¹ Lebuh Apolos agi ba Korintus, Paulus bejalai nengah menua atas, alu datae ba Efesus. Dia iya tetemuka sekeda murid. ² Alu ku iya nanya sida, “Kati kita bise nerima Roh Kudus leboh kita pecaya “Nadai,” ku sida nyaut. “Indah ninga pasal Roh Kudus kami enda kala.” ³ Iya alu nanya sida, “Baptis nama ke dikena maptis kita?” “Baptis Yohanes.” ku sida nyaut. ⁴ Paulus alu bejaku age sida, “Yohanes maptis ngena baptis nesal ati, ngasoh orang Israel pecaya ke urang siko ke ka datai dudi ari iya, iya nya, Yesus.” ⁵ Lebuh sida ninga nya, sida alu dibaptis alam nama Tuhan Yesus. ⁶ Lebuh Paulus udah ngengkahka jari iya atas sida, Roh Kudus alu nurun atas sida. Sida alu bejaku ngena jaku ti nyelai, alu madah ke jako Tuhan. ⁷ Pemayoh semua sida kira dua belas iku. ⁸ Paulus alu tama age sinagoge, alu dalam kandang tiga bulan iya bejako enggau berani, alu betukar penemu pasal Perintah Allah Taala. ⁹ Tang, dua tiga iko sida kering ati, alu enggai pecaya, sereta menyai Jalai Tuhan ba mua semua raban sida, Paulus ninggalka sida, alu mai sida murid mupuk enggau iya, lalu tiap hari iya betukar penemu enggau sida alam balai Tiranus. ¹⁰ Iya ngereja nya dua taun, datai ke semua urang ke diau ba menua Asia, nyengkaum urang Yahudi enggau urang Yunani, udah bela ampit magang ninga jako Tuhan. ¹¹ Allah Taala ngereja kereja ajih ti balat nyelai ngena Paulus, ¹² datai ke labung mit enggau serayung ti udah negu iya dibai age urang ke sakit, alu orang nya gerai, alu roh ti jai pansut ari sida. ¹³ Udah nya sekeda orang Yahudi ke bejalai kia-kia muru roh ti jai, nguji ngena nama Tuhan Yesus muru roh ti jai, ko sida, “Aku muru nuan dalam nama Yesus ti diritaka Paulus.” ¹⁴ Pengawa nya dikereja tujuh iku anak lelaki imam besai urang Yahudi ke benama Skewa. ¹⁵ Tang ku roh ti jai nya bejako age sida, “Aku ngelala Yesus, alu aku ngelala Paulus, tang sapa kita to?” urang ke derasuk antu nya alu nerekam sida, ¹⁶ nangkap sida alu ngalahka sida. Sida alu rari telanjai ari rumah nya sereta ambeh teleh. ¹⁷ Leboh pengawa nya ditemu semua urang Yahudi enggau urang bansa bukai ke diau ba Efesus, semua sida takut magang, alu nama Tuhan dikemesai. ¹⁸ Mayoh sida ke arap datai alu ngako, ba mua urang mayoh, kereja ti jai ti udah dikereja sida. ¹⁹ Mayoh manang datai mai buku sida, alu nunu buku nya ba mua urang mayoh. Leboh rega semua buku nya ditung, rega semua utai nya nyau ka buli eh lima puluh ribu singkap duit pirak. ²⁰ Nya alai jako Tuhan balat amat nyebar sereta mansang dalam kuasa. ²¹ Leboh utai nya udah nyadi, Paulus alu berunding, ari iring Roh Kudus, deka bejalai nengah menua Makedonia enggau menua Akhaya, mansang age Yerusalem. Ko iya bejako, “Leboh aku udah nemuai kia, aku enda tau enda mega nemuai age Roma.” ²² Nya alai iya ngirom ke dua iko penulong iya, Timotius enggau Erastus, age Makedonia, alu iya empu diau enda entu lama ba menua Asia. ²³ Ba leboh maya nya pengacau balat amat nyadi ketegal Jalai Tuhan. ²⁴ Siko tukang temaga ke benama Demetrius, ke begagaka engkeramba rumah semayang ke Dewi Artemis ari pirak, meri penguntung ti besai age tukang ke bekereja begagaka utai nya. ²⁵ Iya nembungka sida, enggau urang bukai ke sebaka pengawa enggau sida, alu bejako ngagai sida, “Kita nemu, kitai buleh pengaya ari pengawa perusahan kitai to. ²⁶ alu kita mega meda sereta ninga, ukai semina ba Efesus tang nyau ba serata semua menua Asia, urang ke benama Paulus to udah ngumbuk sereta nguingka mayoh urang pecaya ke jako iya leboh iya madahka allah ti digaga ngena jari mensia nya ukai Allah. ²⁷ Nya kebuah, usaha kitai tau jai nama, alu rumah semayang Dewi Artemis ti besai to tau pulai nadai guna agi, alu iya ke disembah semua urang ba Asia enggau ba serata dunya, nadae agi dibasa urang.” ²⁸ Leboh sida ninga nya, sida alu pedeh ati, alu manjong, “Besai meh Artemis orang Efesus!” ²⁹ Semua urang alam negeri nya alu begau magang. Sida alu belanda age siti gedung ba negeri nya, ngirit Gayus seduai Aristarkhus, dua iko urang Makedonia ke sama bejalai nggau Paulus. ³⁰ Paulus bise amat ati deka mansang age tembong bala mayoh, tang sida murid nda nyagi iya; ³¹ indah sekeda urang perintah ba menua nya, ke sige kaban Paulus mpu, deh ngiromka pesau age iya, minta iya nda mansang age gedung nya. ³² Nyadi semua urang ke betembong ba balai nya nyau beterauh begau. Sekeda nyebut to, alu sekeda nyebut nya, laban mayoh sida nda nemu kebuah sida betembong. ³³ Sekeda urang Yahudi nyimpul ke Alexander mansang ke mua, alu madah age iya utai ti patut disebut iya. Aleksander alu tanda jari iya, minta urang badu age capoh ngambeka iya uleh bejako ngarika diri empu ba mua urang mayoh. ³⁴ Tang leboh sida ngelala iya nya urang Yahudi, semua sida alu manjong kira dua jam, ko sida, “Besai meh Artemis, dewi urang Efesus!” ³⁵ Tang leboh wakil negeri udah ngasoh urang bado age capoh, iya alu bejako, “urang Efesus, semua urang nemu negeri Efesus sige bise rumah semayang ke dewi Artemis ke besai, nggau pasal anak patung ke laboh ari langit. ³⁶ Laban utai nya enda uleh disangkal, kita patut diau diri, alu nda ngereja utai ti nda menuku. ³⁷ Kita udah mai urang to kito, taja pan sida nadai ngerumpak rumah semayang tauke ngelese ke dewi kitai. ³⁸ Nya kebuah, enti Demetrius enggau bala urang ke kerja ke iya ka nudoh sapa-sapa, ruang pengadilan sige meruan tebuka, alu kitae bise hakim. ngambe ke sida nuntut siko ngagai ke bukai. ³⁹ Enti kita bise utai bukai ti keran deka ditemu kita, utai patut diputarka leboh urang mayoh betembong. ⁴⁰ Laban kitae tau dikumbai urang salah ngaga pengacau sarito, laban kitae nadai reti begau baka to.” ⁴¹ Leboh iya udah nyebut nya, iya alu ngasoh urang mayoh pulai.