¹ Leboh kami udah ninggalka sida, lalu bekejang, ² Leboh nya kami bise tetemu ka site kapal iya ka deka belayar ngagai Fenisia, kami alu nepan kapal nya, alu bekejang. ³ Leboh kami udah meda Siprus, kami alu belayar mang ke kibakami nuju ngagai menua Siria, lalu sangkai di Tirus, laban kapal deka nyangkai barang dia. ⁴ Kami ngiga alu betemu enggau sida murid, udah nya kami diau dia tujuh hari. Niteh ka iring Roh Kudus, sida enda nyagi Paulus mupuk ngagai Yerusalem. ⁵ Leboh timpoh kami diau dia nyau ambeh, kami angkat alu majak ka pejalai kami. Semua sida, enggau bala bini anak sida iya, nganjung kami pansut ari nengeri. Kami belutut ba tebing tasik alu besampi, ⁶ alu meri selamat tinggal ngagai pangan diri. Udah nya kami alu nepan kapal, sida apen alu pulai. ⁷ Leboh nembo ka pejalai kami ari Tirus, kami datai ba Ptolemais, dia kami betemu enggau kaban belayan site pengarap, alu diau enggau sida sari. ⁸ Ari site kami mupuk, alu datai di Siseria. Kami datai ba rumah Penginjil Filipus, siko ari sida ke tujuh iko, alu diau enggau iya. ⁹ Iya bise empat iko anak indo iya ke empai belaki, ke bise pemere benabi. ¹⁰ Leboh kami diau dia dua tiga hari, siko nabi ke benama Agabus datai ari Yudea. ¹¹ Alu, udah iya datai ngagai kami, ia ngambe ikat pinggang Paulus, alu nanchang kaki jari iya empu ngena ikat pinggang nya, alu bejako, “To utai di kumbai Roh Kudus, ‘Baka to ku urang Yahudi di Yerusalem deka nancang urang ke bempu ikat pinggang to, alu nyerah ka iya ngagai orang bansa bukai.” ¹² Leboh kami ninga nya, kami enggau sida iya ke bukai alu nguji nda nyagi Paulus angkat ngagai Yerusalem. ¹³ Paulus alu nyaut, “Nama gaga kita? Nama kebuah kita nyabak alu ngenusahka ati aku? Aku ukai semina sedia deka ditancang aja, tang sedia deka parae ba Yerusalem, ketegal nama Tuhan Yesus.” ¹⁴ Laban Paulus enggai nda disagi kami, kami alu diau aja bado age bejako, kelimpah ari nya ke nyebut “Awakka peneka Tuhan nyadi.” ¹⁵ Udah bekau nya, kami besikap, lalu mupuk ngagai Jerusalem. ¹⁶ Sekeda sida murid ke ari Kaisaria mega bejalai enggau kami, alu mae kami ngagai rumah Manason urang ari Siprus, ke lama udah arap, alu kami diau enggau iya. ¹⁷ Lebh kami udah atai ba Yerusalem, sida kaban belayan gaga amat nyambut penatai kami. ¹⁸ Ari site Paulus angkat enggau kami deka betemu enggau Yakobus. Semua tuai bise dia magang. ¹⁹ Udah mere tabe basa ngagai sida, dia Paulus alu nusi enggau silek semua utai iya ke udah dikereja Allah Taala ngagai orang bansa bukai, ngena pengawa iya ke udah dikereja Paul. ²⁰ Leboh sida ninga nya, sida alu muji Allah Taala. Alu ko sida bejako ngagai Paulus, “Peda nuan to, menyadi! Dito beribu ribu iko urang Yahudi ke arap, lalu semua sida nya bela likun magang ke Hukum Taurat, ²¹ alu sida udah dipadahka pasal nuan ke udah ngajar semua orang Yahudi ke diau begulai enggau orang bansa bukai, ngasoh sida ngeleka ke Hukum Musa, alu nuan madahka sida enda ibuh nutus anak sida, tauka nitih ka adat istiadat asal kitai. ²² Nya alai, nama utai ke patut dikereja kitai? Laban sida tetap deka nemu nuan udah datai dito. ²³ Nya alai, kereja aja utai iya ke dasuh kami. Nyadi kitai bise empat iko urang ke udah besumpah. ²⁴ Bai sida to alu tuci dire empu sama enggau sida, alu bayar ungkos sida ke ngukur buk sida, ngambe semua orang nemu, utai iya ke udah ditusi urang pasal nuan endang nadai pengamat mimit. Nya baru sida deka nemu nuan endang amat bepegai ba Hukum Taurat. ²⁵ Tang ba pasal orang bansa bukai ke udah arap, kitai udah ngirum ka site surat madah ka pemutus aum kitai, madahka sida enda tau makai pemakai ti udah dembe ngagai engkeramba, tauka makai darah, tauka makai jelu iya ke parae dicekak, lalu enda tau ngereja ulah iya kamah.” ²⁶ Paulus alu mae urang nya enggau iya, alu ari site leboh ia udah nuci dire begulai enggau sida, sida alu tama ngagai Bait Allah, alu deka madah timpuh maya sida deka muka pengawa nuci ke diri alu serimbai mega enggau mere penyembah ke tiap iko sida. ²⁷ Leboh timpoh tujoh ari nyau deka ambe, sekeda urang Yahudi iya ke datai ari Asia, bise tepeda ka Paulus alam Bait Allah, sida lalu megau ke urang mayuh, alu nangkap Paulus ²⁸ alu manjung, “Orang Israel! Tulung! To urang ke ngajar di semua endur ngelaban urang Israel, ngelaban Hukum Taurat, enggau ngelaban Rumah to. Nambah ka nya age, ia udah mae urang Yunani ngagai Bait Allah alu udah ngamah ka ndor iya ke kudus to!” ²⁹ Laban, sebedau nya sida udah tepeda ka Trofimus ke datai ari Epesus begulai enggau Paulus dalam nengeri nya, alu sida melaba ka Paulus udah bise mae ia ngagai Bait Allah. ³⁰ Semua urang alam nengeri nya alu begau magang betugong alu belanda nangkap Paulus, alu ngiret ia pansut ari Bait Allah, alu Pintu Bait Allah tekala nya ditutup. ³¹ Leboh sida nguji ka munoh ia, urang alu madah ngagai tuai kentera Roma pasal urang ka ngacau di serata nengeri Jerusalem. ³² Tekala nya kepala kentera alu mai pemesai enggau bala kentera, alu belanda ngagai tekang bala mayoh. Leboh urang mayoh meda kepala kentera enggau bala kentera datai, sida alu bado age malo Paulus. ³³ Udahnya kepala kentera nya mansang ngagai Paulus, nangkap ia, lalu ngasoh ia ditancang ngena rantai. Ia alu nanya ka sapa urang ke di tangkap ia nya, enggau utai iya ke udah dikereja ia. ³⁴ Sekeda urang alam bala mayoh manjong nyebut utai sebengkah, lalu sida ti bukai nyebut utai bukai. Nyadi laban kepala kentera nya enda nemu utai iya ke ko sida, laban urang kelalu capoh, ia alu ngasoh Paulus dibae ngagai barak kentera. ³⁵ Leboh datai ba tangga barak, bala kentera alu ngesan Paulus, laban bala orang mayoh balat amat deka ringat ke ia. ³⁶ Bala urang mayoh ke niteh ka sida majak manjong, “Bunoh iya!” ³⁷ Leboh bala kentera baru deka mae Paulus tama ngagai barak, Paulus alu bejako enggau kepala kentera, “Kati tao aku nyebut site utai ngagai nuan?” Kepala kentera nya alu nanya, “Kati nuan nemu jako Yunani? ³⁸ Ente pia, kati nuan to ukai urang Mesir ke apin lama to iya ke udah nguji mae orang ngelaban perintah alu ngulu ka empat ribu iko bala penyamun ngagai tanah lapang?” ³⁹ Paulus alu nyaut, “Aku to urang Yahudi, ari Tarsus ba menua Kilikia, peranak ari nengeri iya ke besai. Aku minta nuan nyagi aku bejako ngagai orang mayoh to.” ⁴⁰ Leboh kepala kentera udah mere ia pemendar bejako, Paul lalu bediri ba tangga nya, ngepai ka jari ia ngagai urang mayoh. Leboh sida nyau jenoh nda capoh age, ia alu bejako ngagai sida ngena jako Ibrani, ko ia.