¹ Lebuh urang nyau udah badu agi begau, Paulus lalu mesanka sida murid, lalu lebuh iya udah meri sida jaku peransang, lalu meri selamat tinggal, iya lalu mupuk ngagai menua Makedonia. ² Lebuh iya udah bejalai nengah menua nya lalu udah meransang sida ke arap ngena mayuh macham ajar, iya datai di menua Gerika, lalu diau dia tiga bulan. ³ Lebuh iya baru deka belayar ngagai menua Siria, orang yahudi bepekat ngelaban iya, nya alai iya mutuska runding deka mulaika diri nengah menua Masedonia. ⁴ Iya disempulang Sopater anak Pirus, ari Berea, Aristarkus seduai Sekundus, ke datai ari Tesalonika, Gayus ari Derbe; Timoti, Tikikus enggau Tropimus ari Asia. ⁵ Sida mupuk dulu ari kami, lalu nganti kami di Troas, ⁶ tang kami belayar ari Pilipi udah lepas Gawai Roti Ti Enda Beragi, lalu lima hari udah bekau nya, kami betemu enggau sida di Troas, alai kami ke diau tujuh hari. ⁷ Kena hari Minggu, lebuh kami begempuru deka makai, Paulus berandau enggau urang mayuh laban iya deka mupuk hari siti, lalu iya majak bejaku nyentuk ngagai tengah malam. ⁸ Mayuh amat lampu ditungkun di sadau alai kami ke begempuru. ⁹ Siku orang bujang ke benama Eutikus, ke duduk ba jenila, lalu belabuh tinduk jenak amat lebuh Paulus majak bejaku. Laban iya jenak tinduk, iya labuh ke tanah ari tingkat tiga. Lebuh sida nanggung iya, iya endang udah mati. ¹⁰ Tang Paulus nurun, lalu ningkapka diri atas nembiak nya, lalu merap iya. paulus bejaku Paulus, “Anang irau. Iya agi idup!” ¹¹ Lebuh Paulus udah pulai baru ke sadau, lalu udah mechahka roti, lalu makai, iya ngemaik berandau enggau sida, nyentuk ngagai rerak tawas. ¹² Udah nya iya lalu mupuk. Sida mai Eutikus ke idup nya pulai ke rumah, lalu ati sida lantang amat. ¹³ Kami lalu bejalai dulu ngagai kapal, lalu belayar ngagai Asos, laban kami deka ngemai Paulus nepan kapal nya dia, nitihka atur iya, laban iya deka mansang ngagai endur nya ngena jalai darat. ¹⁴ Lebuh iya betemu enggau kami di Asos, kami lalu mai iya nepan kapal nya, lalu mupuk ngagai Mitilene ¹⁵ Kami belayar ari Mitilene, lalu hari siti kami datai di khios. Sehari udah bekau nya, kami datai di Samos, lalu sehari udah bengkau nya, kami datai di Miletus. ¹⁶ Laban Paulus udah berunding deka belayar mansa Efesus, ngambika iya enda ngerindang diri di menua Asia, laban iya begaut deka ngenataika diri di yerusalem kena hari Pentakosta, enti ulih. ¹⁷ Ari Miletus Paulus ngirumka siti pesan ngagai Efesus, minta bala tuai jemaat betemu enggau iya. ¹⁸ Lebuh sida betemu enggau iya, iya lalu bejaku enggau sida, “Kita empu nemu gaya pengidup aku, sekumbang aku ti diau begulai enggau kita, berengkah ari maya aku ke terubah datai di menua Asia, ¹⁹ bekereja ke Tuhan enggau ati ti baruh, sereta enggau ai mata, natka penusah ti nuntung aku ari pekat orang yahudi. ²⁰ Aku nadai kala nyurutka diri ari pengawa madahka pesan Tuhan ke penguntung kita, sereta ngajar kita di mua urang mayuh ari rumah sebuah ngagai rumah sebuah, ²¹ lebuh aku besaksi ngagai orang yahudi enggau ngagai urang bansa bukai pasal nesal ati ke dosa, enggau pasal arap ke Yesus Tuhan kitai. ²² Nyadi pitu, laban aku tu nyadi urang tangkap Roh Kudus, aku deka mansang ngagai Yerusalem, enda nemu namaka utai ti deka nyadi ba aku din. ²³ Aku semina nemu, ari padah Roh Kudus, aku deka ditutup dalam penjara, lalu dituntung mayuh macham penusah dalam genap buah nengeri. ²⁴ Tang aku endai sayauka nyawa diri, asal ga aku ulih nembuka pejalai aku enggau pengawa ti udah diasuh Tuhan Yesus kereja aku, iya nya, be saksi ka Berita Manah pasal pengasih Allah Taala. ²⁵ Lalu diatu aku nemu, nadai siku kita, ke udah alai aku nusui pasal Perintah Allah Taala, ulih meda aku agi. ²⁶ Nya alai aku madah ngagai kita sehari tu, aku enda betanggungjawapka nyawa kita, ²⁷ laban aku nadai kala enggai madah ngagai kita semua juluk ati Allah Taala. ²⁸ Nya alai, nyaga diri empu, enggau semua raban. ²⁹ Jemaat ke udah diasuh Roh Kudus ibun kita, menggembalakan jemaat Allah Taala, ke udah ditebus Iya ngena darah Anak Iya Empu. ³⁰ Aku nemu, lebuh aku udah mupuk, ukui kampung ti mangah deka tama ngagai bala kita, lalu munuh kita. Lalu sekeda urang ari raban kitai empu, deka madahka utai ti bula, ngambika murid tesat lalu nitihka sida. ³¹ Nya alai, bejaga jagalah, lalu ka ingatka aku ke udah, dalam tiga taun, enggau ai mata, enda renti renti siang malam meri kita jaku petuahka. ³² Nyadi diatu, aku nyerahka kita ngagai Allah Taala, enggau ngagai pesan pasal pengasih Iya, pesan ti ulih ngemansangka kita, lalu meri kita pesaka sama enggau semua orang ke udah dikuduskanNya. ³³ Aku nadai kala ingin ke pirak tauka emas, tauka gari urang. ³⁴ Kita empu nemu, jari aku tu ti dikena aku gawa ngidupka diri, sereta nyangkung pangan ke bekaling enggau aku. ³⁵ Dalam semua utai nya, aku udah meri kita teladan, ngambika ari kitai ke bebendar bekereja, kita ulih nulung nyukung urang ke lemi, laban kitai ingatka jaku Tuhan Yesus, laban Iya Empu ke nyebut, ‘Beberekat ngau urang kak ke meri, ari orang ke nerima.’ ” ³⁶ Lebuh iya udah badu bejaku, iya paulus belutut enggau semua sida, ³⁷ lalu besampi. Semua sida lalu nyabak magang lebuh sida meluk ka paulus lalu nyium ³⁸ iya enggau ati ti pemadu mat ti, kelebih agi laban iya udah madahka sida nadai agi meda iya. Sida lalu nganjung iya ngagai kapal.