentara ke bediri damping dia, “Kati kita tau nyipat urang ke rayat Roma, ke nadai udah diukum?” ²⁶ Lebuh pemesai tentara nya ninga nya, iya lalu mansang ngagai kepala tentara,alu bejako ngagai iya, “Nama utai ti deka dikereja nuan? urang to rayat Roma.” ²⁷ Kepala tentara nya alu mansang age Paulus, alu nanya iya, “Padah ke age aku, kati nuan rayat negeri Roma?” Paul alu nyaut, “Au.” ²⁸ Kepala tentara nya alu nyaut, “Mar amat rega aku meli pangkat nyadi rayat Roma.” Ko Paulus bejako, “Aku nyadi rayat Roma ari adai.” ²⁹ Tekala nya urang ke ka mansik iya alu nyurutka diri ari iya, alu kepala tentara mega takut leboh iya nemu Paulus nya rayat Roma, laban iya udah nancang Paulus. ³⁰ Laban iya deka nemu kebuah urang Yahudi nudoh Paulus, hari site iya alu ngelepas ke Paulus, alu ngasoh sida tuai imam nggau semua raban Sanherin betembong. Iya alu mae Paulus tama alu ngasoh iya bediri ba mua sida.